انا دايم اقرا عن الكثير يشتكون من الخطوط البيضا وتشويهها للجسم وشكله واعرف الكثير متضايقين نفسيا من الخطوط هذي وحبيت اقولكم بعض الحلول بس لازم الاستمرار يابنات لان يبيلها وقت ومافيه شي من يوم وليله
وانا بعطيكم كذا حل وانشالله تستفيدون منها ومابي الا دعواتكم......
كلنا نعرف يابنات ان اغلب الخطوط البيضا من سبب الحمل وتمدد الجلد وجفافه او من اثار السمنه السريعه وهذا اللي يحذرون منه اغلب اخصائين واطباء التجميل
عزيزاتي هناك نوعين من الخطوط الخطوط البيضا والخطوط الحمرا
اذا كان عندك خطوط حمرا من حسن حظك سهل جدا انها تروح مجرد انك تستخدمين بكميات كبيره الدهانات والكريمات المخصصه لهذه المشكله وانا في نهاية هذا الموضوع بذكر البعض من الكريمات الناجحه واسمائها
اما النوع المستعصي من هذي التشققات اللي هي الخطوط البيضا اهيا ترجع لاكن بنسبه اقل وهناك بعض الحلول ومنها العلاج بالتموجات الصوتيه او الليزر وهو يساعد التششق بان يصبح املس وتصبح اقل ازعاج ولونها خفيف ولكن ماترح تبقى بنسبه بسيطه
لكل الحوامل والمتزوجات على وجه حمل .....
نصايح مفيــــده لان الوقايه خير من العلاج....
اثناء الحمل تلاحظين عند خروجك من الحمام ان بشرتك مشدوده وجافه جدا وخاصة اذا كانت المياه كلسيه
منذ اللحظه الاولي اللي تعرفين فيها انك حامل اشتري كريمات مرطبه وضعيها في الحمام كي تتذكري وضعها كل يوم اثناء الاستحمام(بذكر لكم انواع الكريمات في نهاية الموضوع)
واذا كان بطن والدتك او عمتك تشقق قبل الحمل او تشققت البشره خلال المراهقه , فعليك بشراء كريم ضد التشقق ووضعه يوميا
-مره باليوم خلال الاشهر الثلاثه الاولى.
-مرتين باليوم خلال الاشهر الثلاثه التاليه.
-اما في الاشهر الثلاثه الاخيره عليك ان تشتري عبوات الايلاستين (Elastine)وتدلكي بها بطنك واردافك وبعدها تضعين الكريم ضد التشققات مرتين باليوم.
اعرفي انه لامجال للحلول دون التشققات اذا كنتي مهيئه وراثيا.ولكن هدف الترطيب الكثيف هو تنقيص نسبة التشقق فبدلا من ان تكون عشرة شقوق على بطنك قد تنخفض النسبه الى ثلاثه فما رايك؟؟؟
وذا قلل لك طبيبك النسائي من اهمية الموضوع فلا يدفعك ذالك من التوقف تابعي الترطيب يوميا دون سأم
.........................................
والحين بقولكم على بعض الاشياء اللي تخفف من الخطوط البيضا للي راحت عليهم ولا اهتموا من البدايه
عندكم الطريقه اللي عن طريق مراكز التجميل اللي ذكرتها بالبدايه عن طريق التموجات الصوتيه او الايزر في حال المشاكل المستعصيه
اما اللي عندهم بنسب خفيفه في الزيت الاول في العالم لحل المشكله هذي اللي هو البيو اويل بحط لكم صورته
هذا الزيت يقولون انه يزيل التشققات وحتى اثار الحروق والحفر اللي بالجسم والكل يعرف ان التشققات تترك اثار وملمس خسن بسبب ان الجلد ينشق ويكون ملمسه وشكله متعب نفسيا
بنات انا توني اشتريت الزيت مع اني مو حامل بس عندي بالصدر والضهر من تحت بعض الشقوق الحمرا بسبب زيادة الوزن لاني مسويه برنامج ازيد وزني ومابي يعلم فيني وللحين توني مستخدمته ماقدر احكم عليه بس انا استخدمته من كثر مامدحوه لي
والزيت هذا يوجد بصيدليات بوتس البريطانيه ولها فروع بفرنسا واستراليا واضن بامريكا بعد
وفيه بالامارات بس مدري وين الضبط وفي الكويت بسوق شرق ومطار الكويت الدولي وبقطر بمجمع فيلاجيو انا بصراحه جابه لي اخوي من بريطانيا
وفيه زبدة الشيا الاصليه اللي تقضي على التشققات وتلقونه بافريقيا الاصليه وصعب توجد عندنا
واللي بتلقى الاصليه ياحظها لانها لايعلى عليها
وبدة الكاكاو نشوفها بكره بس زبدة الكاكاو ماتزيل التشققات للمصابات ولكن تحافظ على جسم الحامل قبل الاصابه
وفيه الخلطه اللي كنت كاتبتها خلطه مغربيه رووووووعه تساعد مع المداومه على اختفاء الخطوط ولكن الخطوط الخفيفه مو الخطوط المستعصيه ولو استخدمتيها بتشوفين الفرق
بنات الكلام اللي ذكرته على لسان خبيرة التجميل كارول زمرد
وبعض من تجارب بنات المنتديات
واحب اذكر للي عندهم خطوط وترهل الرياضه مع العنايه لان العنايه بروحها مافيها فايده لازم ينشد البطن علشان تبين النتيجه
دمتووو بود واسفه على الاطاله بس حاولت بقدر المستطاع اني اجمع لكم معلومات
ودعوااااتكم
للاسف هالكريم مو موجود بالسعوديه :icon33:
الله يحففظك وخليلك اهلك