حبيباتي في الله
اليوم موضوعي مثل ماهو باين بالعنوان الزواج الثاني .. وللعلم ترى أنا ليلحين مومتزوجة يعني مو قاعدة أتكلم عن نفسي ..
ولكن شد انتباهي هالموضوع ...
برأييكم اللي تتزوج الزواج الثاني هل يجب تكون كبيرة بالسن ؟
موحلوة ؟ مو متعلمة ؟ مو مثقفة؟ مطلقة ؟ أو .. أو .. أو
" طبعا الكلام اللي كتبته مو من قلبي بس أحب أبين اراء الناس و تفكيرهم "
خلونا نتكلم من ناحية الشرع و هذي الناحية اللي أحبها و أحب اتمسك فيها بكل موضوع ولله الحمد ..
مثل ماتعرفون ان البنت تنخطب .. قد يكون لم يسبق له الزواج ..أو مطلق أو أرمل أو متزوج
إذا لم يسبق له الزواج هذي معروف نتائجها الاغلب بيوافق ..
أرمل .. فلا حول ولاقوة إلا بالله .. قدره ولكل نفس أجل ومن حقه يتزوج و يعيش حياته
المتتزوج .. وبرأيي الشخصي رافضة الفكرة نهائي.... "خوفا من ربي مع ان الشرع حلله وهذا فقط مجرد وجهة نظر" .. ولكن يمكن يكون صح محتاج الزواج الثاني ... وأعرف حالات بالواقع الزوج متعذب من زوجته ولاهي قايمة بواجبها بإكمل وجه
يعني مايهمها إلا لبسها ,صديقاتها و طلعتها و روحتها . بس أما الزوج والعيال معطتهم طاف حتى الزوج مرض منها !!!
في هذي الحالة ... الحل ان الزوج يتزوج عليها حتى يرتاح ويكسر خشمها و اعذروني على ردتي القوية .. ولكن للأسف ليلحين متحمل ويقول وعيالي !!! تخيلوا .. صار الرجال هو اللي يحاتي عياله مو المره ... حريم اخر زمن !! الله المستعان
مطلق.. بيقولون لو انه مومطلق مثلا .. اللي تبي "تعنفق " يعني اللي بتدلع
وقد يكون نتيجة الطلاق بعيال او من غير عيال و يعتمد على عدد سنوات الزواج اللي بينهم وسن المتقدم ..
فلو كان المطلق بأبناء وسنه صغير ومناسب ووقع بينهم الطلاق هل من حقه انه يتزوج ؟؟
بتقولون طبعا ..
الحين مواصفات الزوجة الثانية اشلون تكون ؟
هل لازم تكون مطلقة بأبناء أو من غير أبناء ؟ أو بنت ؟
طبعا الرأي الاول والأخير لهم .. بس خلونا نتشارك بأراءكم
يمكن بعض البنات يقولون .. ليش احنا شنو ناقصنا علشان ناخذ مطلق.. وانا كنت أفكر بنفس الشي ..
ولكن لما تمر علي حالات وأشوف البنات اشلون يتزوجون .. وقناعاتهم , أرد وأفكر اشلون وافقت
طبعا .. من غير اختلاف قدرها و نصيبها و اللي مكتوب لها ...
ولكن هناك أسباب يسخرها رب العالمين و يتم الزواج ...
عرضت لكم معظم الحالات .. و ناطرة مشاركتكم بالزواج الثاني .. وخلونا ناخذ أصعب حالة وهي لما يكون مطلق بأبناء .. اشلون تتصرفون ؟
مع العلم .. اني شايفة حالات ان الزوجة الثانية تكون بسبب أفضل بمليون مرة من الزوجة الاوى وقايمه بواجب الزوج و مومخليه عليه قاصرو الزوج مرتاح ... وتكون الزوجة الاولى هي السبب بزواحه .. طبعا أنا مو مع الرجل اللي يتزوج للدلع فقط و زوجته الاولى ماهي مقصره معاه أبد .. هذا أرفضه وبقوة بعد ..
خلونا نسمع اراءكم ...الموضوع متشعب كثير فياريت اللي بتكلم . . توضح الحالة شنو
موضوعك حلو بس مو دايما التانية تكون فيها عيوب بل بالعكس التانية
يمكن تكون اجمل واصغر من الاولى . وبعدين احنا في زمن كثرة فيها نسبة العنوسة
فالي تلاقي رجال يخاف الله وعلى خلق ودين تخش عليه بس اهم شي انها لا تظلم لانها
في الاصل ما عملت شي يغضب الله بالعكس هي احيت السنة الي صار الناس يستحون منها
خاشة في الموضوع بقوة لان زوجة تانية ههههههه