الحقوني بنات الرياض ملكه اخو زوجي عندي بالبيت و.....

وش تبين بالضبط

اذا تبين محل ورود عنك زهرة الربيع شغلاتهم حلو

واذا تبين مشغل حلو عندك دار نور

وبالنسبه للاسواق عندك صحارى وغرناطه اكبر شي بالرياض

بس افضل لو تحددين انت وين بالضبط بالرياض علشان نقدر نساعدك باقرب شي لك

هلا اختي معليش والله توة قالي زوجي وانا انهبلت ماعرفت وش اسوي فلت مافي غير خواتي بمنتدى حواء ماراح يقصرون معي.. شوفي توهم جابولي فستانها اسود ومفتوح من الخلف تبيه فوقه شال مناسب برايك وين الاقي شال .. وبعد صالون زين ... ومحلات للورد وضيافه للقهوة والشاي وعصيرات زينه وين محلاتهم.. وبعد يبي يسوي بوفيه للعشاء وين احسن مطعم انا ساكنه بالنسيم يعني قريب من خريص بلازا اذا عرفتيه ....... بنات اي وحده تعرف شي تعلمني ... ترى مالي غيركم ودي ابيض الوجه مع اهل زوجي لاتخلوني... :27:

بالنسبه للشالات ممكن تلاقين عند مونسون وفروعه كثيره واظن له فرع بخريص بلازا بس اذا المناسبه بعد العيد لاتروحين لهم الحين خليها بعد العيد لان السوق زحمه

وبالنسبه للقهوه والشاهي اظن شارع احمد بن حنبل فيه محلات تجهيز حفلات

اما المطاعم عندك الدبلوماسيه مره حلو بمخرج 11 اللي بالدائري الشرقي
وفيه بعد ماريز اللي بطريق الملك عبد الله برضو حلو واي شي ثاني احنا حاضرين والبنات ان شاء الله مايقصرون

يا حبيبتي فيه محل في مركز فانتيل على طريق الملك عبد العزيز

اسمه بالصراحه احلى

الحرمه اللي فيه بتساعدك في كل شي من شال العروس وجزمتها الى بوفيه العشا

ورقمها برسله لك على الخاص

نسيت اقولك على العصير عندك ماما نوره حلوه عصيراتهم

اما الكاسات والبيالات فما يحتاج تشترين اذا بتجيبين صبابات هم يجيبون معهم كل شي وبعضهم يخلونك تختارين التشكيله اللي تبين واغراضهم حلوه

ابدور لك على رقم صبابات اذا لقيت ان شاء رديت لك بس غالبا المحلات اللي ياجرون زل وكراسي يصير تبعهم صبابات