الرضاااعه الطبيعيه

السلام عليكم
مااعرف للمقدمات :42:
بدخل بالموضوع على طول
مشكلتي مع الرضاعه
هذا طفلي الثاني طفلي الأول مريت بظروف بالحمل والولاده صعبه وطولت شوي بالمستشفى ونفسيتي كانت جدا تعبانه
حاولت ارضع لكن ولدي رفضه بشده حتى اتذكر الممرضات كانو يحاولون معي لكن مافيه فايده للعلم كنت والده بحكومي وماعليهم لازم ترضعين
ولما رجعت البيت برضو استمرت المحاولات لكن مره الولد مو راضي يمسكه بشكل عجيب بس لما اقربه عنده يصيح صياح ويرجع راسه ويعكف ظهره الله يصلحه
والشي الثاني ابدا ماحمل صدري وماكان فيه حليب
كنت مره متحسفه انو ولدي ماتقبله فقلت لازم اشفط عشان ينزل حليب حتى لو احطها بالرضاعه
تقطع صدري وانا اشفط ومايطلع الا نقط فقط وحاولت ايااااام وصدري ابدا ماجاء فيه حليب
وللأسف مارضعت طفلي
والحين جبت طفلي الثاني والظروف في حملي هذا وولادتي كانت احسن الحمدلله والنفسيه احسن الحمدلله
قلت ان شاءالله برضع
طفلي تقبل صدري الحمدلله فرحت وانبسطت لكن ماكان فيه حليب ابدا قلت عادي يمكن لأنو توني مالي يومين والده مع شفط البيبي والمدرات راح يدر بأذن الله
حاولت اكثر سوائل وكل شي اسمع انه مدر استمريت عليه الى اليوم ومايأست
قالو الحليب والحلبه ومستمره قالو الشمر ممتاز ومستمره قالو الطحينه مع التمر ومستمره وغيره
لكن لي الحين 8 ايام صدري طايح ومافيه حليب يسوا اذا ضغطته ياله ينزل منه بس نقط
ماحسيت بالتحجر اللي يقولون ولا شي
واللي مقطع قلبي زياده انو ولدي متقبله ويرضع لكن مايشبعه يمص يمص يمكن يجلس ربع ساعه بعدها يعصب ويصارخ من الجوع فأطر اعطيه صناعي
والله ياأخواتي تعبت وماعاد اعرف انام
احطه على صدري يرضع منه شوي وينام مايمديني اسدحه بالسرير الا صرخ ماجاه حليب وعلى هذا الحال
والله تعبت بالليل اخليه يرضع من صدري ويرضع واذا يأست صلحت له صناعي مع العلم انه مايشرب الا رقم واحد فقط ويجلس كم ساااعه عليها اقول يمكن يجيه من صدري شوي وهذا يكمله المهم بعد كل رضعه من صدري لازم اكملها بصناعي
واحس صدري طايح مافيه شي
والله متقطع قلبي ودي على الأقل يرضع بس شهر
الله يكتب اللي فيه الخير يارب
ادري طولت عليكم وكلامي ملخبط اكتب من الأيباد وانا مستعجله
بس قلت افضفض لأخواتي ويمكن فيه احد مثلي او احصل حل او نصيحه
انتظركم اخواتي:26::26: