الحمد لله ولدت بالسلامه وهذي قصتي

صباحكم جوووووووووري يا أحلا حواائياات :27:

لكل اللي قاالولي طمنينا اذا ولدتني انا اليوم جاايه اقوولكم ولدت والحمد لله وجبت احلى بنووووووووووته :27:
صحيح انو ما ولدت الا لما بكييييييييييت وترجيت الدكتووره تولدني بس الحمد لله سار واكلت العلقه وانتهينا وجت البنوته والحمد لله :icon28:
وحااااااااابه اشكر كل وحده دعتلي واقوولها الله يسهلها هي كمان ويفرح كل وحده بمولوودها ياارب

بقوولكم قصة ولادتي
انا من دخلت التااسع وهو مفتوح عندي 2 سم لما قالتلي الدكتووره فرحت مررررررره قلت الحمد لله ماحطوول وان شااء الله حولد بدري رحت موعدي الاسبوع اللي بعدوو توقعت تقلي مفتوح 3 بس لا 2 زي ماهوا :09:قلت معليش رجعت البيت امشي وامشي تجيني الام وانا اقوول ياارب رحت الموعد اللي بعدوو عاد هنا انا جهزت نفسي قلت ان شااء الله ولاده لانو بصراحه كانت تجيني الام قويه المهم قالتلي لا قلت ليش انتي الحمل اللي قبل ولدتيني لما كان 2 سم قالتلي بس المره هذي الجنين مو ناازل مره عشان اقدر اولدك قلت طيب رحت ورجعت الموعد اللي بعدوو ابكي عندها قلت مو معقوول الالم وهو بس 2 سم وبكيييييييييييت الين قالتلي طيب حولدك << لووووووووووووووووووول
حجزتلي غرفه واعطتني الموعد يوم الخميس الساعه 5 الفجر انا طبعا نوومت اولادي وقرات عليهم واستوودعتهم الله وزووجي كلم صاحبو يجي يجلس معاهم << احنا في غربه والنااس لبعضها .. والله الرجاال ماقصر الله يجزااه خير جا وجلس مع اولادي ونام معاهم الله يوفقوو ويستروو دنيا واخرخ ويجزاه خير ..
المهم احنا رحنا المستشفى دخلت عبينا الاوراق وودوني الغرفه دخلت وعطووني الطلق الصناعي الساعه 6 ونص انا قبل ماتحط كيس الطلق قلت الابره هههههههههههههههههه مافيني والله مجربه الالم واللسعه ضحكت النيرس وقالتلي نو مو الحين قلت طيب
والله ياحلوين شوي الا دخلت الدكتووره هااااااااااااااااااي وفرحاانه واليوم يومك ومبرووك << مبروك قبل اولد ؟؟ خخخخخخخخ ياحليلهم الامريكان المهم جات وفقعت كيس المويا :icon33:وانا الالم بدأ يشتغل عندي اقوول لزووجي الابره يقوول هما يعرفوو متى اتحملي معليش مر الوقت والساعه 9 جا دكتوور التخدير واعطااني الابره << ااااااااااااااااااااااااااااااااااااااااااااااااااي ما انسى لما دخل الابره والله تعور بس ثووواني واختفى الالم الحمد لله
جلس الطلق يشتغل وانا وزووجي نسوولف خخخخخخخخخخخخخخخ شويااا انا اتالم يقلي يابكاااشه اقلوو والله الم يقلي يابكااشه والابره اقلوو اقلك الم << والله جد حسيت بالم وابكي .. كانت الساعه 11 وربع جات النيرس قااست لقتو 10 سم ونادت النيرسات البقيه معاها وسوو شوية دربكه في الغرفه اللي ترفع رجلي واللي تجهز سرير البيبي عشان تستقبلو واللي تخربط عند المغسله مدري وش تسوي وانا ابكيييييييي وزووجي معلق يابكااشه << الله يرجك وقت المزح ذحين ؟؟ المهم شوي تدخل الدكتووره بوجهها البشووش وااااااااااااو ناايس يو ار كوكلي قلت اقوول اخلصي مو وقت الرووقه . والله يابنات احس بالم وشي يدف غصب عني تقلي نو بوووش اقل لزووجي انا ما ادف احس شي يدف غصبن عني المهم قربت مني واتجمعو حواليني وزووجي عند راااسي وبدأو كلهم بصووت وااااااااااااحد بووووووووووووووووووووووووووووش وانا ادف واصرخ واعض يد زووجي << يستاهل عشان مايقوول يبكاااشه خخخخخخخخخخخخخ .. والحمد لله يمكن كلها على بعضها 5 مرااااااااااااات اللي قالولي بوووش وااااااااااااااخر بوووش اللي هيا القويه نزلت بنووتتي العسوووووووووووووله والحمد لله يااارب .. قصو الحبل السري وجابوها فووقي حضنتها وانا ابكي من الفرحه بس شويا وشاالوها وكملت الدكتووره شغلها والحمد لله خلصت الحفله :icon28:وقمنا انا وبنتي بالسلامه .......


والله اكتب لكم وانا مسدوحه ظهري يعورني :icon33:


ياااااااااااااااااااارب زي مافرحتني وريحتني طمن كل وحده على حملها وفرحها بمولوودها ياااااااااااارب

:27: