الجار وما ادراك ما الجار

مساء الخير يا صبايا

كانت عندي مشكله يمكن تكون بسيطه بس لو خليتها كان تفاقمت
عندي جاره الله يصلحها من النوع الي ياخذ ويكثر تعرفت علي بعد ولادتي يعني من شهرين جتني والي شفته منها كل خير قامت تشتكي لي ما عندها شغاله وتعبانه بالاطفال وهي مدرسه اخذت اجازه عشان تتفرغ للبيت انا من باب الذوق قلت اذا عندك شي ثقيل لا تشيلينه خلي الشغاله تساعدك قالت ما تقصرين بعدها كلمتني قلت انا في السوق قالت ابي السلم بس لما يروح ابونا لانه زوجي ما يحب الشغالات قلت طيب كلمت شغالتي وقلت لها ودي السلم بعد كم يوم اتصلت قالت ابي انفض الستاير خليها تساعدني قلت ما فيه مشكل وراحت لها واخيتكم احتاست بالبزارين هذا يصيح وهذا يلعب وعمليتي تعورني المهم ارجعت الشغاله تعبانه تقول ولا اروح لها يا مدام تحملني الخيشه على ظهري والكنب قلت حشى حتى في الهند انقرضت ضاهرت تحمل على الظهر بعد مدة اتصلت وانا جالسه اصلح الغداء ولا تقولي عندك اسطوانه زايده قلت لا اصرخت كيف اتصرف بسم الله خوفتني وكني انا زوجها المهم قالت زوجي بيجي والله ليفضحني ولا يفعل ويترك فكي اسطوانتك وارسليها قلت ما اقدر انا اسوي غداي قالت طيب ارسلي شغالتك بس تكشن لي البصل قلت طيب وارسلت الشغاله الا نزلت يقدر وارجعت وانزلت بالمكرونه ورجعت ونزلت بخيشت بصل ورجعت اخرتها انا وشغالتي زينا لها مكرونه بالبشمل وقلينا الدجاج لها وقلت الجار للجار ومرت الايااااااااااااااااااام والسنووووووووووون لا عاد ما مر الا ايام ولا هي تتصل تقولي متى تصحى شغالتك قلت لها الساعه 8,30 بحكم ان زوجي مسافر ولا عندي بزران في المدارس اخليها تنام عشان تسهر معي ومع الصغار قالت ابيها تجيني من بكره تساعدني بتلبيس اولادي للمدرسه تجيني قبل ست الا ربع يختي تعبت من تلبيسهم بصراحه فار دمي بس تمالكة اعصابي قلت ما اقدر لو صحت بدري بتنام بدري وانا ما اتحمل الطفلين سوى قلت طيب بكره عندي مجلس امهات ابي انزل اولادي الصغار الثلاثه عندك لين اجي الساعه 11 قلت اسفه انا انام وهي تنام وعيالك من يلحق وراهم وبيزعجون اولادي اليوم قبل المغرب طلعت مع ولدي واولادها يلعبون في الشارع مادريت وانا اتسوق الا هي تتصل قالت منتي في البيت طبعن قلت ايوه قالت خلي الشغاله تفتح لبنتي قلت انا ماعندها مفتاح وانا الله يسامحني اكذب قالت ايوه ريما تبي تلعب مع ولدك دودي ؟؟؟؟ ريما عمرا 8 سنوات و ولدي دودي عمر 3 شهور شفتو الفرق قالت معليش لما ارجع الساعه 10 قالت طيب اطمرها من السور قلت انا مركبه حديد قالت ايه صح ولا كان طمرتها وتاخذها الشغاله بالسلم بعد تفكر البقره وتخطط يله وش رايكم فيه ملاغه اكثر

انا ما قلت هالسالفه ابي احش بجارتي لا بس ابي اقول الناس لناس بس مو حد اذيتهم وطلب اشياء تعجيزيه وشي ما يخطر والطلب مره مو على طول الخط الناس مش مجبورين يتحملون طلباتكم واوامركم الواحد يكون خفيف على جاره ولا يكثر ثم يمصخ ويكره

ابي رايكم بالي سويته مع العلم انا لو طاوعتها بكل الي تبيه تلقينها بكره تدخل وتاخذ الي تبي وتطلع بدون اذن فيه نوعيه ما تستحي

ودمتم