الحمامه اللي في شباكنا...

صباااح الورد حوائياات..

بقولكم سالفة الحمامه

احنا نظام شبابيكنا مايفتح من تحت بس يفتح من فوق
وانتم عارفين الحمااام مقرف جدا ريحة وحشرات حتى مااقدر افتح الشبااك
>> اكرمكم الله..

الموهم قررت اني اجيب سلم وارمي العشش اذا ماكان فيهم بيض ..

وفعلا سويت كذا بعصاية المكناسه بس متحجر وطفشني وكانت في حمامه والله خفت منها تنقرني او شي وجاء زوجي وكمل المهمه لما فتحت الشباك قلت بقت حمامه قال هذا لسى صغير ..

وخليت السالفه

لما جاء الليل فتحت الشباك ماحصلت الا الحمامه وهاك ياتأنيب الضمير طول الليل وانا استغفر وابكي وقلت بكرة الصبح غير ارمي لها طعام ومويه حرام حرمتها من عائلتها وانا والله مااحسبه مايطير لان شكله كبير..

واكلم امي واقول لها السالفه .. قالت والله لو انها بالنار غير تجيه امه لاتخافين ماعليك..
وقلت لزوجي قال امس شفتها عنده بس برضوا انا مو متطمنه

وصحيت اليوم الصبح.. والمفاجأه



















ان امه جاااايه ومعاها اكل والله العظيم ان الفرخ يتراقص وتعلمه كيف يطير ولاصقه فيه بقوه
اانا هنا متت من الصياااح عظيمه الام.. الله يطول بعمر امهاتنا ياااااارب ويجزاهم اعلى الجنااان ياارب

>>>>> طبعا انا ماادري وين اكتب الموضوع فكتبته هنا عاد المشرفات حبيبات قلبي كل مااكتب موضوع نقلوه هههههه الله يستر وين بيودونه اللحين..