ا(لجزء الثاني )لــبيب بيب تحبين تسوقين خشي سوقي!! اركبي قبل لانفوتك

المهم خالي شافني كذا قال لي طيب اسبقيهم >>يقصد السياره الثانيه … قلت اسبقهم قال ايه ورينا سواقتك >>اجل انا وش قاعده اسوي خخخ المهم >> ماتحسوني كثرت منها
قلت لخالي طيب انا اتغطى عن ولد خالي( طبعا هذا يكون ولد اخوه )قال ابد موب شايفك اسرعي ومري عليهم وماراح يشوفونك قلت له لا والله اخاف اهدي اذا مريت عندهم وخصوصا اني ماقد سقطت على سياره … ويقوم ويصك الشباك ويقول ماتشوفين التضليله >> والله الوهقه… المهم واحط يدي فوق عيوني >> كني اناضر من بعيد… اقول يووووه بعيدين >> انواع الحجج قال اقول هاتي بس ماتعرفين تسوقين… قلتله توبه خلاص بسبقهم … المهم واشد الهمه وادعس ذيك الدعسه اللي طيرتهم فيها وامي تقول هدي وش مطيرك وشوله تقولها اسبقيهم عاد خالي يقولها ماعليك تراها حريفه وانا من يوم اسمعها الا وادعس ماتشوفون الا غباري >> خخخخخ موب صاحيه… وماشاء الله سبقتهم على خير… المهم يقولي خالي كبسي لهم >> على بالها اطبخيلهم كبسه السباق خخخخخ… المشكله ماعرف شلون اكبس >>دلخه خخخ… واقوم اخربط في الازرار واتمحص… المهم وجبتها صدفه وسكرت النور… وتطقني ذيك الروعه اللي مادري وين الله حاطني فيه ويقول انا قت طفيه انا قلت كبسي قلت له ماعرف والله نعم السواقه ويجي ويفتح النور ويكبس … ويجون ويسبقون واجي واسبقهم قال خالي ماتنعطين وجهه خلاص يكفي تسبقينهم قلت سم طال عمرك >>ماتنعطى وجهه الى ان وصلنا الى الشارع
المهم وتنتهي المسابقه >>اقصد المغامره والى لقاء باذن الله ان اللله اعطانا عمر وعافيه الى مغامره اخرى اكثر تشويق … وتقبلوا تمنياتي لكم بمغامرات امنه ومممتعه في حدود طاعه الله
وشكراااا …

يا مرحبا يالغاليه والله انا كنت منتظره مغامراتك الرائعه
>>من طول الغيبات جاب الغنايم<<

والله انك فله ياشيخه ياليت تجيني الجرئه واسوق زيك.......
راح اقوللك موقف لأختي لما طلبت من ابوي تسوق الكوريلا........
طبعا السياره صغيرونه.... وركبت الأخت قدام متغطيه <<الكلام هذا في احد المخططات
قالها ابوي:ارمي الغطاه كيف بتشوفين ...قالت:اخاف احد يشوفني .<عاد اختي مصرقعه
حاول يعلمها شلون تشغل السوتش ..ولا ماحد حولك قاعده تاشر لنا تبي تقهرنا وبوي قالها هين
وهو ينزل من السياره ويدفها ويجون اخواني يدفون معه ....لما حست اختي ان السياره تحركت بغت تنزل بس مافي امل ابوي صرخ عليها ارجعي وامسكي الدركسون <ترى مو عاجبني اسمه وش دركسون ذا خخخ
المهم وهي ترجع وتقول ياااااربي واش اسوي ؟؟؟؟؟؟ ابوي يوجهها لفي يمين تقول :يماااااااا وين اليمين.... ويقولها :لفي يسار... تقول: وين يساااااري <<مضيعه الأتجاهات من الخرعه
وهذا كله والسياره ما اشتغلت بس قاعدين يدفوها الشباب خخخخخخخخ
اخذو لفه ورجعوها وحنا ميتين ضحك عليها ...
رمت الطرحه والعبايه نازله والكشه طايره من الخوف<خخخخخخخخخخخخخخخخ
ولما نزلت قالت :والله السواقه حلوه !!!!!! <<اصلا ماسوت شي بس تلف يمين ويسار

مشكوره ياقلبي على الموضوع...........سلملم

ااااااااااااااااه

وناسه السواقه

متى ياربي نسوق ونرتااااح

متى يسمحون لنا

اخاف اعجز وماسقت سياره في مدينه

لووووووووووووووووووول ..والله اثركم حركات
..
مره كنا طالعين البر الثمامه ..و نشبت بابوي الا ابي اسوق ..المهم ركبت الجيب و ركب جنببي اخوي ..
..و اقعد اسوق و متشششقققه من الفرحه محد قدي...
عاد كنا قريبين من الخط <<الشارع يعني ..و اشوف سيارة مرور جايه ..و قررربت لنا مررره
..عاد انا ماعلي من احد تقل اني اسوق بشوارع دبي ...و يجي عندنا ابو الشباب ..بس راح من شباك اخوي ..
قال ..معها رخصه ..و ياشر علي ...طااااااااااارت عييناني انا ...ماشالله بدوا الحريم يطعن رخص و انا مدري ...
قال اخوي ايه مطلعه بس ما بعد خلصت الاجراءات <<<يستهبل عليه
عاد تفشل الشرطي ..قال خلاص اهم شي لاتطلع للطريق العام
...
قلت ابشر ياطويل العمر ..ماتبي اخذ بك لفه يابن الحلال ؟؟!!

بس يا هو بثر هالشرطي ..يبي يحتك الظاهر و مايدري شلووون ...
بس فله السواقه ...ذكرتون ..ان شالله اقرب روحه للبر بسوووووووووووووق