التبويض و الآلآمه

السلام عليكم ورحمة الله وبركاته
بنات حبيت اسالكم سؤال
السموحه معليش ممكن يكون فية شوية جراءة بس انتو ملاذي في هالاستفسارات
صحيح ما استفسر كثيير
لكن اغلبية استفساراتي وتساؤلاتي اللقاها في مواضيع الاخوات ومايحتاج احط لها موضوع مستقل
المهم
قرينا كثييير وعرفنا وصارت لنا خبرة ان
من علامات ايام التبويض
الالم بأحد الجانبين او كلا الجانبين
بعضهم نصح ان يكون الاتصال قبل هالالالام
لان معنى هالالام انه البويضة راح تطلع من جرابها
وعلى مايوصل الحيوان المنوي اليها تكون طلعت
وبعضهم نصح اذا حسيتي بهالالم يكون الاتصال يعني اثناء هالالام
وبعضهم يقولون بعدها

سؤالي
انا اذا جاتني هالالام احس اني بموت وحتى المشي اذا مشيت اتالم
مابالكم بالاتتصال
مرة ضغطت على نفسي
بغيت اموت وخفت ان صار لي شي داخلي تمزق ولا انفجر
طيب اللي مثل حالتي
عندهم هالالام
كيف يكون اتصال وكيف يتعاملون مع هالالام مدام نحرص على ايام التبويض لحصول الحمل

مع اني قريت موضوع كثير من البنات يقولون ان ماحصل اتصال بينهن وبين ازواجهم داخلي وحصل حمل سبحان الله لاحول ولا قوة الا بالله
يعني كلة بامر من الله وربي كاتب لهم ومقدر
بس وشو نسوي مانقدر الا نسعى ونستمر ونبذل الاسباب .