الجديد بموضوعي .. للي تابعوني

السلام عليكم ورحمه الله
لكل الاخوات الي تابعوني
يعجز لساني عن شكركم للدعم المعنوي الي قدمتوه لي سواء بالعام او بالرسائل الخاصه
فعلا اخوات في الله لا حرمني الله منكم
بالنسبه لموضوعي .. انا رجعت لزوجي جاء بياخذني من عند اهلي بعد محاولات انه يبين لي الندم
كبر الخطا .. ماكل عذر يغطيه ....
مثل التعازي ماترد المصيبهـ **

وانا مااقتنعت بكلامه لانه ماكان ملزم بالاسف ولا كلف نفسه مجرد اسف .. سامحيني
صارت لي ظروف جبرتني ارجع .. منها وفاه ابوه
وضعي عند اهلي ( وضعي عند اهلي كان مرره متعب اضطريت ارجع مرغمه
وخصوصا عشان دراستي لاني عند اهلي انقطعت من دراستي واذا اتطلقت بدون شهاده ولا وظيفه ابعيش على منيه اخوي وزوجته .. كلام كثييير بقلبي ودي اعبر عنه بس اليأس حطمني وشل لساني
زوين يحطها بعيني .. رجعت له وهو يدري اني ماابيه .. فيني طنا ورث من ابوي وجدي
النفس عافته .. وصار يدور رضاي
مدري ربي سخره لي او جازاني بصبري
بس فعلا صار خاتم بأصبعي مااقول هالشي فرحانه بالعكس
وش فايده كل هالشي وانا مااحبه ؟!!
حتى في شغل البيت يساعدني ويسئذن مني في كل مشوار او اي حركه يسويها
بس خلاص القلب عاف
حاليا حياتنا جامده .. بائسه مافيها ذره حب او موده ولا رحمه
استمرار عشان الولد وعشان الظروف وعشان حاجات كثير
لكن صورته وهو معها عيت تفارق عيوني ثواني
اشوفها بوجهه .. مااشوف حسناته .. عيوبه تتمثل قدامي لما يقرب لي احس اني وصخه .
مدري كيف اشرح احاسيس ملخبطه عاجزه اوصلها ..
واعذروني .. اعذروني ع الاطاله لكن لي فتره مقطوعه عن النت
لايحرمني ربي من دعواتكم ووقفتكم معي واخص بالشكر
الاخوات الي راسلوني بالخاص والاخت الفاضله\ حره على كف صقار