الرجال مايعجبهم شي

هذا سلمكن الله قصه اخو خويتي ودي تسمعنها وكل وحده تقول رايها
اخو ها خطبوله وحده يتقرب لهم من بعيد.هالبنت مايعرفون عنها شي بس انها قرابه بعيده من عند الجدات،المهم البنت اخلاقها كويسه لكن مشكلتها ان عندها برود وهدوء اعصاب .
هو يقول(على لسان زوجها) انسانه كسوله هاديه ماعندها غيره ولاعندها اهتمام بنفسها لاتهتم بلبسها ولابيتها.من تزوجتها مايعجبني برودها اهاوشها تبتسم،اتاخر على البيت بالسهره اتمنى تتصل وتقول ليه تاخرت.او ع الاقل ترسل رساله.اشوف الرجال بالسهره زوجته تتصل وتهاوش ليه متاخر واحسدهم.لكن هي لا،اجي من السهره ولامره قالت جيت متاخر،او ليه تاخرت،بالنسبه للبس بالبيت تلبس ملابس ترفع ضغطي،تخيلوا جالسه قدامي بكم كامل ولابسه الشيله .يابنت الحلال اتمنى مره اشوف رقبتك
صدرك يدينك،لكن مافيه فايده ماغير تبتسم اذا هاوشتها
بيتها وعيالها مهملين النظافه معدومه.
المهم صديقتي تقول انه بعد ماصار معه ولدين طلب من اخواته يدورون له عروس،يقول اريد وحده قويه لسانها طويل اذا قلت لها كلمه ردت علي بعشر،اذا تاخرت دقيقه تزعل وتهاوش،اريد وحده تزعجني بكثر الاتصال وحد تغار
تقول اخته رحنا واخترنا له وحده مثل مايريد،والحمدلله تزوج ،،لكن بعد فتره قصيره ،،،،،،طلقها،،
تعبته بالحيل.طبعهامااعجبه بالمره..عكس الاولى
المهم رجع حق زوجته الاولى لكن الشي الغريب انه طار فيها..يجلس على الوساخه وعادي عنده .الاكل من المطعم .العيال والبنات يوديهم للسوق وبس يشري من هالملابس.الي تكبها بالزباله.فاتح لهم حساب عند السوبر ماركت للي نفسهم فيه
تقول هي بنت حلال اهلي يحبونها ولاشفنا منها الاكل خير،وحتى لما خطبنا لاخوي مازعلت ولاهمها.الحين بناتها كبار بالمتوسط والثانوي.صارن يهتمن بالبيت،وهي المسكينه توطفت اداريه وجابت شغاله
لكن مازال اخوي يعصب ويتكلم عليها قدامنا وهي تبتسم في وجهه بكل برود ولا ترد عليه
ولما نمزح ونجيب طاري الزواج.يقول اعوذ بالله وحده ومكفيه مالي خلق ثناي
هاه وش رايكن بقصتها