الاستغفآر ثم الاستغفآر ثم الاستغفآر ، لكل وحدة تبغى أمورهآ تتيسر وهمومهآ تنفرج

استغفر الله الذي لا إله الا هو الحي القيوم واتوب إليه

آآآآآآآآآآآميــــــــــــــــــــــــــن .. جزاك الله خير

جزاك الله خير

لا اله الا الله .. الله يوفقك يارب ..
الله يشفي الوالده ويفرجها عليها يارب
دعواتك لي بتفريج همي وتيسير اموري ونصري على من ظلمني
لاتنسيني تكفين : )

بنات انا جربته شي شي خلى حياتي بلسم بلسم لدرجة اني احس كاني بحلم زوجي هادي مايدري عن هوى بالي

قبل مناقشه على كل كبيره وصغيره حتى لو كانت تافهه


اعيالي هدوء بالبيت حتى كان ماعندي احد وانشراح وتفاءل ودعاوي مستجابه والله اني مريت بمحنه السنه هذي في وظيفتي كادت ان تفقدني وظيفتي بسبب بعض الزميلات الحسودات اعوذبالله منهن ومع الاستغفار انقلب كل شي ضدهن وطردن شر طرده لانهن صراحه ماخافن من الله الغيره كانت معميه اعيونهن والحسد والحقد


بنات زوجي ماكان يعترف بالصرف علي لو عشره ريال والسنه اخذت اجازه فطارت الفلوس ومومعقوله منين اجيب وكنت استغفر بنية ان الله يفكني من شر هالزميلات العدوات ماتتخيلون زوجي شرالي لاب توب ب 3000ريال ميتوشيبا وماكنت احلم بهذا من زوجي اللاب توب القديم خرب خراب بسيط فالهندي قاله هذا كلاس مافيه فايده والا يفاجاني باللميتوشيبا وانا مو مصدقه


دايم العيد انا اجهز اعيالي وهو مايرفض يستخدم اسلوب الصمت لايعطي ولا يتكلم فاظطر اني اجهز اعيالي لان مالهم ذنب هالمره كل وحده من بناتي اعطاها 500ريال حتى ان الكبيره تقول يمه اكيد هذا ابوي ما انتي مبدلته قلت اقطعي واخسي هذا نتائج الاستغفار وحسن الظن بالله

وعيالي 1500 ولا سدد جوالي 900ريال وسواقي دفع رواتبه طول فترة اجازتي وكل ما اطلع اقول ابي 100 وعلى طول مايقول شي


حتى طلعاتي كنت اخذ هم من اقناعه خاصة الزواجات رغم اني اروح قبل بس فيه نكد بس هالمره غيره يقول خوذي راحتك ويهتم بعيالي في غيابي واذا جيت تعالوا شوفوا الاستقبال بنات قولوا ماشاء الله

على فكره يا اخوات انا قبل استخدم صيغة استغفر الله واتوب اليه ولكن قرات حديث للرسول فيما معناه ان رجل جاء يشكوا سوء حاله فلم يكن الرسول يقول له الا استغفر الله


فانا من هذا الحديث التزمت باستغفر الله فقط


بنات ماتتخيلون كيف كنت وكيف صرت وبصراحه كنت استغف باليوم 5000 مره واحيانا 2000 واحيانا 3000 يعني على حسب وضعي وعلى فكره ترى انا مو ملتزمه لكني انسانه مستقيمه واخاف الله واراعيه في كل احوالي يعني كل شي في حياتي مبني على شي وهو اتركه لله واقدم عليه لله والحمدلله وعلى فكره يميزني توكلي الشديد على الله وكذلك حسن الظن بالله