الحقو اختي تكفون

يابنات اختي طلبت مني اعرض مشكلتها عليكم لعل وعسى تلقى حل المشكله ان زوجها عينه زايغه يعني وين ما يروح لازم يسولف مع الحريم ويستخف دمه معاهم مع الشغاله مع الممرضه مع البياعه كرهت انها تجيب كوافيره في بيتها تقول كل شوي يقعد يطالع من ورا الباب ولا يسوي نفسه داخل بالغلط الللي قاهرها ان اعذاره دايما جاهزه ليش تسولف مع الشغاله حرررام في غربه ليش تتكلم مع الممرضه الاجنبيه اطقطق عليها ليش تسولف مع البياعه عاد من زينها ليش تطالع الكوافيره فضول والله الموقف اللي ع قولتها قصم ظهر البعير امس كانت رايحه عزيمه طلبت سلفتها انها تروح معاها لان ما عندها احد يوصلها زوجها مسافر وهي بعد معزومه قالت لزوجها ما مانع تقول من يوم ركبت الحرمه معانا وهو مستخف افتح لك الشباك يا ام فلان ترى المكيف من ورا شغال تبين اوخر الكرسي اللي قدام شوي يمكن مضايقك شلون العيال بتسوون ملحق في بيتكم يعطيها نكت سامجه ويقعد يضححححك واختي مقهوره والحرمه منحرجه وساكتات بعد مارجعو قالت له عن سوالفه وانها ماعاد بتصبر خلاص ونسيت اقول لكم انها مره صايدته يكلم وحده قال غلطان ولما ترد عليه موظفة الاتصالات ياسعده وهناه الموووووهم في الاخير طلع اختي هي الغلطانه وانها مريضه بالشك ومتوهمه وان مرة اخوه مثل اخته عادي يسولف معاها اذا اعجبك اوكيه ولا اطلقك تخيلو يا بنات دقت علي قبل شوي منهاره قلت لها روحي بيت اهلك هذي اهانه ما عقبها اهانه مارضت ماتبي اهلي يدرون باللي صار ولا الناس تشمت تبي حل ذكي وسليم عاد انا قلت مالنا الا خواتي بنات حواء عطونا رايكم والله كسرت خاطري مقهوره منه