الدكتوره ذلتني اليووووم ...

السلام عليكم ورحمة الله

بنات نفسيتي اليوم اقل من الزفت وربي ودي اصيح
انا بفضفض لكم بس .

تخيلوا بنات صار لي اكثر من سنه اعالج للحمل
مره هرمون ومره تكيس ومره اللتهاب ومره وجع يوجعهم :06:
تعبت يابنات من مستشفى لمستشفى ومن حرمه لحرمه
وكلن يختلف برأيه عن الثاني !


اخر شي عطتني الدكتوره كلوميد بدون ابر ولا شي . ولاصار حمل .
بعد شهرين اخذت كلوميد وابر منشطات وتفجير ولا صار حمل ولله الحمد .
بعد شهر رحت للدكتوره وقامت تذكر الله وتسمي تقول البويضات عندك 17-18-20 بدون منشطات
بدون شي ولتكيس اختفى تماماً وربي فرحت وقمت احمد الله . زرعت الامل عندي والامل بالله كبير اولاً واخيراً .
واخذت ابره تفجير يومين . ولعل بالامر خير نزلت الدوره بعد الابره ب16 يوم لاني اخذت دفاتستون .

واليوم صار لي 11 من الدوره ورحت لدكتوره غير دكتورتي .
حطمتنننننننننننننننني وربي قمت اتحسب عليها بين الاذان والاقامه الظهر .
نفسيتها شينه وكأنها تعالجني ع حسابها واجنبيه وبديرتي وتذلني !
وربي مسكت نفسي والا كان ماخليتها تسوى قطعة ثوم بديرتها .

اقولها سبق وشيكت وابي اتطمن الحين وقعدت تصارخ لي اليوم 11 وجايه تشوفين وتوك تتذكرين .
قلت كذا مستشفى اسوي معهم كذا وماحد عارض ! قالت روحي لهن انا نظامي غير .
وقالت كيف يسوون لك سونار قلت ع البطن . قالت ذولا كذابين ! اصلا لازم داخلي .
قلت سوي داخلي . وربي دخلته كأنها دخلت ساطور من نفسها الشينه .
وقالت شوفي التكيس عندك مليان اليسار . واليمين كله تكيس والتبويض ضعيف . كله من الكلوميد .
وقامت وخلتني .. رجعت لها ع المكتب . قلت طيب وش بتصرفين لي ؟
قالت ليششش اصرف لك ؟ انا عالجتك اصلا ؟!!
قلت والتكيس !! قالت بمعنى كلامها مالي شغل .
قلت تنصحيني بالكلوفاج ؟ قالت على راحتك !
وطلعت وانا مقهورررررره من تصرفها ! ياخسارة الفلوس اللي دفعتها ...

بنات ضاقت بي فرق بين كلام الدكتور الاولى والثانيه .
بنات اليوم كل ماتذكرت اللي صار شي احس بكتمه وضيقة خلق


انا مؤمنه بالله والحمد الله عارفه ان كل شي يصير خيره لنا
بس اسلوبها خلاني افقد الثقه وتتكلم وهي واثقه .
شوي اقول هي الصح . والثانيه كانت تبي فلوس بس وتمشيني !
الاولى شافت حجم البويضات بعد الدوره مباشره وصاروا 8 قامت تذكر الله تقول ماشاء الله عندك تبويض
والثانيه يوم شافته 10 قالت التبويض ضعيف .

قلت للدكتوره الاولى سابقاً 8 مو حلو . قالت بالعكس الحمد الله مااشاء الله هذا دليل ان التبويض يتحرك عندك
والثانيه فقدتني الامل ومسحت كلام الدكتوره الاولى حسبي الله عليها


يارررب ضاق بي الارض بما رحبت .


من اصدق تعبت من التفكيييير :06: