التفااااااااكير حاسة مريري ><

ياربي تسلم كل وحده مرت وسلمت ..^ ـ ^

الله يرزقك الذريه السليمه انا وزوجي عندنا اختلاف الفصائل لنا سالب هو موجب ولازم ابره بعد كل ولاده...حملي الاول عدا بعدين تسقيط بعده بالمثبتات مره اسقط ومره لا وكذلك صار عندي خمول بالغده ماادري له دخل والا لا عيالي الثلاث الاخيرين عندهم مشاكل بس الحمدلله وحده بشكل الكلى والثانيه نقص اصابع والثالثه بالكلى جايين لجهه وحده والله يستر بس اهم شي انصحك فيه القراءه انا هذا غفلت عنه وقبل الحمل لازم تزورين الطبيبه لعمل الازم ...واسفه على الاطاله

الله يسعدك و يرزقك بالذريه الصالحه ...

ما عندي خبره كثير ... لكن اللي ودي اقوله انه موب شرط ان فصيلة دمك و دم زوجك موجبه انها نفس الفصيله لان فيه (او )موجب و فيه ( بي) موجب و هكذا ....

و عموما ارقي نفسك بنفسك و ان شاء الله ما فيك الا العافيه ... بس عشان ترتاحين اكثر و الرقيه على كل حال ما منها ضرر ...

و يمكن فيه حاجه وراثيه بينكم لو انتم قرايب ..

الله يرزقك الحمل السليم المعافى ... و يثبته لك .

ام النت الله يعوضك ويشفي عيالك .. هل أنتي وزوجك أقارب ..أنا هازبندي ولد عمي وع ياليتني ماخذيته ياليت ذاك اليوم اللي جت أمه تخطب طاقتني الحمى ورفضت..<< لا تشرهون ترا زعلانه منه حاليا وودي أبرد تسبدي..

المهم أنا تعقدت أحس بلا عيالي من هالقرااابه..ولدي الكبير عنده مشكله صحيه مقدر أقولها..وبنتي وولدي الصغار عصاااقيل وعندهم سوء تغذيه مايطب شي في فمهم ..وبنتي أم سنه ونص معصقله بعد وجاها تكسر دم ..<<وتبي تحمل بعد ههه

الصراحه بديت أشك في وضعنا هو أحد أمرين ياعين صاكتنا يا زواج الأقارب حايس مريرنا..

أفكااار فعلا أقارب عقاااااارب آخ بس لو استقبل من أمري ماستدبرت كان ماخذيته اللي مدنني محد حذرني من أهلي كنهم ماصدقوا يخلصووون مني ..الله يسامحك يمه << أروح للأسريه أحسن ..

المهم أفكار اللي فهمته ان اختلاف الفصيله يقصدون السالب والموجب ماتفرق أي فئه أهم شي ياسالب وسالب ياموجب موجب ..هذا اللي فهمته ..