الدورة ماجاتني من ثلاث شهور؟؟ ساعدوني

السلام عليكم ورحمه الله وبركاته
كيفكم اخواتي؟؟
انا جديده معاكم من فتره وانا اتابع القسم بدون مااشارك فيه
بس هالمره مالقيت وحده زي حالتي
اقولكم السالفه مااطول عليكم انا عندي طفل 3 سنوات وابغى احمل و
الدوره اخر مره جاتني في 15 شعبان ورمضان ماجات ولا شوال
في شوال في العشرين تقريبا سويت تحليل منزلي وطلع لي خطين واضحين ومره فرحت وقلت اتاكد وسويت تحليل دم وطلع نيجاتيف وبعدها باسبوع من التحليل شلت شي ثقيل ويعد كم ساعه نزلت على كم خيط دم
ومره خفت قلت امكن حامل واليوم اللي بعده رحت للدكتورة وسوت اشعه تلفزيونيه وقالت مافي شي وكنت احس بشوي الم في جنوبي واسف ظهري وقالت لي اذا استمر الدم والالم لازم تسوي سونار مهبلي امكن يكون في حمل خارج الرحم
ورحت لها بعد اليومين وسويت السونار والحمدلله مافي شي والدم بس يومين واختفى وقالت عندي بويضات من الفرحه ماركزت معاها زين ومافهمتها بس الصورة كانت فيها بويضات في اليمين واليسار وسليمه ومافي اي مشكله وقالت اذا ابغى تعطيني حبوب تنزل الدوره قلت لا خليها تنزل براحتها مادام مافي شي ويابنات الى الحين في شهر ذو القعده ماشفتها ...
بس دائم احس ان جنبي اليسار في شي ومو عارفه ايش هو واليمين الحمدلله مااحس فيه ابد بشي
وخلال هذي الفتره حسيت ان جنوبي متنفخه شوي وكمان صدري متغير زايده فيه العروق
قولوا ايش اسوي ؟؟ زوجي يقولي اوديك ممرخه قلت له استنى الى نهايه الشهر اذا ماشرفت اروح ؟؟ بس انا خايفه مااعرف الممرخات ايش يسوون ولا كيف طريقتهم في التمريخ يعني ماعندي خبره عنهم..


واخيرا بالنسبه لدورتي قبل هذه الحاله كانت كل شهر تتاخر كم يوم الى اسبوع او اسبوعين ونادر تتاخر شهر وبعدين تشرف يعني ماعمرها سوت كذا الا وانا بنت قبل اربع سنين كانت تتاخر شهر وشهرين وثلاث والحمدلله من يوم ماتزوجت ماتتاخر زي كذا والدكتورة قبل كذا قالت مافيها شي دورتي..


معليش طولت عليكم بس حبيت اعطيكم السالفه بالتفصيل الممل عشان تفهموها
اتمنى تساعدوني

واسال الله ان يرزقنا جميعا الذريه الصالحه التي تقر بها اعيننا...