الافرازات السوداء في الحمل

السلام عليكم
كيفكم حبيابي حوائيات عالم حواء
المهم اخبركم سالفتي
انا حامل في الشهر الثاني
عندي ولدين الله يخليهم لي
وقد اجهضت 3 مرات قبل كذا بدون معرفة الاسباب
المهم في حملي هذا ...صار جماع وبعد الجماع نزل دم مني ...ورحت المستشفى ...واعطتني الدكتوره حبوب دافلون ((بصراحه ما اعرف وش سالفتها )) والدافستون هذا مثبت اعرفه وحبوب حمض الفوليك كمان اعرفه

المهم استمريت عليهم وتوقف الدم ...المهم كل ما تحركت كثير بالبيت نزل معي افراز اسود ...بصراحه خوفني ما ادري وش سالفته ...وهل الافرازات السودا خطيره واحد نزل معها كذا ...وكيف سوت ؟؟؟؟

للمعلوميه انا معي جلطه بالرجل وقالت لي الدكتوره لازم ابره كل يوم طول فترة الحمل ....وانا استخدمها كل ما حملت ///لان هذا كلام الدكتوره ((هرمون الحمل يزيد نسبة التجلط في الدم عندي )))

الله يسعدكم يا بنات انا عمري 37 سنه ...ادعو لي ان الله يثبت حملي ويرزقني 4تؤام بنات واولاد ويبارك لي فيهم ويحفظ لي اللي عندي ....ما شاء الله مرت اخوي انا وهي متزوجين بنفس الاسبوع ,,,ونفس العمر وهي ما شاء الله بكرها في ثالث ثانوي وهي وبنتها تقولون خوات ..الله يخلي لها بناتها ...ويحفظهم لها ......وانا اكبر عيالي عمره 3 سنوات ونص

الله يحفظ لي عيالي ويخليني لهم انا وابوهم ليما نشوفهم رياجيل وازوجهم واشوف عيالهم ...وعيال عيالهم ,,,قولو اميييييييييييييييييييييين