الاستغفار وماأدراك ما الاستغفار,,,

هلا حبيبتي الله يفرج همك وغمك
انا من الذين الله فرج همهم بسبب الاستغفار
استغفر الله كل يوم بعدد لالالالالالالالالالا نهايه له
او استغفر الله الذي لااله الا هوو والحي القيوم اتوب اليه
وجربي
اختك المجررررررررررربه

السلام عليكم ورحمه الله وبركاته
اخواتي الحبيبات موضوعي هذا كتبته على عجل بعد ان احترت وين احطه بس استقريت على هذالقسم لانه راح يكون ملامس لمشاكلكم وحل فريد وجذري لها ادري فيكم ما تحبون المقدمات والاطاله وانا مثلكم
اولا حبيباتي راح اكتب لكم تجاربي مع الاستغفار وايضا تجارب اختي الاصغر مني
حبيباتي حبيت افيدكم ومن شان تستفيدو وتنحل عقدكم وتدعون لي وايضا محفزه لكم للمداومه على الاستغفار



اولا تــجـــــــــاربـي
1/ كنت في حاجه ماسه وماسه جدا للفلوس وكنت مستحيه اطلب من اهلي لاني طلبت من كل واحد قبل فتره
واستنفذتهم كلهم
المهم كنت ابيها في يومين بالكثييير المهم وارجع قلت اتسلف وبعد فتره اطلب اهلي واسدد والا ابيع حاجه عندي وعزيزه علي بس اخيرا قلت ادعي ربي يرزقني واستغفر وفعلا هذا اللي صار الكلام هذا الضحي
واستغفر واستغفر مدري كم بالظبط بس طولت وعلى ايدي وبالسبحه طبعا سبحتي ام ميه حبه واعيدها كذا مره
والله ثم والله يبنات الكلام هذا الضحى مثل ما قلت لكم والان العصر واخوي طالع الصلاة ثم
يروح لأختي ويقول تبون شئ ناقصكم شئ ما هي عوايده ولا طلبنا ولا لمحنا بشئ
قالت اختي انا مابي شئ قال واخواتك قالت مدري عنهم وطلع محفظته واعطاها المبلغ اللي انا كنت ابيه ومستحيه اقسم بالله يا بنات اندهشت دهشه؟؟؟؟

2/ومره كان عندي جهاز جوالي قديم وكانت فاتوره جوالي صادره بمبلغ 300 ريال والجهاز مثل ما قلت لكم كحيال مقربع يجيب الهم واسمع من البنات انه نازل جهاز جديد (جوال) اسمه الحريري طبعا اول مانزل قبل 3 سنوات وبالفعل استغفرت لاحظو النيه بنيه انه الله يرزقني بجهاز الحريري واسدد فاتورتي طبعا انا لا موظفه ولا دخل ولا شئ بس آخذ مصروفي من اهلي اذا عطوني واستحي مره مره اطلب اذا تأخر
المهم اكثرت من الاستغفار وكنت استحضر النيه وواثقه بربي ولله الحمد هذي خصله حميده فيني لاني شديده الثقه بالله
أقسم بالله الذي لا اله الا هو وبالله وتالله يا خواتي انه اعطاني اخوي الصرافه وقال اشتري لك جوال لانه شافني اشيله قدامه وجوالي يفشل ههههههههه المهم اخذت ا وكنت اخذه شويه فلوس عشان اسدد فاتورتي
والعصر رحنا للسوق عشان الجوال بعدين استحيت اسحب لانه ما حدد لي مبلغ معين فاتصلت به وقلت كم اسحب قال اشتري الجهاز وسددي فاتورتك قلت لا انا عندي شوي مبلغ الفاتوره وحلف علي اترك فلوسي واسدد واشتري الجهاز من المبلغ اللي راح اسحبه واتفجأت وحمدت ربي وشكرته والى الان ما تركت الاستغفار واوصي كل احد به
3/مرت علي سنوات ولا احد تقدم لي وانقهرت من همز ولمز حرمه اخوي كل يوم تلمح انه البنات راحو وانه
البنت اذا وصلت سن معين ما احد يبيها واحيانا تقول فلانه كبرك سبحان الله عيالها كذا وكذا وكنت انقهر جواي
واسكت ومره من المرات كنت جالسه انا وهي وحرمه اخوي الثانيه وابوي واخواني وتعرفون انا شديده الحيا
استحي من ظلي ولا احب اجرح احد ونفس الوقت انا الحمد لله الوازع الديني عندي كويس واول حاجه اذكرها اذا تضايقت او حد ظلمني ربي والجأله في كل حين وفي كل صغيره وكبيره
المهم بعد ما كنا جالسين قعدو يتكلون عن البنات واعمارهم وبنات عمومتنا وحسبو عمر وحده عمرها نفس عمري وعندها 3 عيال وكأني لاحظت الانظار تتجه لي او اني انا توهمت كذا ما ادري بس الاكييد اني انجرحت وانكسرت نفسي واروح لغرفتي وادعي ربي ويوم جاء الثلث الاخير من الليل واقعد اصلي وادعي ربي يرزقني بس خاطب لو ما صار شئ بس عشان ما يقولو ما احد فكر فيها واستغفر واستغفر وادعي ربي
وكل يوم الثلث الاخير اجزؤه صلاه واستغفار الين الفجر
والله والله واقسم بالله يمكن بس اسبوع وتدق علي وحده من قريباتي وتقول انها كلمت زوجها عني ومدحتني عنده وكان يدور لاخوه على زوجه والان يبيني وقالها تسألني وقلت مادري من الدهشه واعجوبه الاستغفار
وغلطت غلطه كبيييييييييييره وهي اني توقفت عن الاستغفار بمجرد سمعت هالكلام ولا تقدمو رسمي بس الكل سمع عن هالخطبه ورغبتهم فيني ومن اللي سمعو مره اخوي اللي تعايرني
بس ندمت على توقفي عنه
فعلا كل مره استغفر يصيبني دهشه مع اني واثقه بقدره ربي وكرمه بس اللي يدهشني انه نفس الشئ اللي انا ناويته في نفسي وبنفس الطريقه اللي ابيها لاني كنت اتمنى مره اخوي بس تدري اني مو معيوفه ؟؟
4/من قصصي مع الاستغفار كان عندي جهاز لابتوب ومشترك بيني وبين خواتي وايضا اخواني الصغار يستخدمونه احيانا وكما عرفتوني من خلال قصصي السابقه انا ما عندي شئ اشتري كميوتر لحالي
وكنت افكر اخلي اهلي يقو المبلغ كل واحد يدفع جزء منه واروح لمحل الاجهزه الكمبيوتر واسعرها وطلع الجهاز الحلو غالي مره بالنسبه لي واصبحت كل ما اعجز عن شئ اهرع للاستغفار واستغفر طبعا انا عندي سبحه ام ميه حبه خاصه فيني للاستغفار عشان اجيد العدد المهم بعد الصلاة ادعي وفي الاوقات الثاني استغفر احيانا ميه واحيانا 1000 مره واكثر
قسما بالله مادريت الا اخوي يقول مديره في العمل اهداه جهاز فخم مره وهو عنده لابتوب وجديد ومو في حاجته
واتامل بيني وبين نفسي واقول هذي نتيجه استغفاري والا مديرك يحبك من زمان وش معنى الان يهديك لا وما لقى يهديك الا جهاز كميوتر والنوع الغالي سبحان الله العظيم اعجوبه وكرم الهي غفلنا عنه بعد كذا اخوي قال خذيه يا ( ) يقصدني والله مير اخذه وانا الان قاعده اشتغل عليه واكتب لكم منه
5/ وقبل شهرين كنت اطلب ربي عمره وصلاة يوم كامل في الحرم واستغفر في اليوم الف واحيان 300 واحيان 200 بس كنت يومي يومي متواصله وماتركته وابوي كان رافض وراكب راسه فكره السفر للظروف خاصه فيه وكنا نطلبه من زمان وكل مره يرفض ويقول بعدين في رمضان واذا جاء رمضان قال في العطله وعلى هالحال وما تركت الاستغفار ومره قلت بطلبه واذا رفض ما راح امل بستغفر مرات وبنيه العمره وصلاة الفروض كلها بالحرم واخذ ما زمزم شوفو نيتي كيييف استغفر بكذا نيه وابيها خلال هذا الشهر وبعد ما طلبته وانا اناويه استغفر بعد رفضه تفاجأت بأبوي يقول( تـــــــــم ) يعني موافق
التجربه اللي بعدها متعلقه فيها برضه يوم حددنا يوم السفر للعمره وجهزنا اغراضنا واحس انا ووحده من خواتي بألام اللي تسبق الدوره الشهريه ويوم حسبت لها الا انها بكره يعني نفس اليوم اللي بنسافر فيه واختي تشتري حبوب منع الدوره ويخبرنا الصيدلي انها ما عاد تنفع لانه لازم تأخذينها قبل ب5 ايام وقلنا نتوكل على الله ونستغفر ونأخذها وفعلا طول السفر واحنا نستغفر لانها مستحييل نقول لاخواني عن وضعنا وحمدلله سافرنا وصلينا وطفنا وادينا جمييييع العبادات واخذنا مويه زمزم وبعد ما رجعنا لبيتنا واخذنا يوم نزلت علي الودره حمدت ربي اما اختي نزلت عليها بعد 3 ايام والله الاستغفار اعجوبه وسحر حلال وحل جذري لجييييع مشكلاتنا

6/ هناك مشكلات كثيييره ما ادري كيف اذكرها لكم وبعضها بالنسبه للبعض تافه بس والله صعب حلها علي واستغفرت وانحلت في وقت قصير والفضل لله اولا واخيرا
6/ والان صار لي فتره استغفر بنيه وظيفه وواحد البارح من المسؤلين وعد اخوي خير مع بدايه الدراسه و****لله ربي يكتب لي الخير
والله والله يا بنات ما كتبت تجاربي الا عشان تدعون لي وتستفيدون وابي هذالقسم تقل شكاويه وتحلون مشكلاتكم دون تدخل احد

الان تـــجــــــــــارب اختـــي
طبعا هذي اختي اصغر مني ودائما احثها هي وخواتي على الاستغفار واقولهم عن تجاربي وحلولها بفضل ربي
وهي تدوم على الاستغفار على فترات ما هي متواصله
1/ تقول اختي انها كانت تشوف واحد بالتلفزيون من رجال الاعمال وكانت معجبه بشخصيته
تقول وكل يوم استغفر بس انه يتعرف على اخوي ويزوره بس كذا واختي تحلف بالله انها كانت تستغفر بالنيه هاذي والله يابنات اننا كنا بس نشوفه بالتلفزيون ولا نعرف عنه شئ ابدا ابدا والان هو معرفه مع اخوي بس مصالح وصرنا نعرف عدد اولاده وعزمنا على زواجه الثاني بس ما رحنا لانه بمدينه واحنا بمدينه ثانيه
وتقول تقفت فورا عن الاستغفار بس والله انها ادهشتنا بتجربتها طبعا ما قلنا لاحد بس بيننا احنا البنات
والى الان كل ما ذكرنا تجربه اختي مع الاستغفار نعرف ونؤمن بقدرة ربي
2/ تقول اختي عندها تجارب قصيره ومتشابهه بس كلها تتعلق باختباراتها وانها تتذكر بعض المعلومات اذا نستها بعد الاستغفار ومره كانت غايبه وعليها اختبار ومستحييييييييل يتأجل وهي ما تقدر تروح للمدرسه
وانقهرت وقعدت تستغفر الى اليوم الثاني ويوم سألت زميلاتها قالو امس غابت مدرسه الماده وما اختبرنا
وحمت الله وشكرته لانه بفضل ربي ثم الاستغفار
هـــــــــاه اتمنى اني افتدكم واللي مجربين اتمنى تزيد العزيمه عندهم والثقه بالله
ارجوووووووووووكم يا اخواتي والله واقسم بالله هذي تجـــــارب من واقعي وواقع اختي بعضها حدث في هالايام وبعضها في ظروف صعبه جدا وانحلت بفضل الله ثم ملازمه الاستغفار
ما ابي منكم غير الدعاء لي ولاخواتي بالتوفيق واللي بتنقل الموضوع حلال بلال عليها وحتى لو ما ذكرت المصدر عادي اهم شئ الكل يستفيد ويدعي لي
هذا موضوعي مع الاستغفار بقسم آخر نزلته قبل فتره ونسخته لعيونك يالغاليه واتمنى تدعين لي ولاختي

هلا قلبي الله يفرج همك ويبدله بفرح
وعلى كل مسلم ومسلمه يارب..
بالنسبه لصيغ الاستغفار الوارده عن النبي عليه السلام..
استغفر الله_
اللهم اغفر لي-
رب اغفر لي وتب علي انك انت التواب الرحيم-
وغيرها كثير يعني مافي صيغه معينه
وانتي اكثري من الاستغفار ولاتقولي مافرجت لانها ستفرج
باذن الله ..
ادعي لي ربي يرزقني بالذريه الطيبه

صيغه كثيره
منها
استغفر الله
استغفر الله العظيم
استغفر الله واتوب اليه
استغفر الله الذي لااله الا هو الحي القيوم واتوب اليه
كلما كثرت من الاستغفار كلما كان افضل
يعني الف مره الفين مره او اكثر او اقل على حسب قدرتك
لكن المهم يا اختي لاتستغفرين بنيه الحمل نفسه
او بنيه الرزق نفسه
استغفري بنيه ان يغفر لك ذنوبك ثم ادعي بالرزق والحمل
اختي هاتي مسبحه طويله ام الف حبه احسن لك

كنت أردد أستغفر الله في اليوم كثير على قد ماأقدر

وأحياناً أردد أستغفر الله العظيم وأتوب إليه ..

والله يرزقك ماتمنيتي ..