قبل فتره رحت للسوق وقمت اتغرض واتسوق واتمشى واتلفت على هالنكوث بمعنى اخر خرابيط السوق
وابدا ابدا هالسوق صاير مابوه شينن عدل الوكاد والعلم الاكيد دخلت لي خياط افصل عنده نعاب خخخخخ ولد اختي يسميه نعاب
وفصلت وطلعت ومشيت على الدرج والا هذيك الحرمه تصيح وتصيح والله برقعها متمايل مع شنق وكبيره باللعمر واركض بكل حيلي <<< ام الفزعات الله يتم علي
واركض واركض وهذا اناا وهذا اناا مع الدرج <<فيلم هندي
واجيها قلت سلامتس ياخاله وش فيت قالت ياوليدي كيس الاغراض حقي وبه بوكي < محفظتي > وبع اغراضي
قلت متى علمتس بوه قالت ركدته عند لي هندي وهذاك علمي به قلت حسبي الله عليهم ياخاله لاذمه ولاضمير
وديني للمحل وابشري باللي يطلعه لتس
ودتني وركدت اغراضي وازامر (اصارخ ) على الهندي قلت اغراض هني مايشوف انت
حق ماما كبير قال ماما مايشوف قلت الله فوق شوف انت وين اغراض ماما قال ماما الله شوف انا والله ماياخوود
والله يابنات وانا اسولف اطالع باغراضي لمحت لي كيس غريب مومن سلالتي بنووب واطالع واطالع واتنح عاد ويفتر
حيلي ويصب عرقي تدرون ليه ؟؟ هذا الكيس اللي يذكر يادجت شرعبيه دجتااه عز الله هذي غريضات الحرمه واسترجعت الذاكره يمار انا الحراميه
اثريني يوم دخلت الخياط خميته معي وقلت للمره هذا هوو ؟؟ نطت عيونها وفهمتها السالفه والله دخت من الفشله واحس ودي القاع تسقط بي ههههههههههههه
امي ليلحين تقول ماوجرتي بهالمسلمه فضختي قلبها وغديتي عليهااا والله ودي المهاا ودي ابوسهاا مار عطيتها والنحشه
فالرجاء التركد التركد التركد لاتصيرون مثلي اخم الاولي والتالي ديروا بالكم من فصيلتي ههههههههه
سلام ياحلوات فترت من الحتسي ههههههههههههههههههه:09:
الله يسعدك انتبهي وانا بعد ابنتبه من فصيلتك
دمتي بود