الاحراج الشديد والتهرب

السلام عليكم
اخباركم عزيزاتي
انا موظفه وظيفه حكومية ممتازة لكن لاتخص التعليم
من تخرجت من الثانوي قبل ١٥ سنه توظفت والحمدالله تزوجت وساعدتني وظيفتي في كثير من امور حياتي طبعا وظيفه تناسب مؤهلي الثانوي الحمدالله يارب رغم راتبي البسيط اغلبه قروض ومايبقى الا شي يسير لكن مستوره وفتره وتمر والحمدالله مبسوطه ومقتنعه ومسألة سنوات فقط وتنحل المشكله وصير الراتب ينزل كامل مو هنا المشكله المشكله بالاحساس بالنقص رغم وظيفتي تعتبر ممتازة وراتب ممتاز لولا القرض كان ينزلي تقريبا٦ الالف لكن القرض طير نصه ومستوره لكن اشعر بالنقص انا من كنت ادرس بالثانوي اكره شي اسمه دراااسه بالدف طلعت من الثانويه وتخرجت من بدو العالم يقدمون للجامعه قلت مابي ومااحب الدراسه وربي يسرلي وظيفه وتوظفت ومشت اموري والسنوات مشت لكن اذا كنت في اجتماع مع اقارب او صديقات انحرج ويتغير وجهي ويبان علي اذا سالوني عن شهادتي وقلت ثانوي تبان الصدمه بوجيههم شلون مو باين عليك ليش ماكملتي كثير ينصدمون صرت اتهرب من موضوع الشهادات والجامعه والدراسه اكره طاريها اذا تكلمو عنها احاول ما ادخل بالسالفه معهم خوفا من انهم يسالوني وانتي وش شهادتك او من اي جامعه تخرجتي مررره مسببلي احراج الدرجة زوجة اخوي لها متزوجه اخوي٥ سنوات ماتدري انا جامعيه او لا وكل مره تسولف معاي تقول تتذكرين ايام الجامعه لما كنا وكنا وانا اجاريها كاني عشت ذيك الايام ودرست ماصححتلها وقلتلها انا مادخلت جامعه وتوظفت مباشره هاالشي مزعجني جدا ليش انا مره متحسسه من ذا الموضوع ليش متفشله ليش مااصير واثقه من نفسي اقسم لكم بالله اني احس بقل ثقه بنفسي بسبب هذا الموضوع احس اني اقل من غيري اصلا يبان علي وجهي اللوان اذا انفتح الموضوع ومره صارحت خالتي اخت امي قالت لي ومن يسمعك والله حتى انا انحرج اقول للناس شهادتي مكتبات تخصص يفشل الدرجة صارو مايدرسونه قلت لها على الاقل بكالاريوس شهاده ليتني معي لو شهادة اقتصاد منزلي راضيه لكن بالنهايه شهاده بغض النظر وش التخصص فعلا الشهاده عز وثقه بالنفس مهما توظفتي وحسيتي بالاستقلال الا انه الشهاده غير
مابي اصير كذا مو الهدرجة مره احس اني مزودتها غلط مره والله العظيم اذا احد فتح طاري الجامعه والشهادة انه يبداء بطني يمغصني من التوتر الله يستر لا احد يلتفت علي يسالني وانتي وش شهادتك ولا من اي جامعة متخرجة ياربيه شي مره يقلق ومزعج