الحقوني زوجي لا يفارق البيت....

السلام عليكم و رحمة الله و بركاته لبنات حواء

في البدايه احب اني اقول لكم بأني اعرف ان اكثر الحريم يشتكوا بأن رجالهم ما يقعدوا في البيت
و يتضايقوا من سهراتهم الخارجيه او ظهراتهم الدائمه

انا متزوجه من سنه الحين و مشكلتي مع زوجي بأنه ما يفارق البيت بمعنى ثاني
((لازق في البيت)) بيتوتي و معطلع عيني

مشكلته ما عند أصدقاء إلا و احد او اثنين و حاط في باله انه كل الشباب سيئين

بصراحه تعبانه معاه في البيت ما يطلع ما اقدر اسوي الحركات اللي البنات يقولوا عنها لأنه نحن الأثنين نرد في نفس الوقت من الدوام و عقبها نشبه

حتى ساعات الصلاه يوم يطلع ما اقدر اسوي شي على الراحات لأنه ما يطول

بنات خبروني شو اقدر اسوي عسب يطلع من البيت حتى لو فترات بسيطه