بسم الله...

من خلال مشاهدتي لمقاطع رولا قطامي باليوتيوب
سجلت هالنصائح وبطبقها من اول يوم بالتاسع بٳذن الله..
حبيت افيدكم فيها لانها تحفز الرحم وبطانة الرحم وتخلي البيبي بوضعيه زينه ومؤهله للولاده الطبيعيه وتلين عنق الرحم حتى يسهل خروج الراس...

1/ طلوع ونزول الدرج مره باليوم ولو فيك تزيدين خير وبركه بس ماتجهدين نفسك لانك محتاجه اوكسجين بهالوقت..
(الدرج افضل من المشي العادي لان في طلعتك ونزلتك عظمتين الحوض تتحرك زي الارجوحه وبهالشكل ياخذ الراس الوضعيه المناسبه بكل سهوله)
2/جلسة القرفصاء..ابحثو عنها بالنت وطبقوها بالشكل الصحيح يفضل تكوني واقفه وتجلسين وتوقفين وتجلسينها ويفضل بعد تكوني ماسكه كرسي او كنبه..
3/كوب قرفه دافي يومياً من تدخلين التاسع لانه يحفز بطانة الرحم ويهيئها للطلق..
4/ اكثر من 5 تمرات باليوم لازم يكون اكثر من 5 حبات لان احنا متعودين ناكل التمر فكثري منه..
5/الفواكه الاستوائيه(الاناناس والافوكادو والكيوي والبابايا) تنتج هرمون نسيت اسمه بس حق الولاده..
6/بذرة الكتان تاخذينها حب وتطحنينها بنفسك وبالليل تنقعين ملعقه صغيره بكوب ماء واذا صحيتي الصباح صفيها واشربيها..وقتها الاخصائيه تكلمت عن الخروع ومانصحت فيه ابداً الا في حالة بتشربينه بنفس اليوم اللي فيه موعد ولادتك وماولدتي فقط فقط..
7/التمارين..اول ماتدخلين التاسع وانتي واقفه حركي خصرك بشكل دائري كم مره وانتي تشتغلين او واقفه عادي هالحركه جدا مفيده لعظام الحوض وانزلاق الجنين.
ووفيه كمان تاخذين وضعية الركوع بس تحطين يدينك كمان عالارض وتمشين خطوه قدام وترجعين بنفس الوضعيه خطوه لورا..
وفيه كمان الجلسه عالكوره البالون الكبير كلكم عارفينه جداً مفيدفي تليين عنق الرحم ويزلق الراس بكل سهوله..
8/ الجماع..لان السائل اللي موجود بالمني يرقق ويلين عنق الرحم وينتج هرمون الولاده مثل الخطوات اللي فوق كلهم تنتج هرمون الولاده..
9/مساج وترطيب حلمات الصدر جداً يحفز وينتج هرمون الولاده سبحان الله..
10/ المنطقه اللي بين السبابه والابهام امسكيها من المنتصف واضغطي عليها بقوه شوي تنتج هرمون الولاده..

ونقطه اخيره اللي حابه تمشي تمشي بس بشرط ماتمشي اكثر من 20. دقيقه باليوم واللي تحس نفسها تعبت فوراً توقف وتخليها عالدرج بس
لانك محتاجه اكسوجين هالفتره انتي والبيبي حتى ماتتعبين بالولاده..

كل الخطوات سهله ويفضل جداً تسويها كلها مع بعض من تدخلين التاسع كل يووم حتى يتهيٲ الرحم تماماً للولاده السهله بٳذن الله
واللي حابه تزيد وزن البيبي يمديها تلحق حتى لو مابقى عالولاده غير اسبوعين
بكثرة النوم تكثر نووم.

اتمنى تستفيدون مثل ما استفدت
دعواتكم لي عزيزاتي..

الماسه الله يشفيك يارب
امي قرة عيني مررره تأخرتي ترا راح تتعبي بعدين من التجهيز
غرورك الله يحفظ الله ابوك يارب

موناليزا جزاك الله خير ياعسل عالنصايح الي اختصرتيها من قديوهات رولا القطامي

ونسيت اسجل نقطه
الاكل السبايسي ( الحاار)
يفرز هرمون الولاده كمان

العفو سماسم ماسويت شي دايماً استفيد منكم

موناليزا عاد الدرج احس يجيب مفعول توي نازلة تحت وطلعت واحس بمغص
اما السبايسي احس يلعب بالبطن يجيب سهال واانتي بكرامة
قبل الحمل كنت اكل كثير حار بس بعد الحمل صرت اخاف منه