مرحبا باأحلى بنات
يسعدلي مسائكم / صباحكم
المكتوب بين من عنوانه راح احكيلكم يابنات عن تجاربي مع الخلطات اللي اخذتهم من المنتدى وجربتهم البعض طلع ايجابي والبعض خساير فلوس ومضيعة وقت
والله لو تشوفون يابنات غرفتي تقل محل حواج من كثر الخلطات والا الريحه اخر الليل:09: خواتي يشتكون منها وياويلي شاكين بالشغاله تسوي شي بغرفتها مادروا اني تالي الليل تبداء مخمختي على الخلطات ولو شافوني خواتي حاطه شي على شعري
وعلى وجهي وشافوا طاسه رايحه وطاسه جايه والعلب بس افضي اغراض امي من المطبخ واجمع منهن والله صايرة مضحكه بالبيت لكن نشوف مين يضحك بالاخير:42:
المهم ماعلينا من الطويله راح اخش بالموضوع على طول ونشوف وش استفدنا من الخلطات
يالله يابنات تمسكوا زين وانتبهوا للدرس وان شاء الله ماخيب ضنكم
نبداء بسم الله
اولا:تبييض المنطقه الحساسه(وهاذي اكثر منطقه هاجس البنات عليها وانا ااولكم):06:
خلطه روعه تتكون من
(زيت الجلسرين+زيت اللوز المر+ليمون)تخلطينها وتحطينها بعلبه وتستخدمينها عند النوم بس واذا قمتي الصبح غسليها بأي صابونه وباقي الوقت انا استخدم على طول كريم فيد اوت (ممتاز للتبيض) يعطيك نعومه وريحه حلوة
ثانيا:شيل شعر المنطقه الحساسه
بصراحه ماخليت موس ماستخدمته لكن مثل الحلاوة ماااااافيش نعومه والشعر يطول مايطلع وانا استخدمها مرة بالشهر بعد الدورة والله ماتفرقين المنطقه من خدك>>>خخخخ:hahaha:
صحيح تعور بس اللي يبي الدح مايقول اح :08:... بعدها امسحي المنطقه بسكينول ثم حطي عليها زيت زيتون ونصيحه ابعدي عن غسل المنطقه بالماء بعد الشيل بس زيت عشان تريحي المنطقه
ثالثا: تجفيف المنطقه الحساسه
طبعا بعد دخولنا للحمام اعزكم الله نجفف المنطقه بالمناديل لكن نصيحه مني خلي بحمامك بودرة جونسون للاطفال بعد التجفيف حطيها لانها تمتص الرطوبه على طول بما اننا بالحر تكثر الرطوبه والروائح المزعجه والبودرة راح تعطيك جفاف وريحه زي الاطفال
رابعا : تبيض الجسم بالكامل
استخدمت خلطة الصابون المغربي السائل مع زيت اللوز الحلو وبعدها البس بدلة السونا لمدة ساعه ثم تاخذي شور بالكامل وتفركين جسمك بليفة بودي شوب اللي شكل قفاز(ممتازه) ثم اذا طلعتي من الحمام
رطبي جسمك بزبدة الكاكاو من فازلين البنات قالوا انها توخر الخطوط البيضاء بس انا بصراحه ماشفت غير الترطيب والنعومه والريحه الحلوة
خامسا:تنعيم القدمين واليدين
(فازلين+فكس+كريم جلسرين) بالليل فقط لان الفازلين عدو الضوء والبسي شراب ونامي والصباح غسلي بأي صابونه ثم رطبي قدميك ويديك بأي كريم وياليت تخلي عليك شراب على طول لحماية قدميك من السراميك
سادسا:تقشير المؤخره
فيه سر عجيب اسمه ملح الحليب بصراحه اتعب واقول رووووعه للتنعيم حطيه على المؤخرة وكمان الركب والصدر والاكواع وافركيه بشك دائري وشوفي النعومه هم قالوا يبيض بس احسه يقشر وينعم بس
سابعا :تقشير الشفايف
استخدمت سكينول لتقشيرها بالليل ثم احط فازلين وفي الصباح اكرر التقشير لكن حطي بعده بكنج بودر للتكبير الشفايف
*نجي للشعر*
والله يابنات مافيه مثل الحناء النظافة للشعر ويعطيه ريحه منعشه
بس انا ماأخلط الحناء مع ماء اخلطه مع زبادي منتهي تاريخه وملعقة مايونيز واحطه لمدة ثلاث ساعات ثم اغسل شعري بالماء بس بدون شامبو ثم حطي الفاشكول اللي يناسب شعرك
انا استخدم شمع الكيراتين بصراحه يجننن ثم اكتمه بقبعه لمدة ساعتين ثم اغسله بالماء بس واحط زيت عافيه مع حلبه محموسه صح الريحه تلوع الكبد :09: بس رووعه عاد انتي حطي اي زيت يناسب شعرك وشوفي النعومه واللمعان
وبس هاذي تجربتي من منتدانا الغالي والتجربه خير برهان
اتمنى ماطولت عليكم بالحكي
واي سؤال واستفسار ان ابالخدمه واللي تبي انزل لها صور من عيوني الثنتين
طلب خاص من يمر على موضوعي اللي تبي ترد واللي ماتبي ترد رجااااء خاص دعوة عن ظهر الغيب لابي رحمة الله عليه ودعوة لي بالشفاء العاجل والهدايه
وتحيتي للجميع:26:
سمو الأنوثه @smo_alanothh_1
محررة فضية
يلزم عليك تسجيل الدخول أولًا لكتابة تعليق.
الله يحقق لك كل الي تتمنيه امين يارب العالمينالله يحقق لك كل الي تتمنيه امين يارب العالمين
الصفحة الأخيرة
اميييييييييييييين يارب
الله يعطيكي العاااااااااااافيه