الحكيمة فقط ترد لي واللي بس تقرا ترفع الموضوع

ارجو تساعدوني والله في حيرة مايغلمها الاربكم وقهر
بعد
انا متزوجه لي 10 سنين وعندي 3بنوتات الله يحفظهم سالفتي ان زوجي بااارد واتكالي ولايسوي الشي الا بزن وانا حريصه جدا على بناتي واقدر المسؤليه ولما اناقشها اي موضوع يعصب ويزعل ومايب يسوي شي يخليها تجي على ماتجي عليه وهذي الفتره ماعندي شغاله وصايره تعب وكرف لي 5شهور وهو ماهمه يقول انتظري الفلبين تفتح وانا اقوله خلاص قدم كينيا ورافض المهم المهم صاير له سنه ونص اي نقاش يعصب ويقول والله مو عاجبك روحي لاهلك واسكت واطنش وازعل فتره ولاهمه واي سالفه سخيفه ونقاش يحتد يقول اعتبريه تهديد انا معد اتحملك وانا وش لاقي منك بتستمرين كذا ولا باسوي فعل ثاني مايرضيك والله بنات على اشياء سخيفه بس مايبي اناقشه في شي ويبي الشي يجي على مايجي عليه واخرتها تجي فوق راسي من الاتكاليه الزايده
المهم قبل فتره تهاوشنا على الشغاله قلت له ترا انا منب ملزومه بشغل البيت وفيه حديث لللرسول مثل مااانا عند اهلي متوفر لي شغاله توفرها الحين وعصب وش هالحديث اصلا وش شغلتك اجل في البيت وليه متزوجه وانا اقوم بطبخ وتنظيف وكلش
بدات المدرسه وصاريتاخر على بناتي في الخروج مايظلع بدري مديرهم مشدد فصارو يجون يبكون وطول اليوم يقولون ماراح نروح بابا يتاخرعلينا قلت له خلاص اطلع جبهم وارجع دوامك قال فاضي ارجع في الحر وشرايكم بالله
قال بجيب سواق مشوار وروحي جيبيهم قلت اوكي
لقيت واحد وقام يتدلع يقول ممكن اكمل وممكن لا
قلت لزوجي شرايك تجيب سواق قال وين احطه انا بيتي دور مافيه غرفه قلت شف برا عماره فيها شقة حارس والله وانا اكلمها يرد علي باستهتار وعينه عالتلفزيون اسحب الكلام تسحيب قال وشلون ادور اسال يتتريق قلت ابحث بالن قال وش دخل النت انا علا صوتي قلت وشفيك ترد باستهتار هذولي بناتك امانه عليك شف كيف يبكون ويزملون لبكره قال انتي وشفيك معصبه قلت منب معصبه اتكلم عادي قال لالا معصبه خير اي شي تنافخين قلت انا منب ملزومه على شغل بيت واروح اجيب من مدارس ترا هلكت من جد قال اجل وش ملزومه فيه بس تجلسين سكت مارديت قال لاردي منتب مسويه شي من بكره روحي لاهلك قلت هذاني تجي قايمه بشغل البيت والطبخ قال لاروحي من بكره اذا منتب ملزومه بشي (وشرايكم مب يجحد قهرني والله اقم بكلش حتى يوم الشغاله مستحيل تمسك بناتي اوتطبخ )
قمت رحت المطبخ ابغى النقاش يهدا قام لحقني قال من بكره روحي لاهلك ادا منتب ملزومه بشي
جلست في الليل استخير وادعي بعدين قلت مب اول مره يقولها خلاص معصب تعرفون اللي اسكت نفسي عشان بناتي
من بكره قمت الصبح ووديت البنات للمدرسه لان فيه منهم تمهيدي وتبكي ماتبي تدخل لحالها دخلتها ولماركبت السياره قال اسمعي كلاكي امس وصلك منتب ملزومه بشي روحي لاهلك قلت خلاص اروح واريحك قال تحسبيني باتحسف مع السلامه وترامافيها رجعه وبكره ورقتك توصلك دخلت البيت ولميت اغراضي وانا ساكته وانتظرته يروح الدوام ركبت السياره قام قالي جيبي مفتاح البيت لاتخلينه معك (وشرايكم بالله والله انسان صاحي ومومريض ولايشرب ولايسكر على هالفعله)طلعته وعطيته
وداني لاهلي وطول الطريق يقول خلي كلامك ينفعك واصلا انا وش لقيت منك مالقيت شي قلت له لقيت بنات يحملون اسمك شفت الموت في الولاده عشان اجيبهم قال الله واكبر وشوله متزوجه اجل وقام يتلفظ قلت بناتك مااشوفهم تخليهم عندك لاني عارفه ماله احد اهله انانيين اعرفهم زين ومستحيل باخذونهم قال اصلا منتي شايفتهم
حطني عند اهلي وصرت اروح مع ابوي اوديهم مدرسه واجيبهم ودخلت ابكي وابوي يهديني يقول روقي ماعليك قلت له خلاص قلة ادب يهيني ويهينكم ماابيه وابوي يهديني ومشكلة ابوي حبيب وخلوق ويعامل الناس باخلاقه ومحترم جدا معه ومدلع بناتي هالسالفه صارت الثلاثاء الصبح واليوم الجمعه وابي ملابس من البيت واغراض لبناتي وشرايكم وقلت لاوي ابي مفتاح قال نشوف وش نسوي وتوقع شايل هم شلون بياخذه وشرايكم بنات انا استخير ارجع له او خلاص وش اسوي مع العلم ترا هاذي ثاني مره يسوي هالحركه يجدعني عند اهلي سواها قبل 4سنوات وبعد 10ايام دق يهاوش يقول تادبتي والا اجلسي عند اهلك لما جاءياخذني كلمه ابوي وبعدها تادب سنه ونصف وبعدين رجع حركاته بس هالمره ناويه ماارد عليه لو دق ولو دق اكثر من مره بقوله دق على ابوي تفاهم معه عطوني رايكم