الاسعاف الاولي........... مواقفكم معاه

السلام عليكم

حياكم الله صبايا.......


اليوم نبي نتسلى وكل وحده تقول لنا موقف مر عليها صارت حاله قدامها وسوت لها اسعاف اولي
انعاش رئوي اللي تحبونه


هدفي من الموضوع نتسلى ونتثقف ونعرف نتصرف بالمواقف الحرجه

انا صار لي موقفين طبعا كلهم لاخوي الله يحفظه شيططون حيل وتخيلو كل سنه برمضان ثلاث مرات

اولها كان صغير كان يلعب وكان فيه ترمس للشاي قعد يلعب فيها وانكبت عليه طبعا احترق من السره للركبه
من رحمه ربي عليه حفاظه ولا ضاع مستقبله خخخ
طبعا امي قلبها ضعيف مستحيل تشيله بس ودته الحمام غسلته وعطتني اياه اوديه المستشفى

طبعا انواع الصياح والله انه يفرك رجل على رجل من الالم ماعليه غير فوطه ولازم مايتحرك عشان ماتصير له
زلوق يعني الجلد ماينشال ومثبتته وعاد بالمموووت وصلنا المستشفى على الزحمه والحمد لله كبر ونسى خخ

الله لايعوده


والثاني برمضان اللي وراه كان ياكل حلاوه غص فيها طبعا انا جتني صدمه ماعرفت اتكلم ولا اتصرف

واختي حاولت معاه ماعرفت وانا ولا تحركت لين صرخت علي فقت

انا طبعا عندي خبره شوي بالاسعاف الاولي وقتها وجهه صار ازرق مو قادر يتنفس ولا يتكلم


حطيته على كتفي وضغطت على بطنه لانه بنيتي شوي ضعيفه ماقدرت وعلى طول الحمد لله طلعت ورجع يتنفس الله لاييدها من ايام


وبس خلينا نشوف تجاربكم اول