التجسس على الزوج

جزاك الله خير....
والتجسس مو حل بالعكس الا خراب بيت وتشرد اطفال وطلاق

خلنا بدون تفتيش افضل وكذا تستمر الحياه وهو اذا خاين يتولاه رب العباد يمهل ولا،يهمل😌

موظوع جمييل ومتقن
جزا الله خيراً لكاتبه وناقله

مدام عندة ابداع الاقناع والكتابه اتمني ان يكتب شيء للزوج الخائن

بارك الله فيك حبيبتي
الله يرزقك الذريه الصالحه المعافاة

معك حق أختي خرمسي بارك الله فيك

إليكم هذه القصة التى وجدتها بأحد المنتديات :

في أخت حبت تعاكس زوجها علشان تعرف إذا بيكلم نساء ولا لأ ،
عملت حساب على الفيس من شهور، كل ما ترسل
لزوجها إضافة يرفض الإضافة ، لأنه كاتب لا اضيف
النساء ، برضو بقت تبعت له إضافة وهو يرفض ،
المهم عملت له متابعة والأخ كان فاتح المتابعة ،
بقت الأخت تكتب له تزكية على كل بوست ،
بدأت تكلمه على الخاص والأخ طبعاً مش بيرد
لأنه مش بيكلم نساء ، بدأت تقوله ممكن أسألك
عن حاجة ، وسؤال يجر سؤال طلبت منه الإضافة
علشان لما يكون موجود تكلمه ، قالها مش هينفع أضيفك
قالت له أنا عندى مشاكل وأحب إنك تحلها لى ، قالها أول ماهدخل
هعمل لك نكز علشان تعرفي إنى موجود ، أو اتركى لى رسالة
بالمشكلة وأنا لما أدخل هرد عليك ، الأخت طبعا بقت تكلمه
كل يوم وفي وسط الكلام بدأت تبدى إعجابها بالأخ وكلمات
وعبارات بين السطوروالحدق يفهم ، المهم الأخ اتعلق
بالأخت من كلامها الرومانسى والحنية واللين في الكلام
قالها مش هقدر أكلمك تانى أنا بحب الحلال نتزوج وآجى
أشوفك وسط أهلك لأن فعلا محتاج زوجة مثلك حنينة ورومانسية
وودودة وكلامها كله سحر وجذاب لأن أنا محروم من كل ده
وبقي الأخ يطلع إللى مقالوش لزوجتة غنها مش بتهتم به وكل
وقتها للولاد وللبيت وانه محتاج أنثي في البيت وعشيقه ، الأخت
قالتله طيب ماحاولتش تقولها ، رد عليها قالها المفروض تفهم من
غير ما أقول ، وقالها تفهم أو ماتفهمش أنا كده كده هتزوج تانى ،
وبقى يلح علي الأخت إنها تحدد ميعاد للرؤية الشرعية ، بقت
تقوله بابا مسافر في شغل ومرة عندنا ضيوف ، قالها طيب أكلمك
مشتاق لسماع صوتك ، الأخت إللى مخها مش بيوقف من كتر التفكير
كلمته بشوية مؤثرات علي الصوت ، والأخ إللي ربنا طمس على قلبه
معرفش صوتها ، لما كلمها تانى يوم ع الخاص في الفيس قالها من وقت
ما سمعت صوتك وأنا حبيتك ومش هقدر أستغنى عنك انت خلاص لبستى في
قلبي وأنا مستعجل على الزواج بسرعة تشوفوا طلباتكم إيه وأنا مستعد لكل شيىء ،
الأخت طبعا كل يوم بتموت من الكلام إللي هو بيقوله للشخصية إللي بيكلمها
ومش بيقولها اي كلمة حلوة إلا هاتى آكل هاتى اشرب
ومفيش أي شيىء بينهم إلا انها خادمة له فقط ، لما الأخت بتقول انا
حبيت الشخصية إللي زوجى بيكلمها وبقيت طول الوقت أكلمه
بالشخصية المزيفة وحياتها تحولت لجحيم لأن زوجها
تحول تحويل تحويل كامل وبقي مهيء نفسه للزواج الجديد .

وبقي يحب جديد وحياته هو كمان اتغيرت لأنه بقي عاشق
ولهان للشخصية المزيفة ، لما خلاص الأخت زهقت وقالت لازم
أعرفه إن أنا الشخصية المزيفة ، إيه الفرق بينى وبينها ؟
ماأنا إللي بكلمه ، أكيد لما هاقوله إني أنا خلاص هيرجع يحبنى
ويهتم بي ، لما كلمته علي الفيس بالشخصية المزيفة
قالت له :لازم نقعد مع بعض نتكلم قالها هقابلك في سيتى ستارز
هي بقى شايفة زوجها بيلبس وبيتزين للأخت إللي هيقابلها
وشياكة وبرفان ريحته جايبة كل العمارة ، لما نزل من البيت الأخت
لبست ونزلت وراه بسرعة ولما شافته جريت عليه قالها انتى
ماشية ورايا بتتجسسى علي ولا إيه ؟ راحت قالتله لا أنا معايا ميعاد
هنا قالها ومقلتليش ليه انتي بتنزلى من غير ماتقولى راحت
قالتله أنا قلتلك أنا اللي كنت بكلمك علي الفيس طبعا بتقول انه
اتصدم وكان هيموت من الصدمة بيقولها انتى كدابة انتى شفتى
المحادثة أكيد قالتله مفيش حد غيري كان بيكلمك قالتله أنا
مسامحاك على كل كلمة اتكلمتها في حقي ومسامحاك انك كلمت
شخصية مزيفة ووقعت فيها ، راح الأخ المصدوم من الحب المزيف إللي
طلع كدب في كدب قالهل أنا مش هعيش معاك تانى (انت طالق )
(الأخت اتطلقت أول امبارح ومن وقتهاوهي نفسيتها تعبانة جداً وولادها
ماراحوش المدرسة وخلاص حياتها اتدمرت بسبب تطفلها وتجسسها )
قال تعالى : (ياأيها الذين آمنوا لا تسألوا عن أشياء إن تبد لكم تسؤكم ) .



منقولة لأخذ العبرة والعظة .

يا ايها الذين امنوا ﻻتسالو عن اشياء ان تبد لكم تسؤكم ....