الحنين للمفقودين

يا الله والله اني زيك افيدوناااااااااااا :(

عزيزتي اشغلي وقتك باشياء تحبينها بتشغل وقتك ومابتفكرين في احد ..او انك اذا تعرفين رقمهم طرشي لهم رسايل تسلمين عليهم

الفرق الحقيقي فراق الموت ولا باقي الفراق لا يسمى فراق ، مصير الحي يتلاقى

الفراق الحقيقي يوم تشتاقين لميت ودك تسمعين صوته تشوفين ابتسامته ، تجلسين تسولفي معه ، ويسولف معك
تشوفي صورته تقولي يالله من زمان ما شفته وينكسر خاطرك ، ما تدري كيف حاله بالقبر ؟
التراب أخفى ملامحه ؟ الدود أكل وجهه ؟
كيف صار ياربي ؟
وحيد بقبره ؟ ولا عنده أعماله الصالحة تونسه ؟
يتعذب ؟ ولاعنده سورة الملك تحرسه لأنه يقرأها قبل ينام ؟

ياربي هو بحفرة من حفر النار ؟ ولا بروضة من رياض الجنة ؟
يشتاق لي مثل ما أنا مشتاقة له ؟
يحس فيني ؟ يعرف إني أحبه ؟ يعرف إن فيه بقلبي كثير كلام ما قلته له لأن الموت اخذه مني ولا لا ؟
يعرف إني أفكر فيه ؟
يعرف إني اشتقت له ؟ واشتقت لطيفه ؟ ولا لا ؟
طيب يفكر فيني ؟ حالي يسره ؟ يعرف أخباري ؟ يفرح لفرحتي ويحزن لحزني ؟

آآآآآه بس قلبتي المواجع
الله يرحمك يا أخوي ويغفر لك ويسكنك فسيح جناته ويجمعني وأحبابي وأحبابك فيك يارب بجنة عرضها السموات والأرض بدون حساب ولا سابقة عذاب

ياربي حبيبتي احس الفقد الصدق فقدك لشخص تحبيه وماعاد بيرجع اخذه الموت منك

يعلم الله كم يقطع قلبي الشووق لأخي



اللهم اجمعني به في داركرامتك