الحمدلله الحمدلله الحمدلله.. الوجبه السريعه سبب طلاقي//مُعدل

لله الحمد من قبل ومن بعد
بمواضيعي السابقه كنت متأذيه من زوجي
تحقير ونقد واهمال واستفزاز
وانا متحملة
ولما ناقشته اشتكى من اهتمامي فيه
وعرفت اني عطيته اكبر من حجمه
والاخوات ماقصروا ياما نصحوني اطنشه
الى هنا الامور اوكي
من بعدها صرت اعامله بما يرضي الله
لا ناقشته ولا سألته زي زمان
اكله موجود لبسه موجود
مكانه نظيف ومرتب
الاطفال على سنقه عشره
ان سأل عن شي رديت بهدوء
وانا التفت لنفسي
عزمت صديقاتي
وصرت عضو بنادي قراءه عالنت
وقبل النوم بساعه استرخي مع نفسي
شموع وفواحه وكتب وهدوء
وهو كالعاده ياطالع يا بالمجلس
يحسب اني بمر اجيه نتناقش زي زمان
وانا مبطله جدل
اذا يبغى يكلمني بيناديني هو
فيرو القديمه تغيرت
المهم
انا طاقتي الايجابيه ترتفع
وهو طاقته السلبيه ترتفع
بس لاحظوا اني ما أذيته بشي
وكنت اذا طلبت منه شغله يعصب
يعني يرد وهو ينافخ علي
ارد بهدوء اوكي شكرا وبس
وهو صار متوتر معظم وقته
بس تاركته براحته
المهم
قبل امس تعبت وهو بالدوام
وماقدرت اطبخ
وانا وبنتي جوعانين
فطلبت غداء ***
لما رجع زوجي وشاف الكيس
جاني زي الثور الهايج
يقول: انتي طالبه من مطعم؟
قلت: ايه
قال: ليه ما استأذنتي مني؟
قلت: مايستاهل الموضوع ازعجك بعملك
وياما طلبنا قبل عادي
قال: عادي بعينك ياحيواانه شكلي عطيتك وجه
وماحسيت الا رافعني من الارض
ويرمني باقوى قوته
ويطيح فيني طق
ضربني ضرب كافر المجرم
وانا اركض وابكي
وهو يلحقي ويضرب ويضرب
دخلت المطبخ وخنقني بيده
وفتح درج السكاكين
وقال: تبغي ادخل هالسكين ببطنك!!
جلست بالزاويه متكتفه وخايفه
رمى السكين وشدني طلعني
وبالصاله قطع ملابسي
واعتدى علي بيده **********
وبنتي بعيد تناظر وانا ابكي
بعدها قام هالمجرم
وانا حاولت استر نفسي
بدلت ملابسي وجلست عالسرير
وجاني بعد نص ساعه شخص ثاني
يتعذر ويبرر ويحاول يبوس راسي
ويقول انتي غلطانه تحاولي تهمشيني
وقال خلاص يكفينا مشاكل
وانا ساكته مارديت عليه
دورت جوالي لقيته ماخذه
رفض يعطيني الجوال
وانا مانمت طول الليل
ولما قمت اصلي الفجر
لقيت كل جسمي كدمات
وماني قادره امشي
افخاذي مورمه بشكل يخوف
والمؤخرة ماني قادره اجلس عليها
وكتفي اليمين كله بقع زرقا
قفلت على نفسي بغرفه عيالي
وانا اتذكر مشهده وهو ماسك السكين
جلست على هالحال كم ساعه
بعدها بديت ألم اغراضي
اخذت كل شي يخصني
وارسلت بعض صوري سناب لامي
دقت مفجوعه ايش هذا؟
قلت فلان ضربني وهددني بالقتل
وطلبت ترسل لي السواق
قلت بجي بدون الاطفال
امي قالت حرام ايش ذنبهم
قلت ما ابيهم ابوهم يربيهم
قال امي والله بتندمين
قلت الاطفال بنزلهم عند جدتهم واجيكم
انا ما اقدر اناظرهم.. كسرني عندهم
انا الام اللي مصدر امان وحمايه
شافوها بكل هالذل
كسر عيني كسر امومتي دمرني
قالت امي خلاص براحتك
بس خالتك مسكينه مريضه سكر
اخاف اذا دخلتي عليها تتعب
جيبيهم يابنيتي معك هالليله بس
قلت ان شاء الله
ورحت لاهلي انا والاطفال
طلعنا عالظهر تقريبا
والمجرم كان بدوامه
فكرت اكلم 1919 حتى اقدم بلاغ عنف اسري
بس اهلي رفضوا
عشان الاولاد
والا هو يستاهل تجره الشرطه على اللي عمله
طبعا امي وابوي مقهورين
لانهم شافو جزء من الكدمات
وقالوا لي اغطيها عن اخوي
لانه لو عرف بيروح يذبحه
وامي اخذت الاطفال وانا نمت بغرفتي
الى المغرب
تخيلوا رجع البيت ولا لاقني ولافكر يدق
بعد العشاء دق على ابوي
ولا رد عليه
يقول لو رديت بسفل فيه هو واهله
واحنا نبغى نخلص بدون مشاكل
انا حاسمه اموري هالمره
قبل كنت اتردد
بس بعد ماشفت الموت بعيوني
ايقنت ان الموضوع خلص
دعواتكم لي اخواتي
ادري مرحله الطلاق صعبه
لكن ياعلها خيرة من ربي