الراتب هل هو نعمه ام نقمه

السلام عليكم ورحمة الله وبركاته
وش أخباركم ؟؟
هذا اول موضوع لي بس لاتكسفوني
أنا حابه أدردش معكم شوي
بالنسبه للزواج
رح نتكلم في ناحية الرواتب لأن كثير بنات يسألون عن السالفه هذي وانتو عارفين الشباب الحين أكثرهم عاطلين والي ماكمل دراسته
والي وضيفته بسيطه راتبه 2000او3000
بعض الأحيان اقول الراتب مو مهم لاني أعرف وحده قريبه لي زوجها راتبه اربعه
وماشاء الله تلبس لب مايلبسونه اخواتها الي رواتب ازواجهم كثيره
لان زوجها كريم يعطيها مايبخل عليها
ووحده ثانيه راتبه ثلاثه بس وماشاء الله كل يوم تطلع وفساتينها ألف وفوق
ولبسها شئ ولدها الصغير كل لبسه ماركات مومقصره على نفسها بشئ وشقتها جنان
ماادري وش لون ماشاء الله عليها مدلعه نفسها اخر تدليعه
ومرت خالي مررررررررره حلوه وبنت عز موناقصها شي خذت خالي وهو طالب في الجامعه وكبر معها الين توضف وصار مدرس ماشاء الله عليه والحين يدور وضيفه ثانيه يبي يطور عمره
واحسه شايل معروفها على كتوفه لاأنها قبلت فيه وهو منتف وهي بنت عز وعايشه عيش ولا احلى ماشاء الله عليها
والله كثير من هالنوعيه
وفي المقابل اعرف وحده زوجها غني مرررره لو اقول اسمه عرفتوه
بس شكله مقتصد الله لايبلانا مااشوف عليها طقوم ذهب أو الماس
أكسسواراتها عاديه من أكسسورز وطقته مشفت عليها شي أزود من غيرها
حتى هي تقوله مايرضي يعطيني
بناتها لبسه عادي جدا ومافيهم زود
البخل مشكله
وحده اعرفها راتب زوجها حلو متوسط بس مسكينه مايعطيها الاالقليل
ودايم محتاجه


بس بعض الاحيان أقول المعيشه صارت مرتفعه وغاليه كل شي ارتفع
وغلى
يعني فواتير الجوال والأكل والكهربا والمويه واللبس والسفريات واذ جو العيال منين لهم
يعني ماأحسها تكفي
ثلاثه الاف وش تسوي وش تخلي
شي صعب
بناااااااااات الله يدخلها الجنه الي ترد علي
انتو وش رايكم
لاني بصراحه أحسني بين نارين
شورو علي

سلااااااااااااااااااااااااااااااااااااااااااااااااااااام