أم خوخه 88
•
سلامتك ماتشوفين شر ابعدي عن الحلا خصوصا الشاي واشربي اشياء دافئه والله يعينك عليها
ام رهف81 :
ام خوخه انا رحت الهرم و شريت منه،حلوة اغراضهم،واهم شي قطنية وتحصلين اغلب ال تبيه،وعلي فكرة حتي هو صار غالي مو مثل اول😐😐بس الميزة تطلعين منه وانتي مخلصة اغلب اغراض النونو ، واهم شي تشتري من 0-3 وبعدين اشتري للنونو من التخفيضات علي راحتك..ام خوخه انا رحت الهرم و شريت منه،حلوة اغراضهم،واهم شي قطنية وتحصلين اغلب ال تبيه،وعلي فكرة حتي...
الله يسعدك يارب وييسر لك ولادتك ان شاء الله بروح له
سمــاآاآ
•
صباح الخير
كيفكم ي حلوين ،،قريت الردود ع السريع ماشاءالله حلوو المهاد ي ام وسام وباين وراقي بالعكس اعجبني مرة ماشاءالله ،، والاسم اجمل وأجمل الله يجيبه بالسلامة .
كيفكم ي حلوين ،،قريت الردود ع السريع ماشاءالله حلوو المهاد ي ام وسام وباين وراقي بالعكس اعجبني مرة ماشاءالله ،، والاسم اجمل وأجمل الله يجيبه بالسلامة .
- اشراقة سلامتك ماتشوفين شر ان شاءالله
- ام عزة وياسمين سلامتك الله يشفيك والله المرارة ألمها شديد لازم تنشال زوجي تعذب الين سوا عمليتها والحين
- ميرال وباقي البنات أحسكم مكبرين الموضوع حبتين ومعلمة بنتك احس ماقالت شي يخدش الحياء ولا تعمقت بس قالت يكون فيه اسبوع مانصلي فيه يعني كلامها عادي اشوفه تمهيد بسيط او تلميح عشان ماتتوهقين لما تكبر بنتك وتستحين تفتحين معها الموضوع ، اشوفكم كلكم ذكرتوا مواقفكم وانحراجكم من عيالكم وبناتكم بخصوص هالموضوع ،، انا ام بنات وباذكرلكم تجربتي يمكن تفيدكم ويمكن تعارضون بس انا الحمدلله اشوف طريقتي انعكست ع نفسيتي ونفسية بناتي بشكل إيجابي ،، انا كنت بنوته هادية واستحي وامي عمرها مامهدت لي هالموضوع كانت تصرف وتخش فوطها عني اشوفها بالدس واخاف امي تشوفني مدري وش قصة هالقطن هل امي تمسح فيه والا تسوي فيه شي زي الأطفال 😷 هههههههههههه بعديييين يوم جتني الدورة تدرون شسويت ؟! ع طول رحت لشغالتنا الاندونيسية وعلمتها لانها حليوة وتدورون وش ردة فعلها ؟! طارت من الفرحة وصمتني وانا كنت ببكي يوم شفتها كذا والله العبرة واسكت قالت ماشاءالله كوييس انتي كبير الحين بعدين يصير حلووة 😍👸 بس ولو كنت خايفة من ردة فعل امي وبالضبط زي ماتوقعت راحت الشغالة وعلمت امي وانا أتسمع خايفة من امي >> هالشعور اللي حسيته بسبب طريقة امي المتحفظة اللي انتم تبون تسوون زيها ،، المهم امي انصدمت وقالت ي ويلّي ع بنتي توها صغيرة وخسارةوالشغالة تهدي فيها وفيني وكلام كثير ماذكره اذكر بس ان العبرة رجعت لي وحزنت وحسيت نفسي خسرت حاجة كبيرة 😔 وعاتبتني امي ليش قلت للشغالة قبلها بس مدري ليش حسيتها بتساعدها ومحاسبته بحاجز زي امي وقَعَدت كم يوم وانا استحي من امي ومكتئبة ،،، المهم سردت لكم قصة حياتي عشان تعرفون ان أحياناً تصرفاتنا بدون قصد وردودنا لاطفالنا تنعكس ع نفسياتهم بدون ماتحس ونعتقد إنّو احنا كذا افضل ،، كنت اسمع سوالف بعض البنات يوم كنّا بالمتوسط وان ابوهم يعلق عليهم برمضان اذا جتهم الدورة ويكشفهم اذا افطروا وكنت أنصدم ابوك وامك عادي تسولفين معهم كذا وإخوانك بعد يدرون؟؟! ويقولون عااااادي وانا اموت خجل بس بنفس الوقت أحسهم فالينها وعلاقتهم حلوة وقريبين من بعض ،،الحين يوم كبرت وصرت ام قررت أكون قريبة وصديقة لبناتي وأوضح لهم كل شي يسألون عنه دام هم سألوا اكيد بيصير عندهم فضول ولازم انا اللي اجاوب ع اسألتهم ما اخليهم يلجأون لأحد ثاني طبعا بدون تعمق بس ماااااااصرفهم ،، وبخصوص الدورة انا كنت اقول لبناتي الكبار يوم كانوا صغار اذا شافوني اكل برمضان انا تعبانة
- واللي تعبان مررة يفطر شوي شوي كنت اقول لبنتي وهي برابع ماشاءالله طولتي متى تكبرين وتجين صديقتي أمهد لها انها اذا كبرت وجتها الدورة وتغطت شيء جميل وانا انتظره بفارغ الصبر >> ما اخفيكم اني كنت متوترة ببنتي البكر وودي انها ماتجيها راحمتها بس ما بينت لها ابد لانه مو بيدي ولا بيدها ،،
سمــاآاآ
•
- المهم >> اخلصي
- بيوم جتني وسألتني عن الفوط شافتها بدورة
- المياة قلت هذي حقت الحريم الكبار اذا كبرتي ان شاءالله تلبسينها بس الحين ما يصلح قالت ليش قلت زي الستيان ، صح الحريم يلبسونها والصغار لا ؟ قالت ايوه قلت خلاص >>> لو كانت برابع يوم سألتني علمتها بس هي كانت صغيرة اتوقع اول او ثاني
- خلاصة الكلام انها يوم قربت تجيها صارت كل يوم تعطيني يومياتها هههع وكل التغيرات اللي تحسها وتصير بجسمها كانت تجي تسألني جتها الدورة وجتني وسويت زيشغالتنا الله يذكرها بالخير ضميتها وحسستها بالفرحة بس قلت لاتعلمين احد لان مجتمعي القريب اخواتي وبنات خالاتها شوي دفشين مع البنت اذا دروا انها بلغت كل كلمة والثانية بينتقدونها انك مرة وهذي حركاتك ،، والحين البنت ماشاءالله شخصيتها مرحة وصديقة ابوها بعد يطقطق عليها وهي مردت خواتها😂 لقيتها مرة مطلعة الفوطة وتشرح لأخواتها وحدة منهم في اول بِسْم الله عليها هي اللي تخشخش اغراضهم وتعرف كل شي وعارفين ان الدورة ماتصلي وماتصوم وان
- المكان ذاك خط احمر حتى هم ما يلمسونه احيانا تجيني احط لها فازلين تخاف تمسكه >> عشان ماتقولون بيجيهم فضول يستكشفون او شي ..الحمدلله يمكن وجود اخوات اكبر يسهل المهمة بس انتي ي الام خليك الأخت والصديقة والام الحنون ،، أتمنى تجربتي فادتكم وأتقبل رأيكم بكل ود
- ميرال لو انا محلك قلت صادقة استاذة كل الحريم يجيهم اسبوع يتعبون فيه ومايصلون بدون ماتتعمقين احسن ماتقعد السالفة ببالها
- وتسال احد من زميلاتها ويشوشون عليها
الصفحة الأخيرة