الجزء الثاني عشر من سواليف الضحى ...
بنات لاتضحكون ...
انا اليوم زعلانه :44:تدرون انا وين ؟ في بيتنا وين يعني ..جالسه عند باب الحوش وحاطه يدي على خدي .. ويدي الثانيه فيها كرت زواج بنت جيراننا آآآآآآآآآآآآآه .. مسفره الخبله بتتزوج وانا باقي .. طيب ليش؟ من دلهم عليها ؟ ليش مالخبطوا في الباب ودقوا باب بيتنا بدل بابهم مع العلم ان أبواب بيوتنا جنب بعض كننا ساكنين في بيت واحد الفرق بين البابين ان بابهم ابيض واسود وبابنا ليموني على أخضر فيه خطوط مايله أزرق وشويه من الباب كاروهات احمر وبني (طلب امي فديتها تقول يذكرني بلون قميص امي ) ومسامير على كامل الباب بلون ذهبي وعلى الجنب خطوط وردي (طبعا هذا لإرضاء ذوقي ومثل ما انتوا شايفين كل واحد وضع بصمته على الباب ) .. بس هذا هو الفرق يعني مو أي واحد ممكن ينتبه له .. آآآآآه عندي احساس غريب يقول انهم كانوا جايين عندنا لكنهم لخبطوا في الباب .. الله يعينني ادورلي على فستان عشان احضر تدرون اذا ما حضرت قالوا مقهورة منها حتى لو انك على فراش الموت لازم تحضرين على اساس انك تعبانه و جيتيها لأنك تحبينها والعكس صحيح ..اها وانا اقووووووول البنت كل ما كلمتها وهي تتميع في كلامها واذا مشت تسبل عيونها
تعرفون فضه قلبها أبيض مثلها تماما تحسب انها دلوعه وهي ما تعرف للدلع طريييق وكل ما أسألها مسفره وش فيك لايكون جاك شلل أطفال متأخر ؟ قالت لا يوه بسم الله عليه هذا انا دايم دلوعه بس ما ابين قدامك عشان ما أقهرك ( شوفي بنت الذين آمنوا وش تقول ؟ علينا ..علينا ياللي كنت تروحين للبقاله من دون جزم ؟ لا واذا بغيتي تروحين مع امك عرس وودك تكشخين ما تلبسين الا شحاطه ؟ واللبانه يوم انك تمطينها الا هي واصله راسي وما تنزلينها الا وهي سودااااااااااااااااااء من القرف.. واصكها بذيك الضحكه قامت زعلت وقالت خلاص بروح امي تناديني ) الله اكبر .. أثاري السالفه كذا ؟ والله اني على نياتي .. بس بصراحه هي تعتبر رفيقه الرجه منذ الصغر لو أقول لكم وش كنا نسوي ما ارح تصدقون .. لكن خلوها في وقتها أحسن ..
وانا في عز تفكيري .. الا وأخويه جايني وانا في قمه الإحباط قام يقول ..أنا يامنسيه بقول لك شيء بس لا تقولين لأهلي .. انا : مصدومه أول مرة أحد يستأمني على سر .. خير ان شاء الله قول كل اللي بخاطرك يا أخ العرب سرك في قعر البير اللي قراره في برادتنا تفضل .. قال الحين اتطمنت ..
انا ..
.
.
.
انا ..
.
.
.
انا ..
.
.
.
أنا حامل .......
أنا : حامل في كم ؟ قال في اربعه ..
هنا انصدمت وقمت عليه بالمكنسه اللي في يدي ..
حامل من مين هاه ؟ ومتى ؟ وكيف ؟
ما تستحي ؟ تسلم نفسك لبنات الحرام الين وصلوك الى هالمستوى ؟
بالله وش ذنب الطفل اللي بيخرج على وجه الدنيا بدون ذنب ؟
عند أي مسجد بتحطونه ؟ والا بتذبحونه ياللي ما تخافون الله ؟
وانا أقول ليش ارتفع معدل الجريمه عندنا في الحاره .. أثاريها من المصايب اللي جالس تسويها .. بسرعه بسرعه اعطيني رقمها خليني أكلمها وأكلم أبوها نجبرها تتزوجك عشان تدارون هذه الفضيخه اللي سويتها ..ولا يكون لك صور عندها ..
هنا أخويه أخذ المكنسه من يدي وطاااااااخ وعينك ما تشوف الا النور ألوان الغبااااااار ..اكحكح ما عاد صرت أشوف شيء .. قال هاه كيفك ألحين؟ انا الحمد لله بس من ايش أشتكي ؟ قال مدري ؟ قلت طيب يوجعني ؟ قال الظاهر يبيلك وحده ثانيه ..قلت : لالالالا انا بخير لكن ياخي صدق وش حامل ؟ .. قال حاااااااامل في أربعه ..
أنا في أربعه شهور ؟ ما شاء الله يتربى في عزك .. قال وبعدين ؟ قلت : خلاص خلاص .. قال حملت ماده التوحيد والتفسير والرياضيات والفيزياء
.. والله من النوم قلت طيب وليه ما أخذت التعبير على البيعه قال بغيت بس حلف المدرس ما أعيد .. والحين اشلون ؟ قلت مالك الا تقول لأبويه وما راح يكون الا اللي تتوقعه اعترف أحسن لك ومن غير أي مشاكل قال : انتي صاحيه ؟ انا أبغاك تستريني وانتي بتفضحيني قلت والله هذا اللي عندي .. قال أقولك .. خلاص انسي الموضووووع مرة قلت خلاص نسيته بس بشرط .. قال والله اني كنت عارف ما تقدمين لي خدمه لوجه الله هذا عشان تعرفين ليش ما حد يستأمنك على أسراره .. قلت بس عاد لايكثر .. (طبعا أخويه من النوع اللي زي أخوانكم ما فيه حرمه على وش الأرض تمشيه على كيفها الا زوجته طبعا هذه عليها علامه صح من الآن ) المهم ارتفع المؤشر قلت له تبي تشتري ثمن سكوتي ؟ اذا توديني السوق آخذ فستان قال طيب قلت : ومن ثم آخذ لي جزمه الله يكرمكم قال خلاص ؟ قلت ومن ثم أروح اشتري لي اكسسوارات قال اللهم طولك ياروح اتفقنا قلت ومن ثم توديني لعرس بنت جيراننا قال تراك زودتيها ؟ قلت انت راسب في كم ماده ؟ قال 4 قلت وكل ماده لها ثمن .. خخخخخ حرام حسيت اني كسرت كبرياؤه اللي عساه ما ينجبر والله ما احد مكسور خاطرة في هالبيت كثري مو كفايه الخطاب لخبطوا في الباب
؟ >>> مصدقه القصه ..المهم داومت في المشغل وجلست أفكر وش الهديه اللي ممكن اهديها لسفورة ؟ واثناء ذلك الا واسمع وحده تقول انا سويت لبنتي زفه غربيه قالت الثانيه وانا سويت لبنتي زفه الغابه الخضراء( حشى كيكه ) والثالثه قالت وانا امي سوت لي زفه على نغمات الراب ووحده قالت ان زميلتها اللي زفتها وكانت متفاجئه من الزفه زميلتها هذه لها صوت رائع وعشان كذا أخذت الميكرفون وابدت ابداعاتها واسمع تهاوييييل مدري وش اسمها ..الا وجتني فكره الا وهي اني اسوي لها مفاجئه مثل مفاجئه زميله هذه البنت والله صدق ابغني لها اغنيه الزفه عاد انا من صغري والله وهبني موهبه ال****د ..واستنى اخويه على جمر لين جا ووداني السوق وفريت فريت فريت السوق 4 مرات برضه على عدد المواد ( يا أني ذلييييييته ) لين لقيت التحفه الفنيه اللي ممكن تطيح أي أحد يمر من جنبي .. تنوره قصيره قماش خيش بلون فوشي وعلى الصدر فصوص أخضر .. حسيته بايخ مرة ما فيه شيء يلمع زين قمت شريت معه شال بيج منقط بأحمر لاااااااامع وبدي من على البدي الأول لون موف غاااامق كاروهات قميص جدتي ..بس . انا هنا بما أني انسانه محترمه لازم استر نفسي زين .. رجعت البيت ودورت في دولابي على بنطلون أختي (ان كان تذكرونه خط البلده اللي في الأساس لأخويه الصغير ) والبلوزه الحمرا الصوف اللي في أول جزء .. المهم اكتملت مع الإكسسوار اللي أكل نص البلوزه سلسله كنها مصنوعه لتقييد عتاوله المجرمين لون أسود وحزام يهببببببل شويه ويوصل نحري من كبره لون أصفر (تعرفون عشان يعكس اللون ) تعبت وانا أوصف شياكتي كل مرة ..
وجاء اليوم الموعود وانا محضره لصديقه الصغر أجمل زفه أعرفها في حياتي لها ذكريات عزيزه على قلبي كنت جالسه طووووول الليل على الكرسي مع امي وانا لابسه نقاب عشان محد يعرفني من اهلها ويقولون لها عن وجودي وما اتحركت قلت بخلي وجودي مفاجئه
ابغاها تشوفني على الكوشه وانا ازفها ابيها تشوف الفرحه في عيوني واني ما أغار منها .. المهم الا جاء وقت الزفه وشفت الطقاقه تستعد تبي تزفها الا وانا جري جري جري عليها وانزع النقاب أخذت عقل الطقاقه من هول ما رأت وأقول لها سيبوه سيبوه .. وأمي تمسكني قدام الحريم تحاول تنزلني تحسبني باكل الحرمه قلت لها لا يمه انا مسويه مفاجئه هديه زواجها ..امي قالت يابنتي تعالي الله يهديك ماله داعي انا جايبه معي هديه الناس يتفرجون علينا .. طمنت امي وقلت لها امي انا بنتك العاقله لا تخافين علي (يمه اعطوا سداح فرصه) قالت الله يستر (دايما أمي كذه مكسرة مجاديفي ) المهم البنت تستنى فوق ونزلت وهي فاغره فمها متفاجئه من وجودي وانا في يدي الميكرفون .. وبدت الزفه .. أنا : 1..2..3.. اختبر الصوت .. ثم انطلقت .. الله أكبر والمسيره أقبلت الله أكبر .. الله أكبر يافتاة بلادي .. يابنت صحراء الجزيرة نادي .. وخذي الشهادة واحمليها واهتفي .. ... ... الا والبنت وأمي وامها والحضور والطقاقه عيونهم طاااااااايره عرفت اني مسويه غلط (هذه عاقبه اللي ما يستشير بس والله اني على نياتي هذه زفه التخرج يوم كنا انا وياها سنه سادس )
قمت وكالعاده تداركت الموضوع قلت أقولكم موقف يضحك عن العروسه ؟
قالت وحده ايه ايه (شراااااانيه الظاهر وحده كانت عينها على المعرس توارد خواطر خخخخ)قلت يوم كنا بصف أولى إبتدائي كانت مسفره اللي هي العروسه بجنبي وكانت تبي تروح الحمام ولما رفضت المعلمه تخرجها سوتها على نفسهاااااااا تتترارن تتن هاهاهاهاهاهاهاهاهاهاها القاعه كلها .. حسيت الموقف عجبهم قلت خذوا موقف ثاني .. مرة يوم كنا مع بعض في الفسحه نلعب غميمه وكلنا خرجنا الا مسفره تدرون وين كانت ؟ كانت في الإداره تنضرب اثريها تبي تتخبى راحت غرفه الفراش برى يوم سألها ليش خارجه ؟ قالت له بغيتك تدق على الإسعاف المديره ماتت تتترارن تتن هاهاهاهاهاهاها
موقف ثاني مرة كنت مع ابوي رايحين البقاله الا ومسفره جايه جري وامها تمشي وراها بشحاطتها نسيت تلبس الشحاطه يوم درت ان فيه كشته تتتترارن تتن هاهاهاها .. على فكرة مسفره يوم هي صغيره كانت داااايما تشتري من البقاله بخاخ وانا اسألها وش هذا البخاخ ؟ قالت هذا معطر جو .. لين يوم من الأيام طبيت عليهم في البيت لقيتها في الحوش وامها تبخ راسها بالبخاخ اثاريها تطلع من راس مسفره ضيوووووف
هاهاهاهاهاها ..شوي الا واحس امامي نفس حاااااااار جدا كانت ام العروسه واقفه قدامي
اخذت المكرفون مني واعطته الدقاقه مدري وش الغلط الناس كانوا يضحكون وهذه تبي تنكد عليهم والا اشوف مسفره نازله وهي تبكييييييييييييي 
وانا استقبلها وأقول لها يمين لا لا لا يسار شوي والناس ميتين ضحك ويوم وصلت عندها الا وترفسني ذيك الرفسه اللي بغت تموتني قلت آآآآآآآي بأعلى صوتي ليش ياسفروه ترفسيني ؟ هذا بدل ما تشكريني على الهديه .. تعبت نفسي وغنيت لك بصوتي اللي يعتبر عورة من شده جماله قالت الله لا يعطيك العافيه على هذه الهديه .. وانا من شده قهري قمت ورفستها في بطنها بأقوى ما عندي الا وهي طاحت .. الله اكبر وش ذي الرقه ياسفروه ؟؟ مدري الا وامها جايه من الكوشه وانا فررررررر ما تشوفون الا غباري واندس بين الحريم وانا خايفه والدمعه ناشبه في عيني والله يابنات ما كان قصدي الا اني اضحكها واحط لها نكهه مميزه في يوم زواجها بس وهي تعاملني كذا ؟ وأدور على امي وانا اتنهد ولقيت امي الحنون واجري بسرررررعه لين وصلت لأمي وجلست مستخبيه عندها تحت جناحها الوثير .. وخرجنا بسرعه من الزواج حتى بدون عشاء ويوم وصلنا البيت على طووووول هربت لغرفتنا وسويت نفسي نايمه في نومه عميييقه الا ويد تمتد من الظلام وتشيلني من قفايه والله هذا العميد بابا انا : خير يا بابا 
؟ قال بعد اللي سويتيه فيه خير ؟ انا :اهب يمه مسرع قلتي له .. قال والله لأوريك وأخويه يضحك من ورى أبويه قلت له بس انا عندي لك خبر قال لاتحاولين تستجديني قلت لا والله طال عمرك انا داريه اني مجلوده يعني مجلوده اليوم ولذا قررت اني ما انجلد وحدي .. طال عمرك الذيب الأمعط اللي وراك راسب في أربع مواد الله يهديه ..قال ايش ؟ قلت والله وروح اسأل في المدرسه بنفسك وهنا طار الشرر من عيون الوالد وصار يلاحق الأخ اللي يضحك ( ويستاااااهل ليش يضحك على مصايب الناس ؟) وهنا رجعت لمخدتي الرائعه على موسيقى الله اكبر والمخده أقبلت .. 
خ خ خ خ خ.( اعلان هام يعلن مشغل ام جود عن وجود مخترعه زفات تهببببل اللي يبي يرفع يده .. يلا من الشاطرة تراه موسم زواجات وانتوا محتاجيني كيفكم )
الله الله بردودكم السنعه اللي عودتوني عليها
ياحلوااااااااااااااات
يسسسسسسسلمو ,.,,,,,,,,,
والله منجد ضحححححححكت :):):):):)