مدخل
تستمر الحياة .. وتجبرنا على العيش
حتى نفارق انفاسنا ... لذلك
ابتسم ....... امحو قليلا من ذاكرتك
افعل كل يوم ماتريد
اجعل يومك سعيدا
لأنك لست متاكدا .... بأن أنفاسك غدا ستعود من جديد
البارح تقريبا مثل هالوقت او عالساعه
2 في الليل ,, طلبت بنتي حليب موذ
تحبه مره سم الله عليها ( عمرها الله يحفظها 3 سنوات و8 أشهر ,)
ورحت
انا وياها للمطبخ وأعطيتها الحليب وراحت لأخوانها لغرفتهم ,
قعدت اسكر بالدرج واشوف وش في بالمطبخ ادخله
يعني شغلات خفيفه
والله ما امداها راحت سم الله عليها
الا اسمع شي طاح
واسمعها تبكي
واختها الكبيره تصارخ طيران رحتلهم
لقيت التلفزيزن طايح عليها العوبا ...
التلفزيزن عالي وعليه الرسيفر وكانت تحاول تطول التلفزيون من الرسيفر
طاولة التيفي مو بعيده عن السرير
فكان نص جسمها على السرير والنص
الثاني تحت التلفزيزن بسرعه شلت
التلفزيزن شوي وطلعتها وهي ياعمري عليها تبكي ...
خفت وبنفس الوقت قاعده اقول انا لله وانا اليه راجعون يارب اني مستودعتك اياهاالمغرب
يالله انك تستر عليها واعيد نفس الكلام وانا ضامتها وامسح على ظهرها ما ابيها تخاف
واقول يارب اني مستودعتك اياها
المهم الحمدلله ... بالكثير ربع ساعه
والوضع رجع طبيعي وما صار فيها شي
وطبعا بفضل ربي الكريم واستوداعه
لأن عنده ماتضيع الودائع ولا يصير فيها شي
يارب لك الحمد من قبل ومن بعد
عن الحسن بن ثوبان أنه سمع موسى بن وردان يقول : أتيت أبا هريرة أودعه لسفر أردته ،
فقال أبو هريرة : ألا أعلمك يا ابن أخي شيئا علمنيه رسول الله صلى الله عليه وسلم أقوله عند الوداع ؟
قلت : بلى . قال : قل : أستودعكم الله الذي لا يضيع ودائعه . ( النسائي)
*****
روى النسائي وغيرُه من حديث عبد الله بنِ عمرَ قال قال
رسولُ الله صلى الله عليه وسلم: كانَ لقمانُ الحكيم يقولُ
إنّ اللهَ إذا استُودِعَ شَيئًا حَفِظَه
******
وروى الطحاويُّ وغيرُه عن عبد الله بنِ عمرَ
أنّه لما كانَ يُودِّعُ بعضَهُم يقولُ مكانَكَ حتى أُودِّعَكَ كما وَدَّعَني رسولُ اللهِ صلى الله عليه وسلم
ثم أخذَ بيَدِه وصَافَحَهُ ثم قال:أَستَودِعُ اللهَ دِينَكَ وأمَانَتَكَ وخَواتِيْمَ عَمَلِك.
انا اعرف كثير بنات هنا تكلموا عن نفس الموضوع
وكل وحده يصير معها موقف تجي تكتبه وتقول على فضل الاستوداع لكن اللي حبيت اقوله زياده
استودعي الله كل شي ... كل شي ... وانتبهي تنسين مثلا
دخلت السوق قولي دعاء السوق واستودعي فلوسك ,, استودعي شغالتك قبل لاتطلعين من البيت ,, استودعي اهلك واحبابك حتى وهم بعدين عنك ,,
حتى ردك او الموضوع لما تكتبينه استودعيه (( كثير صارت معي واتعب واشتغل عليه بعدين يقولي تعذر واعصب , صرت استودعه الله ))
اذكر مره كنت عند اهلي ورحنا للملاهي ,
وانا في السياره كنت مع عمي هو اللي ودانا ..
فقلت الاذكار مع الاستوداع ومسحت على رسوهم هم وبنات عمي ,,
المهم نزلنا وراحوا عيالي يلعبون مع بنات عمي في سنهم ,,
وانا قعدت شوي مع امي وجدتي
وبعدين لحقتهم وكانوا خالاتي وخواتي معهم ..
المهم لما وصلت كانوا عند لعبة السيارات قالت لي خالتي ترى ولدك رفض يركب وانا غصبته عشان يركب مع ولدي ,,
انا ابتسمت .... والله ما امدا خالتي خلصت كلمتها من هنا الا ونسمع
طرااااااخ من هنا واطالع الا ياقلبي هذا ولدي ضرب بأطراف المكان حقة السيارات نفسها >> تعرفونه اكيد
وبسرعه اروح له واشوف الدم يصب ياعمري عليه وتجي المشرفه عاللعبه
وتحط له ثلج وما ادري ايش وبسرعه
اروح مع اختي وزوجها للمستشفى وعملوا اللازم
وخاطوها تقريبا 6 نفذ بس الحمدلله من الدقيقه مره ماتبين حتى اهل زوجي لما رحت اول مره لهم خفت انهم ينتبهون له
ويعلمون ابوه ويقلق بس ما نتبهوا ابد لأنه ماكان موجود كان مسافر
والحمدلله رجعنا للملاهي ولعب شوي واستانس
وقاعده افكر اقول يارب لك الحمد
لما رحت لأمي او ماصار الحادث
وشافته واحنا بالملاهي
تقول ليه ماعوذتيهم اقول لها الا والله يارب لك الحمد ,,,
قاعده اتخيل لو ما عوذتهم كان صارت
الضربه على العين نفسها ... وراحت عينه بخبر كان
بس يارب لك الحمد صارت فوق الحاجب بالضبط
يعني حتى لو تأذينا شوي مع الاستوداع تأكدوا انه الحمدلله الله حفظ لكم الشي من شي ادهى وأمر
حبيباتي قبل لا اترككم بقول لكم
ساظل انا كما انا احبكم واحب الخير لكم ...
وتقبلو هالاهداء مني لكم
مقطع للشيخ المغامسي بعنوان
جمله زلزلت الشيخ الرباني المغامسي
تتوقعين احنا لو سمعناها بنتزلزل
WIDTH=400 HEIGHT=350
واخيرا
لا اله الا الله
الله يصلح لنا ولك النيه والذريه
الله يحفظ عيالك من كل سوء
صدقتي فضل الاستوداع عظيم
ومن توكل على الله فهو حسبه
جزاك الله الجنه حبيبتي