الزوجه الثانيه

😣
الزوجه الثانية
❗❤❗
بقول قصه مختصره -
السلام عليكم ورحمه الله وبركاته بقول قصتي مختصره عشان كل حرمه تقعد مع نفسها وتعرف ايش لها وايش عليها
أنا رجل عمري ٣٠ سنه متزوج ثنتين
وقلت دام فاتحين لكن مجلس أبي احط لكن نصيحه لأي وحده تبي تعيش مرتاحه وتبي زوجها يحبها
انا احب زوجتي الأولى جداً لدرجه تنزل دمعتي أحيانا والرجل إذا بكى تأكدي إنه يحب

سبب زواجي عليها ما تفهمني أبدا

مثلا جيت الظهر احصلها تو تركب الغدا ، انا جوعان وتعبان وطريق مزدحم ابي غدا جاهز وزوجه متظبطه صح ولا لئ

ازعل طبعا وتكشر اتغدا ٤ العصر وانا جاي من ١ واطلع ٤ لأني متضايق
غلطت في شي تجي تواجهني لو تافه تأكدن يابنات الرجل يحب الذكيه اللي تستغبي يعني أنا فاهم وهي فاهمه
كنت اطالع أفلام إباحية لكن تبت لله عزوجل
كانت تجيب الجوال وترميه في وجهي يا...... يا قليل الحياء ودني لأهلي
طيب أنا عاصي الله
قبل اخونك
ليش ماتنصحيني كنت تعبان جدا من الأفلام وضميري يأنبني وكل ما وبختني اتنكس وأزيد
للأسف ماقدرت حبي لها اطلعها كل يومين ارجع بدري ما ادخن أصلي الصلاه بوقتها
معها كل دقيقه والله اذا اشتهت شي افز اجيبه لها لكن طالعت هاذي العثره وباسلوبها دمرتني اكثر وأكثر
مع الوقت صارت تروح ﻷهلها وانا في البيت كل يومين تروح حتى لو اعزم اترك هاذا الشي
وين الحافز
انتم يامعشر النساء تدفنون كل الحسنات لأجل سيئه واحده

انا اشوفها مهمله نفسها وما تطبخ عدل وتروح لأهلها غفرت لها اهمالها واحاول احط مبررات
المهم ماهو موضوعنا

الموضوع!! اني خفت اتعرف على بنات
ما اشبعتني
بس تعاتب وتهمل وين الفعل يعني
فكرت كثير وقلت الحل إني اتزوج

منها ما انحرف ومنها تتعدل ومنها احصل غداء بدري لبس تلبس لي تنتبه لي تخاف علي تحطني بعيونها
خطبت وحده ما اعرف عنها شي ما طلبت حتى شوفه عشان زوجتي ترضى

ارضيتها ب ٧ طقوم ذهب و ٢ الماس تسلفت عشانها
.
.
.
تزوجت الجديده ما ابيها ولا احب جلسه معها بس لزوم العدل حدتني زوجتي اللي خلت حياتي كلها عتاب

٤ شهور تعاتب بخصوص الموضوع فتحت جوالي لها تاخذه كل ليلة عشان تساعدني كانت ترميه تقول ماراح آخذه هديت ولا ضليت مافكرت فيك

زوجتي الجديده اجي القى بيت نظيف
غداء جاهز
مع شموع ودلع خوفها علي باين من عيونها احط جوالي مستحيل تمسكه استغربت ياربي هاذي من جنس الحريم ولا ايش ؟؟

حتى لو أتاخر عند الأولى ما تعاتبني عايشه اللحظه معي بكل تفاصيلها تبي تسعدني لانها حست إن قلبي مو معها

الايام الأولى ثقيله علي: مشاكل الأولى وانجباري اعدل

فكنت اضيق جدا واطلع لا عند هاذي ولا هاذي
كانت ترسل لي الأولى

ما ابي من الله الا انه ينتقم منك

الثانيه ترسل .. طمني عليك وخبرني إذا نفسك في عشاء بخاطرك شي حبيبي صارحني💘
ماكنت ارد عليها

رديت على اﻻولى وارسلت لها
انتي محاسبه على كلامك لاني زوج مستحيل ادعي عليك بس مع الوقت بتجنين ثمار تصرفاتك

قفلت الجوال نمت بالاستراحه مع عيال عمومتي ولأول مره في حياتي
ويسولفون عن حريم ويسبون ما تحملت قلت مايصلح :حشم شاربك لاتكلم عن زوجتك قدام الرجال

قال وش مضيعك ومنحفك الا الحريم عطهن العين الحمراء واسحب عليهن

انا طلعت من الاستراحه الظهر قعدت بسيارتي إلى المغرب مالي نفس للازعاج ابي راحتي ونفسي

رحت صليت العشاء دقيت على الأولى قلت بجيك

ورحت لها
لا ضبطت نفسها ولا بيتها ولا استقبال ولا شي
سكت وقلت تعبان ؛ وجد كانت الحراره نافضتني نفض

قالت : جب حبوب ايش اسوي لك ؟؟

من المرض
مبي اتجادل معها قلت بغط شوي

جوعان وماكل تراب بس
وقامت تكلم اهلها بالساعات ولاكني موجود
طيب والأفلام تركناها من شهرين ليه يالكامله هاذا الأسلوب ؟ ؟؟
.
.
.
.
رحت للثانيه لقيتها نايمه ويوم شافتني جلست تعتذر
آسفه ياحبيبي شوي اجهزلك مكرونه على السريع

شغلت لي برنامج وقالت شوفه امس اعجبني ووقفته ابيك تشوفه معي

البرنامج اعجبني وكل شوي اضحك كان رائع جدا
استرخيت جابت المكرونه وتأكلني بيدها ارضتني وهدت اللي في خاطري الله يرضى عليها

مع إني ما استاهلها بس وعدت نفسي إني أعطيها نفس تقديرها لي واكثر

خلصت أكل قالت تبي شاهي قلت لا ومبتسم مبسوط جدا ايش هذا الاهتمام مع انه بسيط في حق كل رجل وشرعا تجهزين له اكله وراحته وهو كذلك بس زوجتي عودتني أأكل نفسي وحتى ثيابي اغسلها أحيانا لأنها تنسى بس على جوالها قاعدة

شاطره بس تعاتب

هي بنت عمي وتسوا عيوني بس للاسف معاد تجذبني بإهمالها

صرت أتاخر عند الثانيه وقالت حرام لا ....لازم تطلع واول مره تعصب علي اطلع لها انا احبك وما أبي الله يعاقبك في يوم

وعند الأولى اقولها صحيني في بدايته الساعه الفلانيه عشان يووم الثانيه
تروح تقفل الساعه وترقد وما تفوق إلا بعد اربع ساعات خطه منها

بس اروح وألقى وجه بشوش وعتاب لطيف وغيره جننتني عسى الله يسقي يوم عرفتها فيه

المهم أنا باقي ماتبت من الافلام الاباحيه بس خففت منها
لكن ما اقدر اشوفها في بيتها لانها اغلب الوقت معي تسولف وتضحك وتهتم
ومره مقدر الا عند الأولى لأنها على جوالها ولاهيه ولاتدري عن هوا داري

طالعت هذاك اليوم ثم طلعت من البيت لاني اضيق
من هذا الشي كانت ليله الثانيه نمت وحطيت جوالي عند راسي لأنها مستحيل تمسكه
.
.
.
.
صحيت على بكاها ومره دايخ قلت ايش فيك
قالت تعبانه نام طلعت وخفت عليها لحقتها لقيتها تصلي رجعت انام
صحيت مسكت جوالي لقيتها كاتبه في نفس مؤشر البحث أنا كاتب أفلام إباحية وهي كاتبه
قل إن الذي خلق الظلام يراني
جسمي كله قشعر انصدمت انها شافت جلست ساعه ساكت ناديتها أبي أشوف زعلانه ولالئ

قالت لبيه جايه

انصدمت انها مازعلت ومن فرحتي طلعتها نتمشى وهاذي الايام مطر
قالت قول لي سلبياتي عشان اكملها قول لي عشان ارضيك وماتبحث عن شي
قلت والله يافلانه انك كامله وما فيك شي وانا صادق انها بنت يبيها كل رجال لراحة قلبه وكل شي
قالت بنسمع شي شغلت محاضرة عن هذا الشي تاثرت بقوه الكلام هد حيلي
وتكلمت معي قالت صديقتي زوجها يطالع ايش انصحها وضحت لي انها فاهمه وتستغبي
قلت يافلانه انتي تقصديني وابيك تسامحني وتساعديني وجلست تبكي بقوه قطعت قلبي

قالت أنا أخاف عليك ما قالت يا...... قالت هذا ذنب كبير أخاف تموت وانت تسويه كلام دخل قلبي وحسسني اني على ذنب ومصيبه
ما جابت للغيره طاري أبد ويمكن غارت بس ما وضحت

طلعت مصحف من الدرج قالت احلف إنك ما تعيدها واذا بتعيدها تجي تعطيني خبر
وكل ماحسيت اني ابي اطالع قلتلها وقوتني اكثر وأكثر
.
.
.
انا تبت وصلح أمري والتزمت والحين امام مسجد
بفضل الله ثم زوجتي الثانيه اللي احمل لها كل الاحترام علمتني الخوف من الله قبل تعلمني عن غيرتها
والله ثم والله غيرتني كثير استحي اغلط عليها
انا أحوالي حاليا تمام وان ضقت رحت لها هي جنتي وامي وابوي الله يسعد يد ربتها والله يكتب لها الجنه ياكريم

ايش يبي الرجال الا راحه واستقامه ووقفه من زوجه تحبه تعامله كحبيب وليس كزوج
زوجتي الأولى في قلبي لها رحمه يمكن تحبني بس خسرتني من أسلوبها واللي لها العدل بإذن الله
للاسف تبت ومازالت تقول لي كيف الافلام يامطوع !!!
ﻻ وخبرت امي واهلي وفضحتني طلعت صغير عند امي جنتي
واكيد ضاق صدرها الله يهدي زوجتي وما راح اعاتبها لأني تشبعت منها وماعاد يهمني ابدا

لها العدل فقط والقلب للانسانه اللي حطتني في عيونها

كل وحده تجلس مع نفسها في زاويه والله يصلح اموركم انا للمعلوميه ما اتابع حسابكم طحت عليه فجأه كنت اتابع مجلس الجمهوري الهلالي وانحذف كتبت مجلس وحصلتهم وشد انتباهي مجلسكم

أبي من كل الاخوات ساندوا رجالكم في كل شي ولك الاجر ومابعد الصبر الا الثواب
زوجتي لو اسلوبها تغير ما اخذت عليها انتبهو ﻷزواجكم ولاتتركونهم بالساعات منفردين
#ادعولي_بالثب