الحقد تغلل بداخلي

السلام عليكم ورحمة الله

اخواتي عزيزاتي اخترت هذا القسم خصيصا وانا اعلم ربما ليس هنا مكانه ولكنة احتاج نصيحة منكن من الكتاب والسنه لتصحيح وضعي والعوده بي للطريق السليم


انا انسانه محبة للخير ابدي مصلحة الناس على نفسي واحب لهم مثل ما احب لنفسي والكل يشهد لي

اساعد زميلاتي بالجامعه لدرجة ماعندي مشكلة اشيل الشغل عنهم لانهم مشغولات بأعمال ثانيه منزليه او شي ثاني ابي دعوات طيبه لا اكثر

عندي زميلة والده وبيتها بعيد مرررره عن بيتي ورحمة بها وبحالها اطبخ وارسل لها رغم انه لو انا ماسوت ولا ارسلت لاني مريت بالموقف وماشفت مبادرة منها بس احتسبت الاجر لاني ماكنت ابي منها تردها لي

اوقف مع الناس بزواجاتهم حفلاتهم اهديهم اوجبهم اقدرهم وبالمقابل قليل من يبادلني نفس الامور صحيح انا ماسويت عشان يردونها لي لكن يحز بخاطري اذا ولدت ما اهدوني اذا تنومت مازاروني لكن ارجع واقول معهم اعذارهم ولعل الي منعهم اقوى


الان مدري وش جاني يابنات تعبت ورب البيت لدرجة ماتفارقني دمعتي صرت احقد وحسبي الله وكفى فيمن زرع الامر هذا فيني

ماصرت كذا الا بعد افعال واقوال من اهل زوجي وموقفي فيها التزم الصمت رغم اني احترق داخليا لكني التزم الصمت وبمجرد ما اوصل بيتي انفجر بكاء وليتني قلت وقلت رغم اني الاشياء لو بقولها بخربها وبقول كلام خارج عن سيطرتي عشان كذا افضل السكوت


مرت اربع سنوات انا على هالموال وبهالسنه خصوصا هالايام بديت احقد وكرهة حتى اصواتهم معد ابي اسمعها سواء هم او اي شخص ماقدرني ولا بادلني نفس ما اسوي له ....


مدري وش اسوي مابي الموضوع يكبر ابي اتغلب عليه مابي اصير حقوده ابي ارجع الانسانه الطيبه

انصحوني تكفون محتاجة نصيحة تجارب اي شي يردني ويصحيني ابي ادعيه احاديث ايات تفيدني وتقويني وترجعني لصوابي




الله يجزاكم خير دنيا واخره ادعوا لي لاتنسوني من دعواتكم بالشفاء انا مريضة سكر من تزوجت والان ضغط توه جاني من كم يوم