الرشاقة والتجارة والحقيقة(((المعلومات الي ممكن تفيدكم وتريحكم

ابدأ موضوعي الي اتخيل انه من اهم المواضيع...
اول شيء الرشاقة سهلة ومو صعبة ابدا بالعكس كل اخصائي التغذية قالو انه الي يبي ينحف اسرع من الي يبي ينصح...المهم انا بقولكم اشياء جربتها عشان انحف وفشلت او نفعت معي والسبب وبقولكم معادلات مهمة وبسيطة وتذكروها....الرشاقة=الحفاظ على غذاء سليم بكل معنى الكلمة يعني غذاء يحتوي على الفتاميات والكربوهيدرات الي الكل مفكر انها عدوة الرجيم والبروتينات والخضروات والفواكه وال...والتنظيم بين الوجبات وتناول ست وجبات صحية 3 رئيسية و3 خفيفة ..بدك تاكلي فاست فود شوكلاتة كلي بس كلي على حسب وزنك يعني ماتكثري مش اذا انت مية تاكلي مية شكلاتة باليوم..يعني تاكلي مصنع لألألألألأ كلي مرة بالاسبوع ياشيخة مرتين مو ضروري كرتونة صح ولا لأ على فكرة انا لما كنت سمينة كنت اكل بلااااوي متلتة والله كنت اكل مرتين باليوم فاست فود وشكلاتة وشبس بالهبل...بعدين الرياضة ليش احنا مانهتم بالرياضة والله انها اهم شيء ( رياضة يعني صحة حيوية- شد للترهلات-شباب دائم-تقتل اوجاع الضهر والروماتيزم-وتنشط الدورة الدموية- تحسن مظر الجلد من السليولات والخطوط البيضاء والله فوائدها ماتعد ولا تحصى حتى انها من الاشياء الي تجلب السعادة والرضى والتحدي...ومن اجمل الرياضات واسهلها المشي الي عنجد فيه اكبر متعة وارخص متعة بالعالم ..شو عليكم لو مشيتو بالاسبوع بس لو تلات مرات انتو بتقولو مو رح يفيدونا لانا بنحش وبناكل زي المفاجيع انا بقلكم انه لأ المشي رياضة لترويض النفس قبل الجسم كل مارح تمشو رح تكرهو الاكل وتقولو والله جسمي تحسن بحب الرياضة وبكره الاكل....اوكي قلنا اكل صحي ورياضة شو كمان الاهم هو حب النفس وحب الجسم الذي وهبكم اياه ربكم مو كل دقيقة ليش هاي جسمها نحيف وليش انا دبة ليش هاي رجليها هيك وانا هيك ليش هاي تاكل اكثر وماتنصح وانا زي الدبة نازلة اكل باكل ,هذا كله طريقك الى الدمار حبي جسمك وقولي انه احلى جسم بالكون وكلي اكل صحي عشان يكون احلى واحلى حاولي انك تفهمي تركيبة جسمك والبسي على هواها...اشغلي وقتك بالاهم مو كل شي الشكل والاكل والرجيم وال مابعرف شو...في اشياء مهمة بالدنيا تثقفو فيها نمو هوايتكم الشكل فاني بس المخ بيضل للابد كل مافكرتو بالرجيم والوزن والخلطات كل مازاد التوتر وكره النفس..المهم هذا الي عندي من نصائح ...هلأ وقت الاشياء الغلط الي كنت افكر فيها لما كنت سمينة وبطبوطة....والاشياء الي شريتها وجربتها ومافادتني
كنت افكر اني اسمن وحدة واني افشل وحدة واني لو شو ماعملت الكل اجمل مني وكنت اكره حالي واعذبها بالاكل والابتعاد عن الناس وكره الجميع بس هذا الشيء تغير وقبل ماانحف تغيرت وتغير كل اسلوبي صرت احب الحياة والناس والمجتمع والله بعد مااتغيريت نحفت كثير وصرت اقول في نفسي مارح استنى اني انحف بعدين اواجه المجتمع لأ اواجه المجتمع وخليه يتقبلني وبكل عيوبي غص من عنه وبعدين انحف الحمدالله ربي ماخلقني بعاهات ولا بشي استحي منه كلها سمنة وتنحل والله حب الحياه غيرني ونحفني وخلاني احب حالي بكل كيلو كنت انزله..
مممم الاشياء الي شرييتها وعملتها ...الرياضة ياسلام بالاول ماكنت امارس رياضة مع اني كنت اضعف بس الجسم كان موبشي بس لما بديت بالرياضة والله ماشاء الله احس اني مشدودة وملفوفة ومزبطة....يعني الرياضة اوكي وميت اوكي.
الادوية كلها فاشلة تقريبا من الزينكال لانه يفقد الجسم للحيوية ومايمتص كثير من الدهون بل نسبة ضئيلة وبالعكس والله يفتح الشهية وكله كذب بكذب والله الزنيكال للي اوزانهم بال80 ونازل مارح يفيد الي اكثر من هيك...الريدتكتال يارب وزارة الصحة تمنعه قولو امين احذر منه والله انه زباله ويسد الشهيه لايام اقل من معدودة كثير بنات فوق الالف حكولي انو مافادهم بالمرة وانا بس سد شهيتي يوم ولا نص يوم حتى بعديها صرت اكل غير انه يخلي القلب يدق بسرعة وكثيير بنات لاحظو هالشي,,
في دوا تاني اسمه فايتوشيب ولا زف الطين نفس الشي مابفيد للوزنهم عالي جدا لانو الوزنهم عالي بنصحهم باعادة تنظيم حياتهم والبدء من الصفر مو من الادوية بل والله واقسم بالله الشاي الاخضر على تجربتي احسن من كل هالفلوس الي تنرمي عالادوية ...الكريمات مو فشل ابوووو الفشل ...الله على روك للسليولايت= صفر يعني مافي فايدة لانكوم= نف الشي مممم كريمات الاعشاب الساخنة للسليولايت اكثر من حد حزرني منها ورحت رميتها قبل مااستعملها...ممم الات التنحيف ال LPG منيح بصراحة بس بدو جلسات كثيرررررررر عشان تحسي بالفائدة وال لg5 برضو اوكي...ال POWER PLATES رهيب بس غالي انك تشتريه سعره 14000 درهم انا كنت استخدمو عند اختي زوجها شاريه والله رهيب يحرك كل العضلات ومفيد كثير وفي كثير نوادي راقية تعطيكي دروس عليه ...ممم نط الحبل رهيب كثير بس انصح انكم تلبسو ستيان رياضي خوفا للترهل...وهذا الي عندي بعرف اني بحكي كثير اتحملوني حبيت افيدكم وانشاءالله تنحفو زي ما انا نحفت لما بسطت امر النحافة وخليتها شيء سهل وصحي مو عذاب وموت وجنون..واي شي بتذكره بكتبه بهل موضوع واذا عندكم استفسارات او اي ردود لا تحرمونا واذا كمان في تجارب فاشلة او ناجحة قولولنا وخلونا ننصح بعض.باي يا احلى ناس