الخبيره با المعمول تتدخل الله يسعدها

هذي طريقه لاحدا الاخوات في موقع ثاني جزاها الله خيرا
والمقادير والطريقه.

المقادير:

اصبعين زبدة

ست حبات كيري

فنجان 2 سكر بودرة فنجان القهوة السعوديه الصغير

ملعقه صغيرة جدا بيكنج بودر

كوبان ونصف طحين أبيض

الحشو حسب الرغبه (مكسرات\تمر\حلاو حلقوم)

أنا حطيت تمر




صورة للزبدة مع السكر نسيت أحطه مع

المقادير..طبعا الزبدة تكون بدرجه حرارة

الجو طريه ولينه..





بعدما تنعجن الزبدة مع السكر زين نحط عليه

حبات جبن الكيري ونخلط جيدا..حتى تذوب

وتختفي التكعكلات حقت الجبن..ونضع البيكنج بودر قليل جدا..





ثم نضع الطحين ونعجن جيدا ونعرف أنه العجينه تمام

إذا تماسكت وهى طريه ولينه..



نحضر القوالب حسب الرغبه أنا أحب الكبار

أريح تخلص العجينه أسرع ..ونكور العجينه

ونحشوها بالتمر أو المكسرات وطايحين الحريم بحلاو

الحلقوم كحشو ذقته يجنن بالحلقوم.. أنا حطيت تمر..

نملأ صينية الفرن بالمعمول ونضعه بالفرن حتى يحمر من

تحت قليلآ ومن فوق كذلك..




أنا أحب أحمره كثير ومايعجبني يطلع لونه أبيض




يرش الوجه بالسكر المطحون أو يقدم كما هو..

برأيي المفضل الحشوه تمر وعليه شوكولاته او جوز هند

الشكل :
1- في قوالب رخيصه في محلات الكماليات جربتها حلوه ضبطت معي
2- جهاز المعمول على الكهرب تلقينه في محلات الكماليات برضو
3- قوالب السيلكون بس ماجربته اتوقع بيطلع حلو اشكال شكل الورد - شكل دائري - مربع بس انتبهي اختاري قوالب سيلكون من محلات موثوقه بحيث تناسب تدخل الفرن شوفي ملتقى الخبازين بالرياض موجود عندهم

العجينه : ابحثي في مطبخ حواء

التغليف اذا بتوزعيه على محلات شوفي تغليف المعمول خذي فكره مثل معمول الين - صغير - انوش
احلى شي اليييييين الصراحه طعم وشكل
اما بتسوينه توزيعات وتبيعينه على الحريم حلو تقدمينه على عدة افكار :
الفكره الاولى: في فازات دوري اشكال حلوه خذي جمله وعشان يطلع لك أرخص فازات بلاستيك الفكره عباره عن كل معمول تغلفيه تغليف بلاستيك شفاف وتحطيها في وسط الفازه وومكن تبدعين في شكل الفازه.
الفكره الثانيه: انتي بنفسك سوي علب بالكرتون واكتبي فيها اسم الماركه وتكون العلبه من الداخل مفرغه حسب حجم المعمول بطريقه حلوه ومحترفه.
الفكره الثالثه: انبوب بلاستيكي تصفي فيه المعمول ويكون في الاسفل مخرج للمعمول بحيث كل مااخذ حبة معمول تنزل الحبه اللي فوق طريقه ابتكاريه.
الفكره الرابعه: ممكن في برطمان.
الفكره الرابعه التقليديه يكون التقديم في صياني.

اي سؤال انا حاضره
اذا ماعندك وقت تسوي التغاليف ممكن اسويها لك بمبلغ نتفق عليه وارسلها لك واذا حابه اشرح لك كيف الطريقه تسوينها بنفسك ماعندي مانع

لاتنسيني من دعواتك

بالتوفيق

الله يسهل امورك يارب

الله يجزاكم خير ما قصرتو ويسعدكم وير زقنا واياكم ر زقا حلال طيبا مبارك