+ السلام عليكم ورحمه الله وبركاته
=وعليكم السلام ورحمه الله وبركاته
+ ايه اخبار الدنيا معاك ؟
=الحمد لله ماشيه ولكنى متلغبط فيها
+ازاى يعنى !!
= بص كده حولينا
احنا عمالين نقول تغيير تغيير
ولكن لاحظت حاجه مهمه جدا
ازاى هنتغير فى وسط الظروف اللى حوالينا دى
ازاى ربنا هينصرنا واحنا بالمنظر ده
ازاى هنتغير بجد
التغيير شئ كلنا بنحلم بيه
بس لو بصيت فى الواقع
هتلاقى انه شئ مستحيل
فعلا شئ مستحيل
+بص كده يا مستر
انا معاك ان التغيير دلوقتى صعب جدا
ولكن
نعرف الاول ايه اللى المفروض يتغير
وازاى هيحصل التغيير اساسا
واحنا كده
بص حواليك
هتلاقى القدس متاخده مننا وبتتهود
بص حولينا هتلاقى ناس كتيير كل هدفها
انه يدمر غيره عاوز يعيش هو وبس
هتلاقى ناس عمالين ينقدوا وخلاص بدون حتى ما يفهموا
هتلاقى فى ناس فاكريين نفسهم هما بس اللى صح
ومش قابلين اى حد تانى
طالما مختلف عنها وان كان فى فكره واحده
=طيب ماهو انت عارف اهوه
يعنى مستحيل التغيير
+ طيب اسألك سؤال
هل احنا كنا كده
يعنى من يوم ما الاسلام جه وهو كده؟
= لاء طبعا الاسلام كان متقدم جدا
وكان ليه اسمه وليه الهيبه بتاعته
كان لقب مسلم لقب بيفخر بيه كل مسلم
+طيب وهل قبل ما الاسلام يجى الناس دى كانت متقدمه
=دول كانوا متخلفين جدا
بس كانوا اكثر من متخلفين
+ جميل اوى
اذن الاسلام لما جه
وظهر غير
وعمل حاجه
حول الناس من بدو الى عظماء
حول الناس من عبيد للناس
الى عبيد الى الله
عمل حاجات كتييره اوى
=مظبوط
+اذن العيب مش من الاسلام
وان الاسلام قادر على التغيير
=مظبوط
+يبقى توافقنى ان العيب من معتنقى الاسلام
=اوافقك تماما
+احنا كده قطعنا شوط محترم فى السكه اللى بتتكلم فيها ان التغيير مستحيل
والحاجه التانيه
اتفقنا كتيير
ان ربنا ما سبش مشكله الا وحلها
ووضحنا كتيير
ودلوقتى نوضح كمان حاجه
وهى
حل المشكله العويصه اللى احنا فيها
لو بصينا فى كتاب ربنا
هنلاقى حبيب قلوبنا بيقول
( لايغير الله ما بقوم حتى يغيروا ما بأنفسهم )
نسأل بقى
ممكن تحدد لى اتجاه التغيير
يعنى هل ربنا هيغيرنا للخير ولا للشر ؟
=ربنا ماحددش
+يبقى معنى كده انها مفتوحه
ان القوم لو غيروا ما بأنفسهم للاحسن ربنا هيغيرهم للاحسن
ولو غيروا ما بأنفسهم للاسوء ربنا هيغيرهم للاسوء
=ايه ده يعنى التخلف والرجعيه اللى احنا فيها دى ربنا حذرنا منها واحنا مش حاسين
+شوفت بقى ربنا حذرنا قبل ما نبقى غلط وقبل ما نوصل للى احنا فى دلوقتى
=ياااااااااااااااااااااااااه
آآآآآآآآآآآآآآآآآه يارب
سامحنا
+السؤال التانى
دلوقتى هل ربنا هيغير القوم ككل
ولا هيغير ما بالقوم من عادات وسلبيات او ايجابيات
=من خلال كلام ربنا انه سبحانه
هيغير ما بالقوم
ولكن القوم زى ما هما
+جميل
السؤال التالت
هل التغيير مستحيل ؟
=
التغيير مستحيل .. امممممم
لاء
+ اديك جاوبت على نفسك
التغيير مش مستحيل
سواء للخير او للشر
ولكن نقف عند قاعده ان
التغيير مش مستحيل
ولكن ممكن يكون صعب
ولكن دلوقتى بقى عاوزين نعرف
امتى ربنا هيغيرنا
امتى هنتقدم ونبقى فعلا ليس مجرد قولا خير امه اخرجت للناس
نبقى خير امه علميه
وخير امه اقتصاديه
وخير امه سياسيه
وخير امه اجتماعيه
وخير امه ادبيه
وخير امه دينيه
خير امه فى كل حاجه
ربنا ماحددش
هنبقى الخير فى ايه
وفتحها
يبقى هنبقى خير امه فى كل حاجه
نبص كده
فى كلام ربنا
( لا يغير الله ما بقوم حتى يغيروا ما بأنفسهم )
بص كده
(يغيروا )
جمع من يغير
وان ده الشرط الوحيد اللى هيخلى ربنا يغيرنا
هو اننا نغير انفسنا
احم احم
نغير ما بأنفسنا
= فى ايه !!
+ الفرق كبير
حتى يغيروا ما بأنفسهم
مش انفسهم
حتى يغيروا ما بأنفسهم من عادات
حتى يغيروا ما بأنفسهم من اخلاق سيئه
حتى يغيروا ما بأنفسهم من سلبيات
ولكن الناس هى الناس
ودى بشرى جامده جدا
من ربنا
وكأنه سبحانه
بيقول
انتم تقدروا
بس ابدأوا
وانا معاكم
=بس معلش بقى عاوز اقول حاجه
+ اتفضل
= احنا اتفقنا مع بعض واقتنعت ان التغيير ممكن
ولكن اننا نغير نفسنا صعب اوى
انى اغير اشيائ انا اتعودت عليها
+ فعلا صعب وصعب جدا كمان
اقولك حاجه
ده مستحيل
=انت بتتريق
+ هتريق على ايه
انى اغير كل الحاجات اللى اتعودت عليها وان كانت سلبيه مره واحد شئ مستحيل
ده حتى ربنا سبحانه قال
( وخلق الانسان ضعيفا)
وهنا الحكمه
قولنا قبل كده
ان العقل بيقول
ان الضعيف يلجأ للقوى
=تمام
+ وبص بقى الحته اللى جايه دى
حبيبك النبى قال
( من ترك شيئا لله عوضه الله خيرا منه )
=مع كل احترامى للحديث
بس ماله يعنى فى ايه الحديث ده
حديث زى اى حديث
+ازاى بقى
ركز كده معايا
هل النبى صلى الله عليه وسلم قال
من ترك اشياء لله عوضه الله خير منهم ؟
= لاء
من ترك شيئا لله
+ ايه ...
= ايه ؟؟
+ ايه ... انت مش ملاحظ حاجه
=لاء ... قصدك على شيئا بقت اشياءا
وفيها ايه !!
+فيها كتيير
بص كده من ترك شيئا
وشيئا هنا مفرد
يعنى لو انت سبت حاجه واحده لله
ربنا هيعوضك خيرا منها
يعنى بالبلدى
ربنا مش هيعاملك بالجمله
ولكن هيعاملك قطاعى
يعنى هتتحاسب على الحاجه الواحده
=اقولك على حاجه
انا مش فاهم اى حاجه
+ انا دلوقتى
خارج بره
ومش بعرف او مش بغض بصرى اساسا
ومثلا
فى الخروجه دى
جه قدامى
15 منظر مش كويس
انا بصيت
14 بصه وغضيت بصرى مره واحده
تعامل ربك معاك
مش نظام
انت عصيتنى 14 مره
وبصيت مره واحده
مالكش حاجه عندى
وانى هحاسبك
على كله بأنك بصيت كله
ولكن
ربنا هيحاسبك على المره الواحده اللى انت غضيت بصرك فيها
وهيجازيك مكانها خير
الخير ده ايه ما تعرفش كل واحد على حسب شخصيته
بمعنى انا مثلا
ربنا يرزقنى وانا قاعد على النت ببرنامج جامد اسطبه على الجهاز
وينفعنى اوى
يرزقنى بيوم كامل خشوع او يمكن اكتر كمان
ربنا يجازينى بيوم اعيشه واتمتع بيه
كل ده بغض بصرى مره واحده بس
وفى نفس الوقت
ال 14 مره اللى بصيت فيهم
لو ما تبتش
منهم ربنا هيحاسبنى عليهم
ولكن حساب ربنا عليهم
مش هيجى جنب اليوم الكامل خشوع مثلا
لان دى بحسابها ودى بحسابها
كل ده لانك تركت شيئا لله
شئ واحد بس
على الرغم من انك غلطت كتيييييير
= انت بتتكلم بجد!!!
+انت نسيت
ده كلام نبيك وما ينطق عن الهوى
وبرضه كأن ربنا بيقولك
لو مش عارف تتوب من كله
مره واحده
توب من جزء وربنا هيعوضك
وتوب من الجزء التانى
وحتى لو تبت من كله مره واحده
ربنا مش هيعاملك بالجمله
ولكن برضه قطاعى
انك مثلا
سبت عدم غض البص
والشتيمه
والاغانى
ربنا هيحاسبك ويجازيك
على كل حاجه لوحدها
الاغانى
ب 50 حور عين
والشتيمه بلذه بقيت حياتك
مثلا
=سبحان الله
وكأن ربنا بشجعنا
وربنا انا هتجن من ربنا
بموووووووووووووت فيه
بحبببببببببببببببببببببببه اوى
وربنا بحبه
مش عارف اقول له ايه
وجدتها
يارب انا بحبك
+ بص ياباشا
نكمل طيب
ده انت هتجنن بجد
بس اصبر
بص الحاجه الاخيره اللى عاوزين نتكلم عنها
وهى
احنا
اقتنعنا
ان التغيير مش مستحيل
والحاجه التانيه
ان التغيير ممكن ومش صعب
والحاجه التالته بقى
نعرف
امتى هيحصل تغيير ربنا لينا
=هيحصل لما نتغير بجد
+جميل اوى
وهنا بقى علشان
نختم بيها الحلقه
نعرف
امتى ربنا هينصرنا
ونبقى زى ما ربنا قال
خير امه
فى كل المجالات
اقرا الايه دى
(الا ان نصر الله قريب )
ربنا بيأكد لنا فى الايه ان نصر ربنا قريب جدا
ولكن بص الايه التانيه
( ان تنصروا الله ينصركم ويثبت اقدامكم )
لولاحظت هتلاقى
هتلاقى فى عامل مشترك وهو كلمه النصر
نصر الله قريب
وان تنصروا
ولكن هنا نقف
هل معنى ان انت ساكن قريب منى انك كده
هتيجى تزرنى
=مش شرط
ممكن اكون مستعجل
مثلا
+ جميل اوى
اذن مش معنى ان نصر ربنا قريب اننا هناخده
=ازاى !!
+ازاى دى هتعرفها فى الايه التانيه
وهى
ان تنصرو الله ينصركم
بص كده
هتلاقى ((ان ))
الشرطيه
يعنى ربنا بيشترط
عليك
علشان انصرك لازم تنصرنى
ونصرى قريب جدا منك
لو عاوزه يجى لك انصرنى
=طيب معلش
ازاى انصر ربنا هو ربنا محتاج اللى ينصره
ده ربنا
+انت فهمت النصر بصورته الظاهريه
ولكن له معنى تانى وهو الصح
المعنى ده
اننا ننصر ربنا فى انفسنا
كل واحد ينصر ربنا مع نفسه
انه يخلى ربنا رقم واحد
اهم حاجه ارضيه
وانول رضاه
الدنيا تخرب تقلب المهم هو يرضى
وربنا مش هيسيبك
لانك نصرته فهينصرك
ونقول مثال
مثلا فى الكليه
راحت عليك نومه
وفى محاضره مهمه
دخلت
المحاضره كانت بدأت
دخلت الدكتور قالك
ايه اللى اخرك
اما تكذب عليه
علشان ما يكلمكش
وتقول له مثلا
المواصلات
او تقول له الحقيقه
انا صحيت متأخر
وانت هنا خليت ربك رقم واحد
مش عاوزه يزعل
ممكن الدكتور يزعل منك
ولكن طالما انت نصرت ربك
اقسم بالله ما هيسيبك
ممكن الدكتور يقولك اطلع بره ما تحضر ليش
طبعا اللى خلال تطلع انك كان همك الاول
انك تنصر ربنا
وانك كده عملت اللى عليك
وهى خطوه
(ان تنصروا الله)
تدبير ربك بقى
هينصرك ازاى مش بتاعتك
بره عنك
هو المدبر
هيعمل ايه
وهينصرك ازاى
هو وعدك انه هيتصرف فى حاله واحده
اذا نصرته
ممكن بقى
مثلا ربك يرزقك بواحد صاحبك كاتب
كل حاجه فى المحاضره
احسن من العك اللى بتكتبه
وساعتها تبقوا اصحاب
او مثلا المحاضره دى ما يجيش اى حاجه منها
او تقعد تقراها مع نفسك من الكتاب
تفهم احسن من الدكتور نفسه
المهم انها مش بتاعتك انت
نصرت ربنا
مالكش دعوه بالباقى
المهم خليك متيقن ان ربك مش هيسيبك
=ونعم بالله
تعرف انا اول مره اعرف ان التغيير مش مستحيل
وكمان مش صعب
ممكن اول كام خطوه هما اللى صاعبين
وبعد كده ربنا بيستلمك وبيحميك
اهم حاجه اننا ننصره
+نعم يا اخويا
احنا بقالنا سنتين
ومش مقتنع
اننا ممكن نتغير
= تصدق بقى
بس مش مشكله ده كان زمان
+شكلى هقتل واحد
= بلاش القتل حرام
+بجد !!
طيب ماشى كويس انك فكرتنى
بس اظن الضرب احيانا
بيكون حلااااااااااااااااااااال
= لاء برضه مش حلال
الا اللى ليك سلطه عليهم
+اععععععععععععع
ماشى انا اسف
انا اللى غلطان
اساسا
يلا سبحانك اللهم وبحمدك نشهد ان لا اله الا انت
نستغفرك ونتوب اليك
=سبحانك اللهم وبحمدك نشهد ان لا اله الا انت
نستغفرك ونتوب اليك
السلام عليكم
+وعليكم السلام ورحمه الله