الدنيا اظلمت علي خيبت ظن اهلي فيني بسبب معدلي نازل/ استوفى الرد

السلام عليكم ورحمه الله وبركاته ..


با بنات و يا حريم بما أني صارلي سنين دايما اتابع منتدى هذا ومره بييوزر ومره بدونه ومرات انسى اليوزر ويالله يالله ع بال ما اسوي هالموضوع


يا ناس معلومه اول شي للعلم انا مانيب سعوديه ,

اولا بصراحه لأني دايما متابعه وحسيت منكم استجابه اريدكم تساعدوني الله يخليكم


هاي مشكلتي :

انا ف الثانوية العامة نسبتي 98.9 قسم علمي والحمدلله اهلي افرحوا فيني فرحه كبيررررررررره ورفعت راسي اظن 200 سنه قدام

راسهم مرفوع بسببي :) المهم ودشيت كليه الطب والحمدلله وهذا فخر ثاني السالفه يا ناس صح اني من زمان مجتهده مره مره بس ما قد

مر علي جيت الاولى على الصف او كذا المهم اني حسيت ضربه حظ خلتني اجيب ف الثانويه مو بس الاولى على الصف على المدرسه

بعد , دشيت الجامعه ومن اول فصل كان عندي ثلاث مواد تأسيسيه انجلش و كمبيوتر وماث المهم انا من الثقه الزايده ما اذاكر زين

بس ليله الاختبار وكنت كثيره الغياب جبت ف الماث و الكمبيوتر F رسبت يعني و الانجلش D على حافه الرسوب

الفصل الي بعد رسبت ثلاث مواد الي بعد مادتين رسبت و مادتين D وحده C والي بعده رسبت ف وحده وف ثلاث مواد C-

الحين انا مريت بثلاث فصول معدلي نازل وتخيلوا اهلي مايدروا عن كل هذا

لأني ف الجامعه مخزنه رقم ولي الامر رقمي الثاني الي هو مصكر من زمان ولا حد درى عنهم اصلا و اانا ما ادرس ف بلدي ف دولة

يمكن الغربه بعد هي عامل المهم انا مدري وش فيا صراحه احاول ومافي فايده هذا الفصل الي حاليا في اختبارات نهائية لسه ماخلصنا

رحت اشيك على درجاتي ف الاختبارات القصيرة ودرجاتي في المشاريع و الابحاث الدرجات مره نازله والدكاتره قالوا اذا حصلت

معجزة رح تنجحي يعني D , مره ثانيه وملاحظه اخيره اخر فرصه انا بصراحه انسانه الدنيا ف عيني سووووووووووووده ولله

العظيم مو مرتاحه ولا ثانيه ولا ارتاح ف نومي ولا اكلي ولا شربي وما احب اكلم اهلي احس بالذنب مره

والله العظيم تمنيت ان امي تموت هالايام عشان ماتعرف عني وعن مشكلتي ومرات اقول بصير شجاعه واخبرها لأنو لالازم يجوا

الجامعه يوقعوا على علمهم بوضعي وانها اخر فرصه والجامعه بعيد مره ف دوله اووربيه صعب وامي مريضه

فكرت اقول لاخوي للعلم والدي متوفي وماعندي غير اخ واحد واختين كبار

لأنو شوي متقرب مني بس بعد بتكون صدمه له بس اهون من ان امي تعرف وانا بصراحه اللغه عندي اوكي مره فل


بس مشكلتي ماحب اذاكر بس والله العظيم احب انام ولله ما كأني طالبه جامعيه اصحى بليل واسهر لين الظهر واغيب عن كلاساتي

عكس العااااااااااالم وصلاتي مو مره ملتزمه فيها وحتى لو ملتزمه اصلي سريع مافيه اي اخلاص او عباده احس


مرات احاول استغفر عسى مشكلتي تنحل بس مافي فايده


الحين طلبتكم بالله انكم تساعدوني وش برايكم الحل !


ولله تعبت كيف اصير شطورة ثاني شي مرات احس انه عين او عمل مدري وشو


المهم بليززز لا تنقلوا موضوعي لأن ف هذاا القسم وايد امهات اريدهم يردوا علي وش رايكم لو بنتك ف وضعي


وخصوصا صدمه اهلي قويه لأن نسبتي عاليه بالثانويه وادرس تخصص مو هين ادرس طب !!


الله يخليكم ساعدوني والسموحه طولت