الحين ذي وش مغزاها!??

ام زوجي ياعالم مدري وش تحس فيه ودي افهم وش شعورها وهي تقول هالامور انا مارح اتكلم عن تصرفاته معي من بدايه زواجي للحين لانه يطوول الحديث عنه لكن موضوع بنتي الي محيرني تخيلوا دايم تقول ذي بنتنا طيب ماعندي مشكله بذلك لكن ليه تردددهااا الف مليون مره كل ماشافتني وتكذب عيني عينك زي تقول لمره اخوها ومرات لبناتها ومرات لعيالها تقول تصييييح تصيييح مع امها واسكتتت يوم خذيتها اييه سكتتت مع القلب الحنون ؟!! وين يعني هي حنون وانا قاسي هي امها مثلا وانا مره ابوها مدري ليه تسوي كذا ولاا عاد بنتها تقول ملت من امها قالت هي بفرح شديد اييه ملت منهاا تبيناا باللهي طفله عمرها 5 اشهور تبي وماتبي ؟؟ ومره من المراري قلت بمزح وانا الاعب بنتي قلت ماتحبين امك قامت ام زوجي ردت بفرررررحه شديددددده ايييييييييه ماتحبببببك ولاتبيك تبينااا وتقول بعد لاكبرت باخذهاا معي للعروس والملاهي وذي بنتي تروح معي ومن هالكلام ياعالم انا يوم رحت المستشفى 5 ساعات ماتحملتهاا وصارت تقول لاعاد تخلونها عندي تتعببني ! وبكل وقاحه تقوم تقول هالكلام احسها تحسسني اني مالي قيمه وان بنتي تبيهم ولاتبيني ياعالم انا حملت وسهرت وربي اسهر الليالي ولاتخليني انام وحارمه نفسي من كل شي عشانها وكل مارحت سوق اشتريلها من راتبي ونفسي ماشتريلها شي وذي لاسهرت ولاشرت ولاحفظت ولاحملت وتقول كذا وربي دايم كل ماقابلها كذا كلامهااا ووحده من بناتها زيها بعد انا ماعندي مشكله لاعبوها وكل شي بس ماله داعي تقولون كذا ولااااكره شي بالحياه لما تصيح بنتي وتجي تاخذهاا مني غصب ياخي وشوله تاخذونها بنتي وخلوها تصيح مسوين اني انا يقالهم سبب صياحها بزر ذي ؟! هي الحين تغار ع عيالها من حريمهم وهم كبار وتبيهم دايم حولها ودايم تقول انا امممه الي ربيت وتعبت طيب حتى انا امها يعني تشوف لنفسها ولاتشوف لغيرها والله انهم رفعوا ضغطططي و ع فكره لاقالت كذا مارد لان ماعندي رد ع السخافات حقتها انتم باللله وش رايكم وش تقصد ذي وانا كيف اتصرف؟!