الحقوني بنات محتاجاكم عرايس حواء

ابوي وامي وابوه وامه
حتقولوا مالهم حقولكم:( انا وزوجي اصل انا مكتوب كتابي عايزين نعمل دخلتنا (الفرح) مش مختلط يعني الحريم بمكان والرجال بمكان ومن غير اغاني ومن غير اي حاجه حرام يعني الرجاله في المسجد مثلا والنساء عندي في بيتي وانا البس فستان فرح واعمل مكياج واعمل تسريحه بما اني منتقبه بس من حقي في ليلتي اكون عروس وزوجي قالي ان مهما كان المكان حيقتصر علي النساء بس لازم ما يكونش الفستان مفتوح يعني في حدود لعورات النساء علي بعضهم المهم انا طولت عليكم كل ده تماما بس المشكله اهلي واهله بابا عايز يعمل الفرح في فندق او قاعه كبيره ويكون مختلط وده منتشر كتير في مصر وباباه كمان و بيقولوا ان احنا اول فرحتهم ولازم يفرحوا اولا الفرح بيكون في اغاني ومطربين وراقصه وبعدين لو مفيش ده بيكون في دي جي واللي ماسك الدي جي يسأل فين اصحاب العريس وفين اصحاب العروسه ممكن يجي علي البار ( المسرح) ويعملوا دايره والعريس والعروسه يرقصوا ويدبدبوا والناس تتفرخ عليهم والزراغيط تبقي للسما و بعدين العريس ياكل العروسه ويبوسها ادام الناس كاول بوسه ليهم وكمان بابا عايزني اخلع نقابي واعمل فستان محجبات والناس تشوف وشي ( الرجاله) اللي مش محارم ولو مش عايزه ابين وشي البس البيشه علي الفستان وطرحه قيره تخيلوا والدي ووالده عارفين كل ده ليه

احكيلكم خطوبتي ومأساتي انا منتقبه ولما كان بيتقدملي عرسان كنت برفض عشان مش ملتزمين اخلاقيا ولا دينيا و لاكن في نظر اهلي كانوا كاملين المواصفات عشان يملكون المال والمناصب العليا وانا معي بكالوريوس وفي مصر ده بيعتبر مؤهل عالي ومن احد كليات القمه وانا كنت ببص (بهتم) بالخلق والالتزام بسنه خير خلق الله سيدنا محمد صلي الله عليه وسلم ده اللي كان يهمني في العريس ولما اتقدم لي زوجي كان الفرق في السن مش كبير 9 شهور وكان ماديا مرتاح يعني في نفس مستوايا المهم كان ملتزم ومطلق لحيته وحافظ لكتاب الله وامام لمسجد كمان كله ده جذبني وهو خريج كليه بس بتعتبر مش كليه من كليات القمه ولما انا صليت استخاره وشفته ومن غير ما انا وهو نتكلم كلمه واحده مع بعض ارتحت جدا وحالوت ان اقنع اهلي به وهو يقنع اهله به لان والده كان يريد ان يزوجه فتاه متبرجه وكان ينتقي له المتبرجات المهم اقتنعم بعد شهرين محاولات ولما قلنا ان الخطبه حتكون عائلي و تلبيس الشبكه بس ومامته هي اللي حتلبسهالي قامت الدنيا وقعدت في الاخر قالوا ان احنا نعمل قاعه ونقسمها ببارفان كبير (ستار بس خشب كبير) و اتفقنا مفيش اغاني تشتغل والنساء يكونوا منفصلين عن الرجال وفضلت انا واخويا لانه ملتزم مثلي سهرانين طول الليل لمده اربع ايام اعمل دونلود لاناشيد اسلاميه مناسبه للعرس عشان اشغلها عارفين ايه اللي حصل تعالوا ورايا


بعد ما دخلت القاعه وقاعدت لقيت الاناشيد انطفأت وأشتغلت الاغاني وقامت النساء ورقصت والرجال وبعد ما كان الفرح منفصل بقي مختلط وانا فضلت لابسه الملفحه طول اليوم وما خلعتها وتحتها فضلت ابكي و العريس واخويا واقفوا علي سلم الفندق وما دخلوش ولما روحت البيت حاولت اسأل بابا ليه عمل كده قال اصل الرجاله كانم قاعدين بيتفرجوا علي بعض ومش عارفين يفرحوا وانا حبيت افرح الناس فانا قلتله مين المفروض يفرح انا والعريس ولا المعازيم وهو الناس مبتفرحليش غير بالحرام يعني اللي بيحبني حيفرحلي في الحال لاكن اللي عملم كده عملم ده مش لحبهم لي ولا فرحه لا ده لحبهم للشيطان ومن هنا اخذت علقه زرقت جسدي كله حتسألوني مسبتش ليه الفرح انا والعريس

المفروض نقيم علي انفسنا الحجه ونبتعد عن مواطن الشبهات حقولكم عندكم حق ولاكن الشيطان اتي لي وفتح بابي بحجه الخوف علي التزامي وان والدي يخلع عني حجابي و يفسخ خطبتي لان والدي ووالدتي حاولوا كتير انهم يقلعوني نقابي ومعرفوش
المهم قررت انا وخطيبي واخويا ان اي حاجه تانيه نكون حريصين ونحاول تكون علي طاعه الله و طلب خطيبي من بابا كتب الكتاب وفضل بابا رافض وقال ليله الدخله يتم العقد علي بنتي وحاول اخويا يفهمه ازاي يفضل العريس ميشوفش العروسه ولا يتكلم معاها غير ليله الدخله لان الخطيب حكمه حكم الرجل الاجنبي يعني ميشفنيش من غير نقابي ولا يتكلم معاي الا للضروره اقنعنا بابا ولاكن بابا اشترط انه ما يزرناش غير مره في الاسبوع ما بين المغرب و العشا وممنوع اني انزل معاه وفقنا بس المهم يشوفني ونتكلم والحمد لله وتمت في بيتنا واخويا و الحمد لله وزوجي تمم اليوم بطاعه الله واخويا المره دي هو اللي بابا حاول يمد ايده عليه لان اختي حاولت تشغل اغاني وخويا زعق لها المهم دلوقتي والده ووالدي حالفين الفرح يتم بالطريقه دي يما ما في زواج اعمل ايه انا مش عايزه ابدأ حياتي مع زوجي بالحرام ازاي وانا متفقه انا وزوجي نبدأها بطاعه الله عشان ربنا يكرمنا يعني قولولي ازاي اعمل كل التجاوزات دي والحرام ده وفي الاخر اروح وانا مرتاحه وابدأ حياتي فين البركه في كل ده شوروا عليا وساعدوني