فقدتك يمه @fkdtk_ymh

عضوة جديدة

الجنادريه والجنادريه ..انتي وش رايك ؟؟

السلام عليكم ورحمة الله وبركاته..
مساء الخيرات والمسرات
اخباركن حوائيات لبى قلوبكن !!
بنات من راحت الجنادريه وش رايها فيها وش احلى قسم دخلتيه واحلى عرضه حضرتيها وألذطبق تذوقتيه وايش اكثر شي استمتعتي فيه ..
انا رحت الخميس الفايت حج اللهم ياكافي بس انبسطت حيل حلوة واكثر ما عجبني حائل والمدينه اجوائهم روعه وطبعا سنترت بدكه القصمان لبى قلوبهم .. استانست حيل بس ما درت كل اقسامها من الزحمه وهذا يضيع وهذا يجي وضاع الوقت ..كان ودي اروح ساحه العروض يوم وصلت خلصو ..ااكلت مطبق من حرمه بالقسم النسائي روعه ..واشتريت شي ينحط فوق الفول والبيض وكذا من قسم المدينه لا تفوتكم يسمونها (دقه) وحاجه زي المكسرات انا سبق ذقتها طعمتها حامض ولذيذه تعجبني لقيتها برضو بقسم المدينه اسمها (حمر)
امممممم وصراحه نفسي اعيد التجربه وودي اروح الجنادريه بكرى الخميس او الجمعه لانهن اخر يومين للعوائل بس طفشانه اروح لحالي زوجي اذا راح جلس ما يحب يدور وخالتي كبيرة تجلس معه واختي حامل وتعبانه وممنوعه من الحركه وخواتي الثانيات مسافرات لامهن هالاسبوع وانا ابي احد يدور معي يسوف تعرفون وناسه ودوران ومدري كيف >>> النتيجه اخلصي وش تبين :cool: .. الي ابي من وده تخاويني ونروح :3_10_6: نوسع صدورنا مع بعض من فاضيه مثلي ولا عندا احد يروح معها نروح سوى ونتمشى ونقضيها سوالف وهذرة ... يالله الي ودها ترسلي خاص ..
واهم شي الي بتروح تلبس روز وشيله نبي نصير ثراث حقيقي هههههه:35:
يالله كل وحده تكتب رائه وش شافت وش اعجبها والي تبي تروح برضو تقول خلونا نروح نوسع صدورنا
والان اسلم المايك الي بعدي:cool: واتركم بحفظ الكريم بصلي ارجع اشوف ووش كتبتو ..

يلزم عليك تسجيل الدخول أولًا لكتابة تعليق.

تسجيل دخول

✿εyόoήķ dηίtч✿ • 13 سنة

واااااااااااو فلله ووناسهـ نفسي أرووح معك بس للأسف ساكنهـ في جدة واهلي في الريااااض وإذا تبين أحد من هلي يفرفر معك مو مشكله >>>>>>>هع هع أمزززح

جرعةحنان • 13 سنة

انا سمعت انه اختلاط وكدا واكيد عرضاتهم كلها بموسيقى .. صح دا الشي ولا لا ؟؟

يعنني بيسووا عرضة بأنآشيد مثلآآ ..

الله يسهل ويعين يآرب ..

حنان العطوي • 13 سنة

أنا في تبوك

سمو العزيزه • 13 سنة

انا مثلك رحت الخميس اللي فات وكرهتا من الزحمه والقرف والاختلاط صح عجبتني الاشياء التراثيه بس بجد ماقدرت استمتع فيها
مثل اول يوم كانت حريم نفسي ترجع زي قبل
بس ك>ا ماراح تستفيدين شي لو رحتي بكره يعني نفس الزحمه ليش مارحتي وسط الاسبوع يقولون اخف شوي
وتقدرين تاخ>ين راحتك فالاقسااام
بصراحه تمنيت انها حريم بس كان خاويتك واستانست معاااك الله يوفقك

فقدتك يمه • 13 سنة

✿εyόoήķ dηίtч✿.. منورة لبى قلبك والله ياليت دوري احد بيفرفر هههه
جرعةحنان.. اكيد اختلاط مثل السوق والمنتزهات والعرضات فيه شي دف وفيه شي بموسيقى يعتمد على الاقسام ..
حنان العطوي.. حياالله اهل تبوك لبى قلوب اهل الشمال ..
سمو العزيزه.. اي والله كان زحمه موت بس نحاول نستمتع ويوم مليت الزحمه رحت القسم النسائي حلو ماعليه فيه زفات وكذا وسط الاسبوع مافضيت تعرفين دوامات وحاله ..وحياك لو غيرتي رايك نوسع صدور بعض :)