سلالالالالالالالالالالالالالالام حبيباتي وكل سنة وانتم بخير....
اختكم في الله داومت على صلاة الاستخارة بشكل موب طبيعي وصرت ادير اموري وأوجه اهل بيتي وانا في سجادتي....
شي خطير ومرييييح سبحان الله بس احنا غافلين عنه...
آخر موقف حصل اليوم:
كنا متفقين يحطني ابونا عند اهلي ويروح لديرتهم والعيال كانوا يقولون بنروح مع ابوي...
صليت الاستخارة بعد العصر على روحة ابونا الا ما طلعت سيارته مناسبة للسفر واخوانه كلهم تعذروا منه وقعد معها في الورشة...
المغرب قالوا مناب رايحين مع احد بنطلع مع ربعنا وانا ما ارتحت لهالطلعة...
يوم صليت المغرب صليت الاستخارة على طلعة العيال الا ابوهم تتكنسل روحته لان السيارة مافيها أمل سفر ابدا وجابها بعد المغرب واخذ سيارة عياله ومنعهم من الطلعة الا معنا...
يوم كلمتني الوالدة تسألني ان كنا بنجي ولا لا قلت لها اني مستخيرة بغى يطقني ابونا وقال استخيري عن نفسك وانا مالك دخل فيني...
وقبلها سالفة كان رافضها ولما استخرت وافق<<<ليتك مستخيرة من اول ..
عيالي الله يحفظهم صرت اي شي ما ابيهم يسوونه استخير عليه ومايصير الا الخير باذن الله...
وحدة اعرفها الله يذكرها بالخير كانت كلما بغى زوجها يسوي شي موب زين تروح وتستخير ويتكنسل ..
وترى الصحابة رضي الله عنهم كان احدهم يستخير على حل شراك نعله.
انتظر قصصكم مع الاستخارة...
ام الخمائل @am_alkhmayl
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
الله يبعد عنكم الشر ان شا الله