الخدامة والجوال حسبي الله عليها ؟؟

السلام عليكم
ما يخالف سامحوني بغثكم شوية بهالسالفة
لكن والله شاغلتني لدرجة اني قمت امشي وأكلم روحي :44:
فقلت خل افضفض عند خواتي بنات حواء يمكن أهدي شوي وارتاح
السالفة يا طويلات العمر ان بيت أهلي عندهم خدامة اول ما جتهم وهي معاها جوال
قامت أمي خذته منها وقفلت عليه وقالت لما تجين تسافرين أرده لك ومكالماتك لأهلك كلها علي
سكتت الخدامة وما قالت شي
من فترة بسيطة شافوها الجهال هي وخدامتي يتكلمون بتلفون جوال نادت أمي خدامتها وقالت منهو تلفونه اللي كنتي تتكلمين فيه أنا مو قايلتلك ممنوع الجوال
قالت الخدامة هذا مو حقي هذا حق فلانه تقصد خدامتي المهم ان أمي كلمتني وقالت قولي لخدامتك تطلع التلفون اللي عندها م انبي مشاكل
الحين تجيكم السالفة ولاحظوا كم كذبة كذبتها خدامتي
كلمتها بهداوة قلتلها انتي تكلمين أهلك متى ما بغيتي صح
وعمرنا ما قلنالك لا قالت صح يا ماما
طيب ليش ما قلتيلي ان عندك تلفون طبعا سوت روحها مو فاهمة قلتلها الجهال شافوك وانتي تتكلمين فيه
قالت اي ماما عندي تلفون من زمان من بيت ماما قبل وما يكلم انا بس يحطه على اذني ما يشتغل خط
قلت خدامة ماما تقول عندك تلفون وانتي تتكلمي فيه تنرفزت وقالت ايه انا يكلم بيبي مال انا
شوفوا الكذب اول ما يشتغل والحين يكلم
قلت زين روحي جيبيه قالت لا ما اعطيكياه وعطتني ظهرها ومشت
طبعا انا شبيت نار وشرار وكنت بشوتها برا البيت لان أسهل شي عندي طرد الخدم :mad:
لكن الله هداني واتصلت على امي وقلت لها الموضوع وقالت لا تخربينها معاها تراك محتاجتها لرمضان
رجعت كلمت الخدامة وقلت انتي الحين يوم عندك جوال وعندك فلوس ليش كل شوي جاية تقولين دقولي على أهلي بكلمهم ما تستحين انتي وقلت عندك لي باكر فكري عدل ان ما طلعتيه ترى بتصير مشكلة كبيرة
وجهها قام يعطي الوان خليتها لي بكرة وجابت الجوال من كيفها
قلت الحمدلله انتهت المشكلة
لكن
المفاجأة ان الجوال ماكان فيه شريحة
ياليل ما أطولك
رجعت لها وقلت وين الشريحة قالت قصصتها وقطيتها بالحمام تكرمون
قلت هالكلام ما يمشي علي تجيبين الشريحة تجيبينها قامت تحذف اغراضها اللي بغرفتها وتقول تعالي فتشي
قلت ماني مفتشة عندك للصبح تفكرين عدل اذا ما تبين مشاكل جيبي الشريحة
ثاني يوم يا بنات نادتني اللي هو اليوم علشان هذا انا ما نمت للحين :time:
وقالت لي شي يفور الدم
قالت
ماما انا ما يبي مشكلة
بس هذي فلانة ( تقصد خدامة أهلي ) سوي مشكلة كبير
ماما هذا عنده تلفون ثاني ويجيب رجال للبيت
طبعا انا انصدمت
وللحين مصدومة
قالت هذا يجي يوم كذا ساعة كذا انته لا يقول اني انا علمت عنها
هذي خدامة مو زين انا يخاف منها يسوي لي شي يخليني مريض بعدين موت

خوش خوش رجال وسحورة بعد
قلت لا تخافين ما راح اخليها تدري انه انتي قلتيلي
طبعا أنا حاسة ان خدامتي يمكن تكون متورطة بشي
وان اللي سوته هو انتقام من خدامة أهلي لانها علمت عليها
لاني قلت لها انتي شايفة كل هذا وساكته ليش ما قلتي من زمان وما عرفت تجاوب
وسالفة تخلصها من الشريحة فيها ان لان الشريحة اكيد بتكشف الارقام
واكيد اني غلطت ما اخذت منها الجوال على طول قبل لا تتخلص من الشريحة واتوقع كلمت احد وشاورته شتسوي
الله أعلم


مو قادرة اكمل تعبت بشوف ردودكم اول
شنو تنصحوني فيه لانه مخي مزحوم من كثر التفكير وما علمت أمي للحين
والشي اللي راح تتعجبون منه انه كلا الخدامتين جدات وعيالهم متزوجين وثنتينهم متعديات الخمسين
مالت عليهم