ماشاء الله القسم مليان أطباق رز شي :o ،، وكلها بمسميات مكرره ومعروفه تقريبا بس الطرق تختلف ،، مثل الكبسه والبخاري والمجبوس ووووو ........الخ وكلها ماشاء الله شهيه وكل طريقه تقول الزود عندي
وحبيت اليوم أنزل لــــــكم طريقة رز محموس أتمنى ما يكون مكرر ،، طعمه شي ويوم اللي يجي زوجي من السفر لازم أسوي له هالطبخه لأن يعشقها بعد مثلي خخ:p
المهم نبدأ بالمقادير ( المقدار يكفي شخصين )
3 بصلات كبيره مفرومه مكعبات صغيره أو كبيره كيفك
2 كوب صغير رز
ربيان أو جمبري ( الكميه اللي تكفيكم )
شوي زيت لقلي البصل
ملح + فلفل + بهارات مشكله ( صحيحه أو مطحونه بكيفك )
قرن فلفل أخضر
مــــــــــــاء لطبخ الرز
الخطوات /
نضع الزيت بطنجره مع البصل ونبدأ نقليه مع التقليب ،، ونستمر في القلي حتى يصبح لونه بني غاااااااامق ولكن ليس محترق
مثل كذا
بعدها ضيفي على البصل مقدار من الماء المغلي ( الكميه اللي تكفي لطبخ الرز ) وانتبهي وانت تضيفيه لأنه بيفور شوي انتبهي انتبهي ....
واتركيه يغلي وأضيفي البهارات وحبات الهيل وغطيه لحتي يغلي أقل شي مدة ربع ساعه ،، وكلما خليتيه يغلي أكثر كان أفضل عشان الماء ياخذ لون البصل ويصير غاااااامق
خلال هالوقت نظفي الربيان وجهزيه وكذلك اغسلي الرز وصفيه
صفي الماء المغلي من البصل والبهارات ( وبتحصلي على ماء لونه أسود صافي وبدون شوائب خخخ )
ضعي الربيان + الرز في قدر الطبخ وضعي كميه مناسبه من ماء البصل وضيفي الملح + قرن الفلفل + حبتين هيل
واتركيهم على النار لحد ما ينضج الرز ( طبعا اطبخيه كالمعتاد الطريقه اللي تفضليها براحتك )
ثم قدميه وبالهناء والعافيه
طبعا ريحته وااااااااااااااااو تجنن والطعم لذيييييييييذ
أتمنى يعجبكم الطبق
أرجو من كل وحده تدخل تدعي بالذريه الصالحه عاجلا غير آآآآآآآآآآآآجل
والســـــــــلام
شكله رااااايق
تم الحفظ
وقريب التنفيذ