وايد نصحوني بعشبة كف مريم وفعلا اخذتها وانا لي الحين 10 ايام او اكثر شوي مفتوح الرحم عندي 2 سم وياتني الام بعد ما شربتها بس ثاني يوم تروح انا اخذت كوب في الليل وكوب في ثاني يوم العصر واخر كوب في الليل ومع المشي لكن ماكو فايدة وبصراحة تعبت التقلصات مو زينة كثرتها على البيبي وانا التقلصات تييني لكن ما تنتظم وفيني عوار مو طبيعي يشد ظهري ودفع للاسفل
المشكلة انه هذي ثالث ولادة لي يعني المفروض اسهل ولو اشوي من اللي قبلها عموما الدكتورة قالت لي انه عنق الرحم رايح ورا راس الياهل ولو بس يتحرك من مكانه ويصير تحت راس الياهل راح يي الطلق وعلى حسبة الدكتورة الحين خلصت 37 اسبوع
اللي عندها خبرة او الدكتورة ياريت تساعدني وتنصحني شسوي
ملاحظة : سألت دكتورتي شنو اسوي علشان اعدل قلبة عنق الرحم قالت لي ولا شي الطلق اهو اللي بيعدله وعليج بمغلي الحلبة صبح وليل لين ايي عوار والمشي ما يفيدج . وفعلن اخذت الحلبة بس نفس سالفة كف مريم عوارات وتقلصات تنتظم اشوي وبعد 3 ساعات ماكو شي !!!
sara 777 @sara_777
عضوة فعالة
يلزم عليك تسجيل الدخول أولًا لكتابة تعليق.
شيخة القصمان100%
•
ياختي لاتتهورين تو الناس توك بالاسبوع 37 اصبري شوي لحد مايكتب ربي وييسر لك ولادتك طبيعي بيسر وسهوله مو زين الواحد يستعجل اجل وش تقولين اللي بالاسبوع ال40وتوها ماعندها طاري والبيبي راقي فوق اللي صبرنا 8 شهور نصبر كم يوم الله يفرجها علينا جميعا
sara 777
•
يا بنات اذا في احد مثلي ياريت تقولي اشسوت
وعلى فكرة انا معروفة في حمالاتي ما اكمل لي 40 اسبوع اولد في ال 36 او 37 اسبوع وماشاء الله عيالي مكتملين واوزانهم 3 وفوق
وعلى فكرة انا معروفة في حمالاتي ما اكمل لي 40 اسبوع اولد في ال 36 او 37 اسبوع وماشاء الله عيالي مكتملين واوزانهم 3 وفوق
الصفحة الأخيرة