الأخت اللي انتقدت المعلمات اللي ماتقاعدو.....!

انت تقولي تتمسك بوضيفتها دام فيها صحه..!!


بعض المعلمات القداما يالله بالقوه يتحركو..ومالهم نفس يشرحو..وبالقوه يتكلمون..

يعني اول الضحايا الطلاب..وبعدين المعلمات الجدد

اي نعم لازم يتقاعدو ويتركو الفرصه لغيرهم..

االاخت الي كتبت الموضوع من قهرها تكلمتت وقالت عجايز والخ..الواحد مع القهر يطلع منه كل شي

وشوكرن

طيب ليش تفتحين موضوع جديد !!
كان رديتي على ذاك الموضوع وخلاص ..
.
.
تتمسك بالوظيفه دامها بصحتها ماقلنا شي
بس عيالنا من اللي رح يوصل لهم المعلومات الصحيحه !!
البنت ماقالت شي ووصف عجائز ما اعتقد انه سب او من هالقبيل
كلمة عجوز تقال لمن تقدمت فالسن
وهم لهم بميدان التعليم 40 او 35 او 45 سنه
شوفي متى توظفت نقول وعمرها 21 مثلا
ظيفي عليها 30 سنه
51 سسسسنه وللحين تدرس !!!!!!!
يالله الجنه بس ..
حنا مانحسدهم وربي الشاااهد ..
اصلا لما تتقاعد راتبها يجيها مثل ماهو ..
طيب تقاعدي وخذي راتبك اللي تبينه ..
وخلي البنات يتوظفون
والله مدرسه جنب بيتنا كلها معلمات اولاد اولادهم تزوجوا ..
ويدرسون وهم على كرسي ويابنت قولي ويابنت اكتبي
وهم وش شغلتهم
يجون يتقهون وينبسطون وياخذون راتب
والتعليم بقريح ..
.
.
الحمدلله ان الرزق من عند الله والا لو معاهم ماتوظفنااا

المعلمات القديمات كبرو بالسن وعطاؤهم ما هو مثل الاول ولازم يتقاعدو عشان يفتحو المجال لغيرهم

فعلا لازم يتقاعدون 00عطاؤهم صار بالحضيض

الكبار منهم طبعا مو الكل00وانا درستني وحده ماكانت تشرح لكبر سنها واخر السنه تعطيني ورقتين نحفظها ونكتبها بالاختبار ولو تشوفون كتبنا نظييييييييييييفه لأننا مافتحناها ولا هي فتحتها بعد

بسألكم سؤال وخلكم موضوعيين ....ليه ماقلتو عن الدكاترة اللي بنفس اعمارهم لازم يتقاعدون...؟
لان طبعا كل وظيفة او بالاحرى مهنة ترتفع قيمة صاحبها بتقادم العهد يعني الخبرة ,,,,ماعدا التعليم عندنا .....
وانا ماادافع عنهم لاني بصراحة عندي عليهم مآخذ كثيرة وحتى على الجيل الجديد من المعلمات وعلى العملية التعليمية كل ابوها ...لان الاساس مافي ....لامناهج عليها القيمة ولااساليب تربوية صحيحة ولاشي ...يعني العملية كلها فااشلة

يعني وش الفايدة يجون معلمات جدد وهم دارسين مناهج مالها فايدة...؟حتى في البعثات اللي جات مبعدينهم وكأنهم مو معترفين بدور المعلمين في تأسيس طلاب ومجتمع عليه القيمة ....اجل كيف بتتطور العملية التعليمية...؟ مافي شي جديد ,,,,,المعلمين والمعلمات اولى الناس بالتطوير عشان المجتمع كله يتطور..... بصراحة العتب مو عليهم انهم ماتطورو العتب على وزارتهم اللي كان لازم تطورهم وتعمل لهم دورات وتسفرهم وكل هالامور اللي ترفع ممستواهم وماتخليهم مستحاثات....ادري كل وحدة حاليا ودها بوظيفة_وتراني مثلكم ماعندي وظيفة_بتتكلم بحرقة لكن لازم نعرف المشكلة الاساس عشان نعرف نطرح حلول.....ودليل صحة كلامي طلابنا برا ليه يبدعون وهنا لا ...؟لاختلاف المستوى
اتمنى تفهمو الهدف من الموضوع ....وللمعلومية عندي بحوث ومراسلات لتطوير العملية التعليمية في السعودية وكل ماكلمت مسؤلين مافي اي اهتمام .....