الحقوني قبل لايصير فيني شي زوجي رافع ضغطي

:icon33:السلام عليكم ورحمة الله وبركاته
بنات انا ابحكي لكم مشكلتي مع زوجي على أمل اني ألقا حل يريح نفسيتي ويهديني
المشكله ومافيها انه الله يهديه يزعل مني لاسباب تافهه ويبغاني انسانه مثاليه طول الوقت مبتسمه واداريه وممنوع ازعل او اتضايق حتى لو كان الزعل مو تجاهه يعني متضايقه عشان مشكله ببيت اهلي مع اني ماادخله بمشاكلهم واجامله واقوم بواجباته بس يقعد وراي انتي طفشانه انتي زعلانه ويقوم يزعل ويتهمني بعدم احترامه وعدم حبي له ووتقديسي للحياه الزوجيه ينسا كل شي حلو سويته له وخلاص يدقق على زلاتي
مثال لو كنت مره معصبه من اولادي ورفعوا ضغطي
وقمت اهاوش وارفع صوتي عليهم يقولي انتي مو محترمه وجودي ادري عيب وغلط ان الوحده تهاوش عيالها وترفع صوتها عليهم بوجود ابوهم بس بالاخير انا بشر يضيق خاطري مع العلم اني ما اضربهم ولا ادعي عليهم احتراما لوجوده ولتنبيهه على هالشي
بنات انا ضحيت معه تضحيات ورب البيت ماتتصورنها صبرت على ظروف ماديه صعبه جدا لدرجة ان حتى اهلي مايدخلون بيتي بسبب ضيق المكان وقلة الامكانيات وهم فديتهم مراعين هالشي ومخلينا بحالنا
اعطيته كل مالي وحبي ودعمته نفسيا ولكن رغم ذلك احس اني ماملى عينه ولا تعجبه تصرفاتي
بالعربي يبغاني اصبر واضحي واراعي نفسيته طيب وانا محد مراعي نفسيتي ولا يداري خاطري
قلت له ياحبيبي الفلوس والماده بتجي وبيزينها الله لكن انت راع مشاعري ونفسيتي والله حتى بكاي ماعاد يهمه
كنت لمن اتضايق منه ابكي وهو يراضيني اللحين يشوف دموعي كذابه
بنات انا وهو متفاهمين ونحب بعضنا ونتناقش دايما واقنعه باحتياجات الزوجه ويتفهم ويتقبل لكن مجرد ما يزعل ينسا كل شي
نفسي يعتذر لي ولو مره نفسي يهديني نفسي يراضيني يفاجأني انا بجد تعبت
انا المبادره بكل شي واوقات الشيطان يكبرها براسي ويقول ليش انتي اللي عطيتيه كل ماتملكين من مال وجمال وحب وتدليع وهو مافكر فيك وتتأزم المشكله انه ماينام معي بنفس الغرفه اذا زعل مني حتى لو هو الغلطان ومايساعدني باولادي لمن اكون بمستشفى اومكان عام انحرج قدام العالم وهو يناظر غير انه بعض الاحيان بالاسواق يصارخ وامشي بسرعه وابعدي من قدام الرجال وبغيتي تدقين فيه ماظلمه هو احيانا حنون وطيب ومتفهم ولا صار معه يكرمني ويبادلني كلام الحب لاصار رايق
ساعدوووووووووووني تكفون