الحنــــــــاااااااااا..بسرعه دخلووووووووو

رفع

اب

أنا مع الأخت. إذا كنت مصصممة ما تخلطي مع الحنا كتم فالطريقة إنك تخلطي الحنا مع شاي الكركديه و ملعقة خل تفاح. الأفضل كمان يكون الشعر نظيف من السيروم و الزيوت. حطي الحنا بغزارة على الشعر خصلة خصلة و إتركيها أطول فترة ممكنة. أقله أربع ساعات. بعدين غسلي الشعر في البداية تشطيف ماء بس و بعدين ممكن تستعملي بلسم من الجذور للأطراف و مشطيه حتشوفي كيف يسحب بقايا الحنا من الشعر و بعدين شطفيه كويس و ما تغسلي شعرك شامبو أقله يومين عشان الحنا يغمق لونها.
كمان فكرة وجدتها مفيدة لما تحطي البلسم عشان تغسلي الحنا استعملي فرشاة اللي مخصصة لفرك جلدة الرأس و أفركي فيها جلدة راسك، إذا كانت بالعادة بيصير لونها علي أحمر من الحنا حتلاقي إنه علي حول راح مع الشطف و جلدة راسك ليها لون طبيعي.
كمان إذا جبهتك وأطراف الوجه تبقع من الحنا لازم أولا تحطي فازلين عليهم قبل الحنا و بعد إزالة الحنا لو لسه فيه بقع إخلطي بيكربونات الصودا مع أي لوشيون للوجه (أحب أستعمل أولاي القديم) وأفركي فيه وجهك حتلاقي كل البقع راحت.

و ممكن طريقة للكتم كمان إنك بعد ما تتخمر الحنا تخلطي كمية بسيطة من الكتم و بس تشوفي لونه بدأ يظهر إخلطيه مع الحنا و حطيه علي الشعر. كدا ما يعطي لون أسود و إذا كنت تحسي إنه ممكن ينشف الشعر فيكون ضرره أقل.

واللي تشكي من جفاف الشعر بعد الحنا تتبع الروتين التالي: حنا و غسلها بالبلسم زي ما شرحت أول. بعد يومين غسلي شعرك عادي. والمرة اللي بعدها لمن بدك تغسلي الشعر حطي زيت جوز الهتد (اللي في الصيدلية ما له ريحة وحشة) على الشعر ساعتين، و بعدين حطي أي بلسم على الشعر بكثافة كأنك بتعملي حمام زيت و بعدين شطفي كله. و حتي من غير شامبو حتشوفي الشعر ناعم و طري.
الحنا مع التكرار تعطي لون أغمق. و إذا دخلتي الكتم بكميات بسيطة يغمق وإن شالله ما يضر وما يقلب الشعر أسود.

و يارب تستفيدي من أفكاري.

ومنكم نستفيد.......

رفع