البنت اعصابها تعبت .. وبتنهار .. ارجوكم ساعدونا !!

السلام عليكم ورحمة الله وبركاته
بنات ابي اشتشيركم بمشكلة .. وابي منكم الحل المناسب او اي رأي يمكن يكون بداية الحل

انا اعرف وحدة يبيها واحد محترم و ملتزم والكل يمدحه والصراحة هالانسان مايتفوووت

المشكلة ابوه مو راضي يخطب له هالبنت لانها مش من قبيلتهم !!
وابو البنت صعب يوافق اذا ما جا ابوه وخطب !!

طيب شنو الحل يعني .. حاول مع ابوه مرة ومرتين وثلاث وصارله تقريبا سنتين ونص يحاول
مافي فايدة ..

هم الاثنين يبون بعض وكل واحد يقول ماابي اتزوج الا الثاني ..

شنو الحل ؟؟؟؟ في اي فكرة او اي حيلة ممكن تنفع ... ؟؟؟؟
الرجال يقول انا رجال واقدر اتزوج بدون هلي اذا هم مايبونها انا ابيها وشاريها وابي اعصم نفسي من الخطأ لان عمره 28 ومابي غيرها واقدر احطلها شقة بروحها مو لازم اسكنها مع هلي

بس شلون ابو البنت يرضى ؟؟ شنو العذر اللي يقوله له عشان يقنعه بعدم وجود والده

زوجي قالي خله يروح لابوها ويقوله انا في مشاكل بيني وبين ابوي واذا قلت له تعال معاي ماراح يوافق


تكفووون شوروا علينا .. وربي اللي تعطينا الحل بندعي لها ليل ونهار

ومشكورات مقدما .....



>>>>>>>>>>>>>>>>>>>>>>>>>>>>


وحدة من الاخوات سألت اذا كانت البنت متأكدة انه يبيها او لا .. واذا كان تصرف تصرف جدي يدل على انه يبيها وهذا كان ردي بحطه مع الموضوع عشان تاخذون فكرة كاملة ...

((
اي هي متأكدة انه يبيها .. وصارله مدة يبيها بس يحاول يقنع ابوه والاب مو راضي
وهي تعرف عيلتهم وتعرف زوجة اخوه .. اطباع الاب صعبة جدااا ومن النوع اللي يتحكم فكل شي
حتى زوجة الاخ تبي تطلع من البيت لان صارت مرة و الاب مد يده عليها وضربها ..


والرجال قابل ابوها على اساس يتعرف عليه ويعرف اطباعة ويسأل عنه وبعدين يجيب هله ..
عشان تكون الخطوبة رسمية .. بس للحين الاب مو موافق .. وكل مرة يعطي كلمة مرة اي ومرة لا ..
نفس ماتقولون احيانا يقول اي بس عشان يفتك من حنة الولد عليه ..

))