الحكيمة تدخل موضوع عن شغالتي

السلام عليكم

اول شي رجاء اللي تبغى تقول بلا خدامة بلاهم وللا كلهم سحارات وللا مدري كيف تجيبي خدامة اقللها ريحي

نفسك من الكتابة انا قلت الحكيييييييمة هي اللي ترد عليا رجاااااااء

انا شغالتي لها سنة عندي يارب لك الحمد اعاملها بمايرضي الله صحيح مااطيح الميانة معاها لكن والله الشاهد

واحسب اني كذلك مااظلمها ومراعية فرقتها لاهلها وبنتها يتيمة عسى الله يعوضها خير

المهم يابنات احسها نفسها تسوي زيي مثلا تشوفني احط حمام زيت تسئل وتقول انا ابغى اسوي كذا بس

بعدين ولمن احطك قناع في وجيهي تسئل ولمن تشوف كريماتي وكذا

المهم جاتني يوم وطفح معاها الكيل وقالتلي مدام ابغى اروح بندة اشتري كريمات وزيوت طبعا انا انصدمت

وسكتت شوية وعلى طول قلتلها بشرط لاااشوفك تحطيها تبغي تحطيها حطيها في غرفتك قبل لاتنامي بس انا

ماابغى اشوف شي قالتلي طيب

عاد خليتها تشتري اللي تبغاه ومر تقريبا شهر مالاحظت شي بس امس رحت صبغت شعري وثاني يوم

اول ماصحيت من النوم طليت فيها لقيتها حاطة كريم ابيض حوالين عينها :44: والله مررررررررة زعلت قلتلها

ليش كذا احنا ايش اتفقنا قالتلي طيب مدام سيد مايشوفني اللي هو زوجي قلتلها حتى ولو انا قلتلك من اول

وكلامي كان واضح روحي امسحيه , والله اني مااحب ائنبها لكنها حدتني وطبعا جلست منكذة وراحت غسلت

ولمن دخلت المطبخ جاتني قالتلي ترى يامدام انا جيت هنا اشتغل عشان ابغى فلوس ماابغى رجال قلتلها

انا ادري انا ماقلتلك لاتحطي كريم عشان سيد قلتلك كذا عشان شرطي من الاول وانتي وافقتي عليه صح

وللا لأ وعيونها دمعت ورحمتها قلتلها من يوم جيتي وانتي موشغالة عندي انتي اختي لمن اشوف اختي

تسوي شي موكويس انا مااسكت (على فكرة انا مرة عصبية ومايعجبني الحال المايل بس مشكلتي مرررره

قلبي رهييييييييف ارحم اي احد والله احط نفسي مكان اي احد عشان كذا ارحم الضعوف) قالت والله يامدام

انا كويس قلتلها انا ادري عشان انا كويس انتي كويس باذن الله وفعلا انا دايما ادعي يالله اعطيني على قد نيتي

وخلاص انتهى الموضوع وجلست تبكي وسكتت ماحبيت ارخي معاها مرة واروح اراضيها ايش رايكم يبنات

ظلمتها انا وللا شي :44: والله مرة حزنانة عليها وضميري مئنبني والله ضعيفة الحرمة بس مدري ايش اسوي

هل اقلها خلاص حطي اللي تبغيه لمن سيد يروح العمل؟ مهما كان تراها حرمة ودها تتشيك وتهتم بنفسها

بالذات انها صغيره عمرها24سنة وارملة انصحوني يبنات والله مدري كيف اعاملها